Maca 2:10 - ÎVUKU RÎA ÛVORO MWARO

¹⁰ Athuuri a Jerusalemu mekaraga nthî makirîte, makeminjîria mûu ciongorî ciao mekîrîte nguo cia macakaya, na erîtu a Jerusalemu nîmaturumithîtie mothiû mao nthî.

Maca 2:10 ပူးပေါင်းရင်းမြစ်များ

2Sam 13:19

Tamarû nîweîtîrîrie mûu kîongorî gîake, agîtembûranga nguo îo yake ndaca, agîcoka akîîmika ûthiû wake na njara na akîthiî akîrîraga.

Isaia 15:3

maravîtûkîrîra njîrarî mekîrîte nguo cia macakaya; maracakaya makîrîraga methori marî nyombarî îgûrû na ivaarorî cia matûûra.

Isaia 3:24

Vandû va kûgîa na mûnungo mwaro, makaanungaga woru; vandû va kwîyova mîcivi, makeyova mîkanda; vandû va kwîthîrwa na njuîrî nthaka, makethîrwa na ivara; vandû va kwîthîrwa na nguo mbaro, mageekîra matangari; vandû va ûthaka makethîrwa na gîconoko!

Isaia 3:26

Ivingo cia îtûûra rîa Zayuni nîikaarîra na icakae, narîo îtûûra rîkethîrwa rîkariî ta mûndûmûka acunîtwe indo cionthe, ekarîte nthî mûtheturî.

Isaia 36:22

Vîndî îo Eliakimu mûvîcî wa Hilikia, mûmenyereri wa nyomba ya mûthamaki, Shebuna mwandîki na Joa, mûvîcî wa Asafu mûmenyereri wa mandîko, nîmaathiîre kûrî mûthamaki Hezekia matembûrangîte nguo ciao na makîmwîra ûrîa Rabushake aaugîte.

Isaia 47:1

Ngai-Mûnene arauga atîrî, “Nyûrûrûka wîkarîre mûthetu, we mwîrîtu nthingi wa Babuloni; îkara mûtheturî nthî vandû vatarî na gîtî, we mwarî wa Akalidei! Nwatî kuuma rîu ndûgeetwa rîngî mûnini na ûtarî vinya.

Isaia 47:5

Ngai-Mûnene arauga atîrî, “We mwarî wa Akalidei îkara ûkirîte kivi na ûthiî ndumarî, nîûndû ndûgaacoka gwîtwa mûndûmûka mûthamaki wa mavûrûri!

Jeremia 8:14

“Twîkarîte wa ûguo nîkî? Tûgomane vamwe tûthiî matûûrarî marîa mairigîre tûgakuîre kuo. Nîûndû Ngai-Mûnene Ngai wetû nîatûtuîrîrîte gûkuîra kuo, na nîatûvete manjî marî na ûrogi tûnyue, nîûndû nîtûmûvîtîrîtie.

Maca 1:1

Îtûûra rîrîa rîecûrîte andû kaî rîrî na îvooru î! Nîrîatîîtwe nî mavûrûri, nwatî rîu rîkariî ta mûka wa ndigwa, mbere rîarî mwarî wa mûthamaki, rîu rîtuîkîte ngombo.

Maca 1:4

Varavara cia kûthiî Zayuni nîiracakaya, gûtirî mûndû ûthiîcaga irugorî irîa nyamûre. Mîvîrîga yakuo yonthe nîmîtiganîrie, athînjîri-Ngai akuo nîmaracaa. Erîtu akuo nîmarathînîka, nayo Zayuni nîrathînîka.

Maca 3:28

Agîrîrwe nî gwîkara akirîte arî wenga, rîrîa Ngai-Mûnene atûma athînîke.

Maca 4:16

Ngai-Mûnene nîke wamanyaganirie, na agîtiga kûmamenyerera, athînjîri-Ngai magîtiga kûvewa gîtîîo, agîtiga kûrûmbûiya ûvoro wa atongoria.

Maca 4:5

Andû arîa maarîcaga irio mbaro; rîu nîo marakuîra njîrarî nî yûra, arîa marererwe nyombarî cia athamaki, rîu maravukûria irûndo cia macaki, magîcaragia gîa kûrîa.

Maca 5:12

Atongoria macuragua movetwe njara, na athuuri mativecagwa gîtîîo.

Maca 5:14

Athuuri nîmatigîte gûcemania ivaarorî, nao andû ethî nîmatigîte kwina.

Ezek 27:30

Nîmagacakaya maugîrîrîtie nîûndû waku, na marîre marî na ûrûrû mwîngî ngororî. Nîmakeminjîria rûkûngû ciongorî ciao, na megaragarie mûurî.

Ezek 27:31

Menjete ciongo nîûndû waku, na mageekîra nguo cia macakaya, Nîmagaakûrîrîra marî na ûrûrû ngororî.

Ezek 7:18

Nîmagekîra nguo cia macakaya na mekare mamakîte mûno. Nîmakoonekaga marî na gîconoko na menjetwe njuîrî ciongo.

Joeli 1:8

Rîrani ta mwîrîtu ekîrîte nguo cia macakaya agîcakaa nîûndû wa gîkuû Kîam mwendwa wake.

Amosi 5:13

Kwoguo, nîgûkethîrwa na mavinda macûku na nginya mûndû ûrîa mûûgî nîagaakira kivi.

Amosi 8:13

“Mûthenya ûcio erîtu na anake arîa marî na ûgima wa mwîrî, nîmakaagirîka nîûndû wa kûnyonda.

Amosi 8:3

Mûthenya ûcio mûciî kwa mûthamaki gûkainwa nyîmbo cia macakaya. Gûkethîrwa na ciimba nyîngî, ikanyagarûkua kûndû kuonthe gûkirîtwe kivi.”

Jona 3:6

Rîrîa mûthamaki wa Nineve eegwire ûguo, nîwaûkîrire na akiuma gîtîrî gîake Kîam ûthamaki, akîruta nguo yake ya ûthamaki na agîkîra nguo ya macakaya na agîkara nthî mûurî.

Josh 7:6

Joshua na atongoria a Isiraeli nîmaatembûrangire nguo ciao marî na kîeva na nîmegwîthirie nthî mbere ya îthandûkû rîa kîrîkanîro Kîam Ngai-Mûnene. Nao nîmeeminjîrie rûkûngû na nîmeekarire vo nginya kîvwaî.

Kûguû 18:19

Nao nîmaaminjîrie ciongo ciao rûkûngû, na nîmaarîrire marî na kîeva makiugaga atîrî, “Uui, Uui! Îtûûra rîrîa rînene kûrîa andû onthe arîa marî meri maatongerete! Na kavinda ka îthaa rîmwe nîrîaûrwa nî indo cionthe!”