Maca 1:15 - ÎVUKU RÎA ÛVORO MWARO

¹⁵ “Mwathani nîaregete athigari onthe njamba arîa mangitagîra. Nîatûmîte athigari a mbaara, matharîkîre anake akwa. Mwathani aakinyangire andû a Juda, ta thavibu kîvivîrorî Kîam ndivei.

Maca 1:15 ပူးပေါင်းရင်းမြစ်များ

2Atha 9:33

Nake Jehu nîwamerire atîrî, “Mûvarûkieni nthî!” Kwoguo ndungata icio nîciavarûkirie Jezebeli nthî; nayo nthakame îmwe ya Jezebeli nîyaminjûkîre rûthingo, nayo îo îngî îkîminjûkîra mbarathi. Jehu nîwakinyangire mwîrî wa Jezebeli na mbarathi ciake na gîkaari gîake Kîam mbarathi.

Thaburi 119:118

Ndwîtîkagîra andû onthe arîa matiganagîria mawatho maku, wara ûcio wao mûcûku nîwa mana.

Isaia 28:18

Vîndî îo kîrîkanîro kîenyu na gîkuû nîgîkaathirua, na ngwatanîro yenyu na kwa arîa akuû îgaatuîka ya mana. Rîrîa mûthiro ûkaavîtûkîrîra kûu nîûkamûthiria.

Isaia 41:2

“Nû watûmire mûndû kuuma mwena wa îrathîro, na agîtûma athiî akîvootanaga kûndû kuonthe? Nînie ndûmaga avoote mavûrûri, na ngatûma athage athamaki, ndûmaga mavaraganue na rûviû rwake takwa marî rûkûngû, nîmanyaganagia na mîguî yakwa ta ûrîa macaki manyaganagua nî rûkûngi.

Isaia 5:5

Rîu nîngûmwîra ûrîa ngwîka mûgûnda wakwa wa mîthavibu. Nîngûthengutia rûgiri rwaguo, na nîûgûcûkangua; nîngwomomora rwirigo rwaguo, na nyamû cia kîthaka nîigaaûkinyanga.

Isaia 63:3

Nake Ngai-Mûnene nîwacokirie atîrî, “Nakinyangire andû a ndûrîrî ta thavibu nîrî nienga, na gûtirî mûndû wandethirie. Namakinyangire nîrî na marakara na mang'ûrîka, na nthakame yao îgîtîkîra nguo ciakwa cionthe.

Jeremia 13:24

Ngaamûnyagania ta macaki, magûrûkîtue nî rûkûngi kuuma werûrî.

Jeremia 14:17

Nî ûkaamera ciugo ino: ‘Tiga metho makwa metûrûre methori ûtukû na mûthenya, matagûtigithîria, nîûndû andû akwa nîagurarie na magativua mûno.

Jeremia 18:21

Kwoguo rekereria ciana ciao irîwe nî yûra, tiga maûragîrwe mbaararî, aka ao marokuîrwa nî ciana ciao na athuuri ao. Arûme ao maroûragwa nî mîrimû mîcûku, na anake ao maûragîrwe mbaararî.

Jeremia 37:10

Nîûndû wana ethîrwa nwa mûvoote athigari onthe a mbaara a Akalidei arîa mûrarûa nao, matigare amwe ao marî agurarie, wa mûndû arî îgemarî rîake, athigari acio nîmagaûka mavîvie îtûûra rîîrî na mwaki.”

Jeremia 50:26

Ûkani mûûtharîkîre na mîena yonthe; vingûrani makûmbî maguo; mwiganîrîreni vamwe ta irûndo cia ngano na ûmûcûkangie viû; mûtigatigarie wanarî kûndû.

Jeremia 51:34

Nebukadinezarû mûthamaki wa Babuloni nîacûkangîtie Jerusalemu na agakwananga. Agûtigîte gwîkariî ta nyûngû îtarî na kîndû, akûmeretie ta njûnamatu. Eyocerete kîrîa kîonthe akwenda, agacoka agata indo icio ciîngî.

Jeremia 6:11

Kwoguo mbîcûrîtwe nî marakara ma Ngai-Mûnene, ndiravota kûmatumîria. Ngai-Mûnene arauga atîrî, “Metûrûrîre ciana irîa irî varavararî, wana kûrî ikundi cia andû ethî. Athuuri na aka ao nîmagoocwa, wana andû arîa akûrû na arîa akûrû mûno.

Maca 2:21

Andû arîa akûrû na arîa ethî onthe magwîte njîrarî, nao anake na erîtu maûragîtwe na mviû. Wamaûragire ûtarî na ntha nîûndû wa marakara maku.

Maca 3:34

Ngai-Mûnene nîamenyaga rîrîa arîa oove, maravinyîrîrua na makanyamarua marî njeera.

Danieli 3:13

Vîndî wa îo, Nebukadinezarû arî na marakara meengî mûno nîwathanire Shadiraka, Mîsheki na Abendinego mavirwe kûrî ke. Nao nîmaavirirwe kûrî mûthamaki.

Joeli 3:13

Ocani kaviû ga gûketha nîûndû rîu nî vîndî ya maketha. Tonyani! Mûmakinyange ta thavibu ciîcûrîte kîvivîrorî Kîam thavibu. Mavîtia mao nîmakîru njano, nîta matangi mecûrîte makauna.”

Mika 7:10

Nthû ciakwa nîikona ûguo, na ciîcûrwe nî gîconoko, nîûndû cianthekagîrîra îkîmbûragia atîrî, “Arî kû Ngai-Mûnene, Ngai waku?” Nîngoona nthû ciakwa ikîgwa nthî, na nîigaakinyangwa ta ndaka îrî njîrarî.

Malaki 4:3

Mûthenya ûcio nîmûgaakinyangîra andû arîa aganu nthî matuîke ta rûkûngû rungu rwa magûrû menyu. Ûguo nîguo nie Ngai-Mûnene mwene vinya wonthe nîrauga.

Luka 21:24

Andû amwe nîmakaaûragwa na mviû na engî nîmagaatavwa na mavirwe mavûrûrirî monthe. Nao andû a ndûrîrî nîmakaaverithia andû a Jerusalemu nginya rîrîa kavinda ka andû a ndûrîrî ga kwathana gakaathira.

Gûco 28:33

Vûrûri mûgeni ûgoocaga irio cienyu cionthe irîa mûrutîrîte wîra na mûtikoona wanarî kîndû, tiga kûvinyîrîrua na kûthînua mûno vîndî cionthe.

Ahib 10:29

Mûndû ûrîa ûrumaga Mûriû wa Ngai na akanyarara nthakame ya kîrîkanîro îrîa yamûtheririe kuuma meviarî, agacoka akaruma Roho ûrîa ûvecanaga wega wa Ngai, mûreciria îvera rîake rîgana atîa?

Kûguû 19:15

Kanyuarî gake nîkwaumire rûviû rwa njûra rûûgî, rûrîa ke akaavûthîra kûvoota mavûrûri. Ke nîakaamathaga na rûthanju rwa cuuma. Nî akaaviva thavibu ciume ndivei ya marakara ma Ngai mwene vinya wonthe.

Atir 10:8

Nao Afilisiti na Aamoni nîmaarivire na makîvinyîrîria andû onthe a Isiraeli arîa maatûûraga vûrûrirî wa Amori mwena wa îrathîro wa Jorodani kûu Gileadi îvinda rîa mîaka îkûmi na înana (18).