Maca 2:15 - ÎVUKU RÎA ÛVORO MWARO

¹⁵ Andû arîa onthe mavîtûkaga na njîra nîmamûvûragîra mvî. Nîmainainagia ciongo na makatheka nîûndû wa kwomomorwa kwa Jerusalemu. Rîrî nîrîo îtûûra rîrîa maaugaga nîrîthaka na rîakenagia nthî yonthe?

Maca 2:15 ပူးပေါင်းရင်းမြစ်များ

2Atha 19:21

Ngai-Mûnene augîte atîrî ûvoro wîgiî Senakeribu: “Ke nîarakûnyarara na nîarakûthekerera we mwîrîtu nthingi wa Zayuni; arainainia kîongo gîake arî vuva waku we mwarî wa Jerusalemu.

2Maû 7:21

“Hekarû îno rîu îrî na ngumo mbaro, nwatî vîndî îo mûndû wa wonthe ûkaavîtûkîrîra varî yo nî akaamaka na aûrie atî, ‘Ngai-Mûnene ekire vûrûri ûyû na hekarû îno ûguo nîkî?’

Thaburi 109:25

Andû mamonaga makanthekerera; mamonaga makainainia ciongo ciao na kînyarari.

Thaburi 22:7

Andû onthe arîa mamonaga nîmanjivaga, manyûrûragia na makinainagia ciongo ciao.

Thaburi 48:2

Zayuni, kîrîma Kîam Ngai, nî kîraca na nî kîthaka; îtûûra rîa mûthamaki mûnene nîrîkenagia andû onthe a nthî.

Thaburi 48:3

Ngai nîwonanîtie atî nîke ûgitanagîra, îtûûrarî rîrîa ririgîre na nthingo cia vinya.

Thaburi 50:2

Ngai nîarakenga arî Zayuni, îtûûra rîrîa rîthaka mûno.

Thaburi 64:8

Nîakaamacûkangia nîûndû wa ciugo ciao; arîa onthe makaamona nîmakaainainia ciongo.

Isaia 28:21

Ngai-Mûnene nîakaarûngama ta ûrîa aarûngamire arî Kîrîmarî gîa Perazimu, na arakare ta ûrîa aarakarire arî Kîamndarî gîa Gibeoni; nîageka ûndû ûtecîkene, nîakaaruta wîra wake wa kûgegania.

Isaia 37:22

ûvoro wîgiî mûthamaki ûcio, Ngai-Mûnene augîte atî: Mwîrîtu nthingi mwarî wa Zayuni, nîakûmenete na agakûthekerera. Mwarî wa Jerusalemu nîarakwinainîria kîongo na agakûnyarara.

Isaia 64:11

Nyomba yetû îrîa ntheru na nthaka, kûrîa methe metû maagûkumagîria, nîîvîvîtue na mwaki îkavîa viû. Nakuo kûndû gwetû kuonthe kûrîa kwarî kûthaka gûtigîtwe kwanangîkîte.

Jeremia 18:16

Nîmatûmîte vûrûri wao ûtuîka kîndû gîa kûmakania, ûtuîke kîndû gîa kûnyararwa tene na tene. Andû onthe arîa mavîtûkagîrîra vakuvî naguo, mamakaga makainainia ciongo ciao.

Jeremia 19:8

Nîngatûma îtûûra rîîrî rîtuîke vandû va kûvavûra andû na kûmamakia nîûndû wa mîthiro îrîa rîkethîrwa nayo. Mûndû wa wonthe ûkavîtûkîrîra vakuvî narîo nîakaamaka.

Jeremia 25:18

Nambîrîrie gûkundia Jerusalemu na matûûra ma Juda; ngîcoka gûkundia athamaki na anene a kuo, nîguo matuîke kûndû gûtarî kîndû, na werû na kûndû gwa kûnyararwa na kûndû kûrume, wata ûrîa gwîkariî ûmûnthî,

Jeremia 25:9

nîngûtûma mîvîrîga yonthe ya mwena wa rûgûrû, na Nebukadinezarû mûthamaki wa Babuloni, ndungata yakwa matharîkîre vûrûri ûyû na atûûri a guo vamwe na mavûrûri monthe marîa mamarigicîrîtie. Nîngamacûkangia viû na ndûme megue guoya, manyararwe na matûûre na gîconoko.

Jeremia 26:6

nîngacoka mbîke hekarû îno ta ûrîa nekire Shilo, na nîngatûma îtûûra rîîrî rîtuîke kîrumi kûrî mavûrûri monthe ma nthî.’ ”

Jeremia 29:18

Nîngamarûmîrîria na mbaara, yûra na mîrimû na ndûme mothamaki monthe ma nthî mamakage mamoona. Nîmagaatuîka kîrumi, na meguithie andû guoya, macivagwe na manyararagwe nî mavûrûri monthe kûrîa namanyaganirie.

Jeremia 48:27

Moabu, taririkana ûrîa wathekerere andû a Isiraeli. Nîkwa wanyitanîrue na aîi, atî vîndî cionthe waria ûvoro wake ûkainainia kîongo?

Jeremia 51:37

Vûrûri wa Babuloni nîûtuîka maganjo; ûgaatuîka kûndû gwa gûtûûrwa nî mbwe, nîgûtuîka kîmako na kûndû gwa kûnyararûa, kûndû gûtatûûragwa nî andû.

Maca 1:21

“Tathikîrîria gûcakaya gwakwa, gûtirî mûndû wa kûmvoreria. Nthû ciakwa nîimenyete mathîna makwa, nîirakenerera kûthîna gwakwa, tûma nthû ciakwa cione mathîna ta nie.

Maca 1:8

Jerusalemu nîyevirie mûno, kwoguo nîyagîre gîko, arîa onthe maarîtîîaga nîmaarînyararire, nîûndû nîmoonire njaga yarîo, Jerusalemu îcaaga na îkenamia ûthiû nîûndû wa nthoni.

Maca 2:16

Nthû ciaku cionthe ciathamagia ikaria maûndû macûku makwîgiî, macaaga na makarîa magego makiugaga: “Nîtûmûcûkangîtie! Nama ûyû nîguo mûthenya tûtwîre twetererete; rîu nîwakinya na nîtwawona!”

Maca 2:6

Omomorete hekarû yake ta kîomba Kîam mûgûnda, nîacûkangîtie îgema rîake. Ngai-Mûnene nîathirîtie irugo cia gûkûngûîra na mîthenya ya thavatû kûu Zayuni. Arî na marakara meengî nîareganîte na mûthamaki na athînjîri-Ngai.

Ezek 16:13

Ûguo nîguo wagemetue na thaavu na sîlûva. Wekagîra nguo irîa mbaro na ciagemetue waro. Warîcaga irio cia mûtu ûrîa mûvinyu mûno, na ûûkî na maguta. Nîwatuîkire mûthaka makîria na ûgîtûgîra nginya ûgîtuîka mûthamaki mûndûmûka.

Ezek 16:14

Wagîre ngumo mavûrûrirî monthe nîûndû wa ûthaka waku nîûndû nînie naakûgemirie.” Ûguo nîguo Ngai-Mûnene arauga.

Ezek 23:32

Ngai-Mûnene arauga atîrî, “Ûkaanyuîrîra gîkomberî kîrîa, mwarwanyûkwe aanyuîrîre, gîkombe kînene na kîrikîru. Andû nîmagaakûthekerera na makûnyarare; na nîgîcûru.

Ezek 25:6

Nie Ngai-Mûnene Ngai mbugîte atîrî, “Mue nîmwavûrire mvî na mûkîrûgarûga mûkenete na mûkîmenereria vûrûri wa Isiraeli.

Ezek 5:15

“Rîrîa ngaamûverithia nîrî na marakara meengî, nîmûgaatuîka kîndû gîa kûthekagîrîrwa na kûrumwa nî ndûrîrî irîa imûthiûrûrûkîrîtie. Nie Ngai-Mûnene nînie nauga ûguo.

Danieli 9:16

We Mwathani, nîûndû wa ûthingu waku tiga kûverithia Jerusalemu, îtûûra rîaku rîrîa rîrî kîrîmarî kîrîa kîtheru. Andû aku, na îtûûra rîa Jerusalemu methagîrwa marî na gîconoko mbere ya mavûrûri marîa mamarigicîrîtie, nîûndû wa mevia metû na maûndû macûku marîa meekirwe nî methe metû ma tene.

Mika 6:16

Nîmûrûmîrîrîte mîtugo mîcûku ya mûthamaki Omuri na maûndû monthe marîa meekagwa nî andû a mûciî wa Ahabu, na mûkarûmîrîra ûtaari wao. Kwoguo nîngaamûretithîria mûthiro na mûnyararwe nî andû onthe. Andû a kûndû kuonthe makaamwonaga makamûciva.

Nahumu 3:19

Gûtirî mûndû wa kûvonia ngurara ciaku, na ironda ciaku itingîvona. Arîa onthe megucaga ûvoro waku, nîmavûravûra mvî nî gûkena. Nî mûndû ûrîkû waûrire waganu waku ûcio ûtarî mûthiia?

Zefania 2:15

Ûguo nîguo gûgekîka kûrî îtûûra rînene rîrîa rîîtîaga nîûndû wa vinya warîo na rîgeciria atî nîrîgitîre. Îtûûra rîu rîciragia atî nîrîo rînene mûno nthî îno. Rîgaatuîka îganjo, varîa nyamû cia kîthaka ikaavurûkaga! Mûndû wa wonthe ûkaavîtûkîrîra vo nîakaavavûka na etigîre.

Mathaayo 27:39

Nao andû arîa maavîtûkagîrîra vau nîmaainainirie ciongo ciao na makîruma Jesû makîmwîraga atîrî,

Maariko 15:29

Nao andû arîa maavîtûkagîrîra vau nîmaamûrumaga na makamûnyûrûria makîmwîraga atîrî, “Oo! We nîûngîomomorire hekarû na ûmîtume rîngî na mîthenya îthatû,