Maca 3:11 - ÎVUKU RÎA ÛVORO MWARO

¹¹ Angururirie akînduta njîrarî, akîndarûranga tûnuku akînandiganîria.

Maca 3:11 ပူးပေါင်းရင်းမြစ်များ

Ayubu 16:7

Nama Ngai nîanthirîtia vinya viû; nîatûmîte andû a nyomba yakwa onthe maûragwe.

Thaburi 143:4

Kwoguo nîrîmûthiru vinya; nîrî mûkuû ngoro viû.

Thaburi 50:22

“Îcirieni ûvoro ûyû, mue mûtatindanagîra nanie, mwarega nîmûcûkangie, na gûtirî mûndû ûkaamûvonokia.

Isaia 3:26

Ivingo cia îtûûra rîa Zayuni nîikaarîra na icakae, narîo îtûûra rîkethîrwa rîkariî ta mûndûmûka acunîtwe indo cionthe, ekarîte nthî mûtheturî.

Jeremia 15:3

Nie Ngai-Mûnene nîmvangîte kûmaretera maûndû mana ma kûmathiria: maûragîrwe mbaararî, ngui imatambururange, marîwe nî iconi, na nyamû cia kîthaka imarîa imathirie.

Jeremia 19:8

Nîngatûma îtûûra rîîrî rîtuîke vandû va kûvavûra andû na kûmamakia nîûndû wa mîthiro îrîa rîkethîrwa nayo. Mûndû wa wonthe ûkavîtûkîrîra vakuvî narîo nîakaamaka.

Jeremia 32:43

Andû nîmakaagûra mîgûnda vûrûrirî ûyû ûrîa mûrauga atî nî werû na gûtirî mûndû kana nyamû; na atî nîwavecanirwe njararî cia Akalidei.

Jeremia 5:6

Kwoguo mûnyambû kuuma werûrî nîûkamaûraga; Kîamthi kuuma werûrî nîgîkamacûkangia. Ngarî nîîtegete îtharîkîre matûûra mao, mûndû wonthe ûkauma kûu matûûrarî agaatarûrangwa icunjî, nîûndû mevia mao nî meengî, na mekaraga magîtiganagîria Ngai.

Jeremia 6:8

We Jerusalemu, maûndû mama nîmatuîke ma gûgûkaania, ethîrwa tîguo nîngûmûtiganîria, ndûme ûtuîke werû, kûndû gûtatûûraga andû.”

Maca 1:13

“Nîwatûmire mwaki kuuma îgûrû ûrîa wamvîvirie mavîndî. Nîwambigîre mûtego na akînjokia vuva, nîwacokire akîndiganîria ngîtinda nîrî mûgirîku.

Maca 3:10

Ngai-Mûnene ekariî ta ngatûnyi înîthithîrîte, kana ta mûnyambû wîthithîte.

Danieli 7:23

“Nînaumbûrîrwe ngîrwa atîrî, ‘Nyamû ya kana nî ûthamaki wa kana ûrîa ûkaaumîra gûkû nthî. Ûthamaki ûcio ûkethîrwa ûrî na ngûrani na mothamaki mau mengî monthe. Ûthamaki ûyû nîûgaatambururanga nthî yonthe na ûmîkinyange na ûmîcûkangie yonthe.

Hosea 6:1

Ûkani tûcokerere Ngai-Mûnene; ke mwene nîatûgurarîtie, nwatî wake mwene nîagûtûvonia. Ke mwene nîatûtivangîtie, nwatî ke mwene nîagûtûthondeka kûrîa tûtivangîtue.

Mika 5:8

“Andû a Isiraeli arîa magatigara marî mwoyo, marî mavûrûrirî marîa mengî, makeethagîrwa mekariî ta mûnyambû ûrî gatagatî ka nyamû cia kîthaka, kana ta kaana ka mûnyambû karî ndîthiîra ya ng'ondu. Kathiîcaga na gakaûraga na gûtamburûranga kîrîa kaûragîte, na gûtirî mûndû wa kûivonokia.

Mathaayo 23:38

Kwoguo hekarû yaku nîgaatiganîrua na îkare îrî ntheri.

Kûguû 18:19

Nao nîmaaminjîrie ciongo ciao rûkûngû, na nîmaarîrire marî na kîeva makiugaga atîrî, “Uui, Uui! Îtûûra rîrîa rînene kûrîa andû onthe arîa marî meri maatongerete! Na kavinda ka îthaa rîmwe nîrîaûrwa nî indo cionthe!”