Maca 2:5 - ÎVUKU RÎA ÛVORO MWARO

⁵ Ngai-Mûnene atuîkîte ta nthû na agacûkangia Isiraeli, nîacûkangîtie mîciî ya athamaki onthe a Isiraeli, na akomomora matûûra marîa magitîre. Nîatûmîte kîrîro na macakaya ciongerereke kûrî andû a Juda.

Maca 2:5 ပူးပေါင်းရင်းမြစ်များ

2Atha 25:9

Nîwavîvirie hekarû, nyomba ya mûthamaki na nyomba cionthe cia Jerusalemu. Nyomba cionthe nene îtûûrarî nîciavîvirue.

Ayubu 13:24

“Wîthithîte nînie nîkî, na ûkandua ta nthû yaku?

Ayubu 19:11

Etûrûrîte marakara make na kûrî nie, na akandua nthû yake.

Thaburi 89:40

Nîwomomorete nthingo cionthe cia îtûûra rîake, nîunangîte kûndû gwake gwa kwîthitha.

Thaburi 89:41

Andû arîa onthe mavîtûkagîrîra kuo nîmamûcunaga indo ciake, andû a mavûrûri marîa mariganîtie nao nîmaamûthekagîrîra.

Isaia 29:2

Kûnarî ûguo nîngaatûma Jerusalemu kûgîe kîeva, na nîgûkaagîa kîrîro na macakaya, na kûrî nie îtûûra rîu rîkethîrwa rîkariî ta metha ya kîgongoona îrî na nthakame.

Isaia 63:10

Nwatî nîmaareganire nake na makîrakaria roho wake mûtheru. Kwoguo Ngai-Mûnene nîwatuîkire nthû yao na akîrûa nao.

Jeremia 15:1

Ngai-Mûnene nîwacokire akîmbîra atîrî, “Wana Musa na Samueli mangîrûngama mbere yakwa, nie ndingîguîra andû aya ntha. Meere mathiî maume mbere yakwa.

Jeremia 21:4

mathiî makeere Zedekia atî Ngai-Mûnene Ngai wa Isiraeli arauga atîrî, “Taroria, nîngwoca indo cionthe cia mbaara, irîa athigari aku maratûmîra kûrûa na mûthamaki wa Babuloni na Akalidei arîa marigicîrîtie îtûûra rîaku. Nîngaciûngania cionthe nîcige gatagatî ka îtûûra rîîrî.

Jeremia 30:14

Anyanya aku onthe nîmariganîrîtwe nîmue; matitindanagîrîra namue. Nîmûtharîkîrîte ta ûrîa mûndû atharîkagîra nthû, nîmûverithîtie ndakûmwîguîra ntha. Nîûndû mavîtia menyu nî manene, na mevia menyu nî meengî.

Jeremia 52:13

Nake nîwavîvirie hekarû, nyomba ya mûthamaki na nyomba cionthe cia andû a vata kûu Jerusalemu.

Maca 2:2

Ngai-Mûnene nîacûkangîtie matûûra monthe ma Isiraeli atarî na ntha. Nîomomorete nthingo cionthe irîa igitagîra andû a Juda. Ngai-Mûnene nîanyûrûrûkîtie mothamaki vamwe na aathani.

Maca 2:4

Nîwatungire ûta atwerekeretie ta tûrî nthû, nîwaûragire arîa onthe twendete na maatûkenagia. Arî îgemarî rîa mwarî wa Zayuni, nîatwîtîrîrîtie marakara make ta mwaki.

Ezek 2:10

Nîwacokire akîrîkûnjûra mbere yakwa, na ngîona rîandîkîtwe mîena yoîrî ciugo cia gûcakaya, kîrîro na mathîna.

1Sam 28:16

Nake Samueli nîwerire Saûlo atîrî, “Ûrambîta rîrîa Ngai-Mûnene agûtiganîrîtie na agatuîka nthû yaku nîkî?