Maca 2:7 - ÎVUKU RÎA ÛVORO MWARO

⁷ Ngai-Mûnene nîanyararîte metha yake ya kîgongoona, na akaregana na hekarû yake. Nîarekereretie nthingo cia nyomba cia athamaki ciomomorwe nî nthû, na nîmaanegenete mûno marî hekarûrî ya Ngai-Mûnene, ta înegene rîrîa rîthagîrwa marugarî.

Maca 2:7 ပူးပေါင်းရင်းမြစ်များ

2Atha 25:9

Nîwavîvirie hekarû, nyomba ya mûthamaki na nyomba cionthe cia Jerusalemu. Nyomba cionthe nene îtûûrarî nîciavîvirue.

2Maû 36:19

Mûthamaki wa Akalidei na athigari ake a mbaara nîmaavîvirie hekarû, makîomomora rûthingo rwa îtûûra rîa Jerusalemu, makîvîvia nyomba cionthe cia mûthamaki na magîcûkangia indo cionthe cia goro irîa ciarî kuo.

Thaburi 89:39

Nîûcûkîtie kîrîkanîro kîrîa warûthire na ndungata yaku, na nîûmûrutîte nthûmbî yake na ûkamikia rûkûngûrî.

Isaia 64:9

Ndûgatûrakarîre makîria, we Ngai-Mûnene, kana ûtûûra ûririkanaga mevia metû tene na tene. Ririkana atî tue tuonthe tûrî andû aku.

Jeremia 21:4

mathiî makeere Zedekia atî Ngai-Mûnene Ngai wa Isiraeli arauga atîrî, “Taroria, nîngwoca indo cionthe cia mbaara, irîa athigari aku maratûmîra kûrûa na mûthamaki wa Babuloni na Akalidei arîa marigicîrîtie îtûûra rîaku. Nîngaciûngania cionthe nîcige gatagatî ka îtûûra rîîrî.

Jeremia 26:18

“Mika wa Moreshethi nîwarathire vîndî îrîa Hezekia aarî mûthamaki wa Juda, na akîîra andû onthe a Juda atî, ‘Ngai-Mûnene mwene vinya wonthe augîte, Zayuni nîgûkaarîmwa ta ûrîa mûraû ûrîmaga mûgûnda, Jerusalemu gûgaatuîka îganjo, nakîo kîrîma varîa hekarû îtumîtwe gîtuîke mûtitû.’

Jeremia 26:6

nîngacoka mbîke hekarû îno ta ûrîa nekire Shilo, na nîngatûma îtûûra rîîrî rîtuîke kîrumi kûrî mavûrûri monthe ma nthî.’ ”

Jeremia 32:29

Akalidei arîa mararûa na îtûûra rîîrî nîmakaarîvîvia na mwaki. Nîmakavîvia nyomba kûrîa ngai cia Baali ivîvagîrua ûbani, na kûrîa ngai cia mîvuanano irutagîrwa matega ma ndivei, nîguo mbakanwe nî marakara.

Jeremia 39:8

Nao Akalidei nîmaavîvirie nyomba ya mûthamaki, nyomba cia andû na makîomomora nthingo cia Jerusalemu.

Jeremia 4:26

Nînaroririe na ngîona vûrûri ûrîa mûnoru ûtuîkîte werû, na matûûra ma kuo marî momomore, nîûndû wa marakara meengî ma Ngai-Mûnene.

Jeremia 4:27

Ngai-Mûnene arauga atîrî, “Vûrûri wonthe ûgaatuîka ta werû, nwatî ndigaûcûkangia viû.

Jeremia 50:28

Andû marethara makauma vûrûri wa Babuloni na makaûra makathiî Jerusalemu kûmenyithania ûrîa Ngai-Mûnene Ngai wetû erîvîrîrîtie nîûndû wa hekarû yake.

Jeremia 52:13

Nake nîwavîvirie hekarû, nyomba ya mûthamaki na nyomba cionthe cia andû a vata kûu Jerusalemu.

Maca 1:4

Varavara cia kûthiî Zayuni nîiracakaya, gûtirî mûndû ûthiîcaga irugorî irîa nyamûre. Mîvîrîga yakuo yonthe nîmîtiganîrie, athînjîri-Ngai akuo nîmaracaa. Erîtu akuo nîmarathînîka, nayo Zayuni nîrathînîka.

Maca 2:1

Ngai-Mûnene arî na marakara, nîaigîte andû a Zayuni ndumarî. Ngai-Mûnene nîanyûrûrûkîtie riiri wa Isiraeli kuuma îgûrû nginya nthî. Mûthenya ûrîa aarakarire ndaaririkana kûrîa magûrû make makinyangaga.

Maca 2:5

Ngai-Mûnene atuîkîte ta nthû na agacûkangia Isiraeli, nîacûkangîtie mîciî ya athamaki onthe a Isiraeli, na akomomora matûûra marîa magitîre. Nîatûmîte kîrîro na macakaya ciongerereke kûrî andû a Juda.

Ezek 24:21

mbîre andû a Isiraeli atî nîmwîtîîaga na ûnene wa hekarû yake, nîmûmîriragîria na nîmûkenaga nîyo mûno mûkîmîona. Ngai-Mûnene nîakagwatia nyomba îo mûgiro na ciana cienyu cia anake na cia erîtu irîa mwatigire vuva, ikaaûragwa na rûviû.

Ezek 7:24

Kwoguo nîngaarete mavûrûri maganu mûno megwatîre nyomba ciao, naguo mwîtîîo wa andû arîa marî vinya ûthire; nakuo kûndû kwenyu gwa kûgoocera kûgwatue mûgiro.

Alawi 26:31

Nîngaacûkangia matûûra menyu viû, njûkangie viû kûndû kûrîa mûgoocagîra na ndikaamûkîra magongoona menyu.

Alawi 26:44

Nwatî kûnarî ûguo, ndikaamatiganîria viû kana nîmacûkangia viû vîndî îrîa makethîrwa marî vûrûrirî wa nthû ciao, atî nîguo wîthîrwe ûrî mûthiia wa kîrîkanîro gîetû nao, nîûndû Nie nînie Ngai-Mûnene, Ngai wao.

Amosi 2:5

Kwoguo nîngaatûma mwaki vûrûrirî wa Juda, na ûcûkangie kûndû kûrîa kûgitîre îtûûrarî rîa Jerusalemu.”

Mika 3:12

Kwoguo, nîûndû wenyu, Zayuni nîîkarîmwa ta mûgûnda, Jerusalemu îgekara ta îganjo, nakîo kîrîma gîa hekarû gîtuîke mûtitû.

Mathaayo 24:2

Nake Jesû nîwamacokerie atîrî, “Nîmûrona mîako îno yonthe? Nîramwîra na ma atî gûtirî îthiga wana rîmwe rîrî ava rîgaatigwa rî îgûrû rîa rîrîa rîngî; mathiga monthe nîmakoomomorwa.”