Maca 2:17 - ÎVUKU RÎA ÛVORO MWARO

¹⁷ Ngai-Mûnene nîwîkîte maûndû marîa eendete gwîka, nîavingîtie marîa aaugîte nîageka, kîrîa aavangîte kuuma tene omomorete atarî na ntha. Nîatûmîte nthû ikenerere kûverithua gwaku, nîatûgîrîtie athigari njamba arîa nthû ciaku.

Maca 2:17 ပူးပေါင်းရင်းမြစ်များ

1Atha 9:7

nîngaaruta andû akwa a Isiraeli kuuma vûrûrirî ûrîa namaveere. Nîngaacoka ndiganîrie hekarû îno nyamûrîte îgatuîka yakwa ya kûngoocagîra, nao Aisiraeli nîmakaavûthua na manyararwe nî andû a ndûrîrî cionthe.

Thaburi 35:24

Nduîra atî ndirî na mavîtia, we Ngai-Mûnene, Ngai wakwa, nîûndû wa ûthingu waku; ndûgetîkîre nthû ciakwa inthekerere.

Thaburi 35:26

Tiga acio makenagîrîra kûthînîka gwakwa, mavootwe na maconorithue; acio meyonaga marî aro kûrî nie, megue nthoni na maconoke.

Thaburi 38:16

Nîrakûvoya tu, ndûkareke nthû ciakwa inthekerera; ndûgatûme ciîtîîa nîûndû wa kûgwa gwakwa.

Thaburi 89:42

Nîûvete nthû ciake ûvootani, na nîûtûmîte nthû ciake cionthe ikene.

Thaburi 89:43

Nîûtûmîte indo ciake cionthe cia mbaara ituîka cia mana, nîûmûrekereretie avootwe arî mbaararî.

Isaia 14:29

“Mue andû onthe a Filisiti, mûtigakene, atî nîûndû mûragi ûrîa mwarivirwe naguo nî munîkangu; nîûndû njoka îtarî ûrogi nîgaaciara kîmvuva, nakîo kîmvuva nîgîgaaciara njoka mbaganu makîria.

Jeremia 18:11

Kwoguo rîu, îra andû a Juda na atûûri a Jerusalemu atî nie Ngai-Mûnene, nînîravanga maûndû macûku îgûrû rîao. Nînîravanga ûrîa ngûmaverithia. Garûrûkani muonthe, wa mûndû atigane na mîthiîre yake mîcûku, mûrûngarie mîthiîre yenyu na ciîko cienyu.

Jeremia 4:28

Kwoguo nthî nîgacakaya; nakuo îgûrû kûgîe nduma, nîûndû ûguo nîguo mbugîte na ngatua; ndingîricûkwa kana ngarûrûka.

Jeremia 40:3

na rîu nîwavingia ûndû ûcio, na eka wata ûrîa augire. Maûndû mama mekîkîte kûrî mue nîûndû nîmwevîrie Ngai-Mûnene na mûkîrega kûmwathîkîra.

Maca 1:5

Nthû ciake nîivootanîte, arîa mamûmenete nîmathatûkagwa. Ngai-Mûnene nîatûmîte athînîke, nîûndû wa mevia make meengî. Ciana ciake nîndave, igatuîka mîgwate mbere ya nthû ciake.

Maca 2:8

Ngai-Mûnene nîwatuîte omomore rûthingo rwa Zayuni, nîaithimîte na akoona atî nîaciomomorete cionthe. Nthingo na nyomba irîa ndaca na îgûrû ciomomokete ikamamanîra vamwe.

Maca 3:43

“Ûtûrûmîrîtie ûrî na marakara, watûûraga ûtarî na ntha.

Maca 4:11

Ngai-Mûnene nîwonanirie marakara make, na agîtûrûra marakara make, nîwakanirie mwaki kûu Zayuni, ûrîa wavîvirie mîcingi yakuo.

Ezek 5:11

“Kwoguo, nie Ngai-Mûnene, wata ûrîa ndûraga mwoyo, nîûndû nîmûgwatîtie nyomba yakwa mûgiro na njîra ya gwîka maûndû macûku, nîngaamûrega muonthe ndakwîguîra mûndû wana ûrîkû ntha.

Ezek 8:18

Kwoguo nîngamaverithia nîrî na marakara. Ndikaamacaîra kana nîmeguîra ntha. Wana mangîkaavoya maugîrîrîtie ndikaamathikîrîria.”

Ezek 9:10

Kwoguo nie, ndikaamarekera kana nîmeguîra ntha. Ngaamaverithia kûringana na ûrîa mekîte.”

Danieli 9:12

Nîwavingirie maûndû marîa waugire nîûgaatwîka vamwe na athani etû. Nîwacûkangirie Jerusalemu gûkîra ûrîa wanacûkangia matûûra marîa mengî monthe ma nthî.

Mika 2:3

Kwoguo Ngai-Mûnene augîte atîrî, “Nîmvangîte kûmûretithîria mûthiro, na mûtikaavota kûra mume kûrî guo. Rîkethîrwa rîrî îvinda rîa thîna, na gûtirî mûndû ûkaathiîcaga na mwîtîîo.

Zefania 1:2

Ngai-Mûnene arauga atîrî, “Nîngaathiria ciûmbe cionthe cia nthî:

Zakaria 1:6

Methe menyu nîmaareganire na irîra na mawatho marîa namathire na njîra ya arathi ndungata ciakwa. Kwoguo nîmaaverire na makiuga atî nie Ngai-Mûnene Mûnene mwene vinya wonthe, nîmaverithîtie kûringana na mîthiîre yao na ciîko ciao wa ta ûrîa natuîte, na nîguo naamekire.”