Maca 1:5 - ÎVUKU RÎA ÛVORO MWARO

⁵ Nthû ciake nîivootanîte, arîa mamûmenete nîmathatûkagwa. Ngai-Mûnene nîatûmîte athînîke, nîûndû wa mevia make meengî. Ciana ciake nîndave, igatuîka mîgwate mbere ya nthû ciake.

Maca 1:5 ပူးပေါင်းရင်းမြစ်များ

2Atha 21:15

Ngaameka maûndû mau monthe nîûndû nîmamvîtîrîtie na nîmaandakaririe kuuma rîrîa methe mao maaumire Misiri nginya ûmûnthî.”

Thaburi 80:6

Nîûtûmîte tûcambue nî andû arîa matûthiûrûrûkîrîtie, nthû cietû nîkwa itûthekagîrîra.

Thaburi 89:42

Nîûvete nthû ciake ûvootani, na nîûtûmîte nthû ciake cionthe ikene.

Isaia 22:5

Nîûndû ûmûnthî Ngai-Mûnene mwene vinya wonthe, nîatûreterete kîmako, gûcindwa na kîvîngîcî, gûkû Kîandarî gîa Kîoneki. Nthingo cia îtûûra nî nyomomore, na înegene rîa andû akuo nî rîreguîka nginya irîma.

Isaia 63:18

Tue andû aku atheru, nîtwegwatîre hekarû yaku gwa kavinda, nwatî nîtwengatirwe nî nthû cietû: nîciomomorire hekarû yaku.

Jeremia 10:20

Îgema rîakwa nîrîomomore, mîkanda yarîo yonthe nîmîtuîkangu, ciana ciakwa nîindiganîrîtie, na gûtirî wanarî ûmwe mûtigaru wa kûnyambîra îgema rîngî, kana wa kûnjurîria itambaa.

Jeremia 12:7

Ngai-Mûnene arauga atîrî, “Nîndiganîrîtie andû akwa a Isiraeli, nîndeete andû akwa kîûmbe, nîndekereretie mwenda wakwa njararî cia nthû ciake.

Jeremia 23:14

Nwatî gatagatîrî ka arathi a Jerusalemu, nîmonete magîka ûndû mûcûku mûno; mekaga ciîko cia ûtharia na makaveenania. Mekagîra andû arîa marî ciîko njûku vinya nîguo matikagarûrûke matiga waganu, onthe kûrî nie matuîkîte ta Sodomu, na atûûri a kuo matuîkîte ta Ngomora.

Jeremia 39:9

Nake Nebuzaradani na mûnene wa arangîri nîwocire andû acio engî maatigarire kûu îtûûrarî na arîa meevecanîte kûrî mûthamaki na makîmavira Babuloni marî mîgwate.

Jeremia 5:29

Ngai-Mûnene arauga atîrî, “Nwa ndege kûverithia andû nîûndû wa maûndû mama? Nwa ndege kwîrîvîrîria kûrî vûrûri ta ûyû?

Maca 1:16

“Nîûndû wa maûndû mau nînîrarîra, metho makwa magetûrûra methori. Gûtirî mûndû wanarî ûmwe ûngîmvoreria; gûtirî mûndû ûngînyûmîrîria, ciana ciakwa itigîtwe itarî kîndû, nîûndû nîrîmûvoote nî nthû yakwa.

Maca 1:18

“Nwatî Ngai-Mûnene arî na kîvooto nîûndû nîndegete kwathîkîra kiugo gîake, nwatî tanthikîrîriani mue andû onthe, taroriani ûrîa nîrathînîka, erîtu na anake akwa nîatave.

Maca 1:8

Jerusalemu nîyevirie mûno, kwoguo nîyagîre gîko, arîa onthe maarîtîîaga nîmaarînyararire, nîûndû nîmoonire njaga yarîo, Jerusalemu îcaaga na îkenamia ûthiû nîûndû wa nthoni.

Maca 2:17

Ngai-Mûnene nîwîkîte maûndû marîa eendete gwîka, nîavingîtie marîa aaugîte nîageka, kîrîa aavangîte kuuma tene omomorete atarî na ntha. Nîatûmîte nthû ikenerere kûverithua gwaku, nîatûgîrîtie athigari njamba arîa nthû ciaku.

Maca 3:46

“Tûrarumwa na tûkanyararwa nî nthû cietû cionthe.

Ezek 9:10

Kwoguo nie, ndikaamarekera kana nîmeguîra ntha. Ngaamaverithia kûringana na ûrîa mekîte.”

Ezek 9:9

Nake nîwanjokerie atîrî, “Mavîtia marîa mekîtwe nî nyomba ya Isiraeli na Juda nî meengî mûno. Vûrûri wîcûrîtwe nî ûragani, na îtûûrarî nakuo gûtirî maûndû marekwa na njîra ya kîvooto. Maugaga atî, nie Ngai-Mûnene nîndiganîrîtie vûrûri wao na atî ndimonaga.

Gûco 31:29

Nîmbicî narîkia gûkua nîmûgaatuîka andû aganu na mûregane na maûndû marîa naamwathire mwîkage. Mavinda marîa magaaûka nî mûkaanyitwa nî mîthiro, nîûndû mûkethîrwa mûrakarîtie Ngai-Mûnene na njîra ya gwîka maûndû macûku marîa areganîte namo.”