Maca 1:3 - ÎVUKU RÎA ÛVORO MWARO

³ Andû a Juda nîavire îthamîriorî, marî ngombo na marî na mathîna meengî. Matûûranagia na andû a ndûrîrî, na mationaga vandû mangîvurûka. Arîa onthe mamarûmîrîrie nîmaamanyitire, matiarî na gwa kûûrîra.

Maca 1:3 ပူးပေါင်းရင်းမြစ်များ

2Atha 25:11

Nebuzaradani nîwacokire akînyita andû onthe arîa maatigîtwe îtûûrarî vamwe na andû arîa maathiîte na makerekereria kûrî mûthamaki wa Babuloni na akîmavira îthamîriorî.

2Atha 25:21

Nebukadinezarû nîwarivire andû acio na akîmaûragîra kûu Ribula vûrûrirî wa Hamathi. Kwoguo andû a Juda nîmaarutirwe vûrûrirî wao na makîvirwa îthamîriorî.

2Atha 25:4

Rûthingo rwa îtûûra nî rwomorirwe mwena ûmwe na mûthamaki vamwe na athigari onthe a mbaara nîmaaûrire ûtukû mavîtûkîrîrîte mûgûndarî wa mûthamaki. Maavîtûkîrîre kîvingorî kîrîa Kîamrî gatagatî ka nthingo igîrî, na nîmaathiîre merekerete mwena wa Araba, wana ethîrwa athigari a Babuloni nîmaarigicîrîtie îtûûra.

2Atha 25:5

Nwatî athigari a mbaara a Babuloni nîmaarûmîrîrie mûthamaki Zedekia na nîmaamûkinyîrîre kûndû kûrîa kwaraganu kûu Jeriko. Nao athigari ake onthe nîmaanyaganirie makîmûtiga.

Jeremia 13:19

Matûûra monthe ma Negebu nîmarigicîrie, gûtirî mûndû ûngîtonya kuo. Andû onthe a Juda nîatave makavirwa îthamîriorî.”

Jeremia 16:16

Ngai-Mûnene arauga atîrî, “Nîngwîta ategi eengî mûno a nthamaki nîguo matege andû aya. Nîngûcoka mbîte aguîmi eengî mûno, nîguo mamacarie irîmarî cionthe na tûrîmarî na ngurungarî cia mathiga.

Jeremia 24:9

Nîngamaretera maûndû macûku mûno ma kûmakia mavûrûri monthe ma nthî. Nîmagaatuîka kîndû gîa kûthekererwa, kûnyararûa, kwirwa na matuîke kîrumi kûrîa kuonthe ngamanyagania.

Jeremia 39:9

Nake Nebuzaradani na mûnene wa arangîri nîwocire andû acio engî maatigarire kûu îtûûrarî na arîa meevecanîte kûrî mûthamaki na makîmavira Babuloni marî mîgwate.

Jeremia 52:15

Nebuzaradani mûnene wa arangîri nîwatavire andû onthe arîa maatigarîte kûu îtûûrarî, athîni wana andû onthe arîa maûrîte makathiî mwena wa Babuloni vamwe na mafundi.

Jeremia 52:8

Nwatî athigari a Babulonia nîmaavinyûrire makîrûmîrîria mûthamaki Zedekia, na makîmûkinyîrîra kûndû kûrîa kwaraganu vakuvî na rûnjî rwa Jeriko, nao athigari ake onthe nîmaamûtiganîrie makîûra.

Maca 2:9

Mîrango ya Jerusalemu nîyagwîre na nî mîthike nî mûthetu, mîkîgo îrîa îvingaga mîrango nî miunîkangu, athamaki na aathani marî îthamîriorî. Watho nîwatigire kûthomithanua, nao arathi a Jerusalemu mationaga cioneki kuuma kûrî Ngai-Mûnene.

Maca 4:15

Andû maaugagîrîria makameera atîrî, “Umani ava. Mue mûrî mûgiro! Thiîni! Mûtikamvutie!” Kwoguo andû acio maatuîkire aûrûri matarî gîkaro, maumaga vûrûrirî ûmwe makathiî ûrîa wîngî; andû a mavûrûri maugaga atîrî: “Matigekarania natue rîngî.”

Maca 5:5

Twîkîrîtwe îcoki ngingo na twavinyûrua mûno, tûrî anogu, na tûtingîtîkîrua tûvurûke.

Ezek 5:12

Gîcunjî kîmwe Kîam ithatû Kîam andû enyu, nîmagaakua nî mûrimû mûcûku na yûra marî kûu mûrî; gîcunjî kîmwe Kîam ithatû kîngî nîgîgaakuîra mbaararî kûu îtûûrarî; gîcunjî kîu kîngî Kîam ithatû nîngaakînyagania nthî yonthe na njoke nîkîrûmîrîrie na rûviû.

Gûco 28:48

Kwoguo, mûgaatungatagîra nthû cienyu irîa Ngai-Mûnene akaamûrekereria kûrî cio. Mûgaaitungatagîra mûrî avûtu, mûrî anyondu na mûrî njaga na mûtarî wanarî kîndû. Nthû cienyu ikaamûvinyîrîria nginya rîrîa mûgaakua mûthire.