Maca 1:11 - ÎVUKU RÎA ÛVORO MWARO

¹¹ Andû onthe a Jerusalemu nîmaracaa magîcaria gîa kûrîa, makûûrananagia ûtonga wao na irio cia kûrîa, nîguo matûûre mwoyo. “We Ngai-Mûnene, ta roria wone ûrîa nyararîtwe.”

Maca 1:11 ပူးပေါင်းရင်းမြစ်များ

2Atha 6:25

Nîkwagîre na yûra înene mûno kûu îtûûrarî rîa Samaria. Benihadadi na athigari ake nîmekarire marigicîrîtie îtûûra rîa Samaria nginya kîongo Kîam mvunda gîkendagua tûcunjî mîrongo înana (80) twa sîlûva nacio ngiramu magana maîrî (200) cia mai ma îcîa ikendua tûcunjî tûtano (5) twa sîlûva.

Ayubu 40:4

“Nie ndirî vata, nîngîgûcokeria atîa, nîngûkunîka kanyua gakwa.

Thaburi 79:4

Andû a ndûrîrî nî maratûnyarara, arîa tûriganîtie nao matûthekagîrîra na magatûnyûrûria.

Jeremia 15:19

Kwoguo Ngai-Mûnene arauga atîrî, “Ûngînjokerera nîngûgûcokia ûrîa wekariî mbere, nawe nî ûkandungatîra rîngî. Ûngîaria maûndû marîa magîrîrîte na tî marîa matarî vata, we ûkaragia vandûrî vakwa. Andû nîmagagûcokerera, nwatî we ndûkaathiî kûrî o.

Jeremia 19:9

Nthû nîikaarigicîria îtûûra rîu na kûgeria kûûraga arîa matûûraga kuo. Nîmagaatûma kûgîe na thîna nene mûno kûu îtûûrarî rîu, na andû mambîrîrie kûrîcana o ene; andû nîmakaarîcaga ciana ciao cia anake na cia erîtu.’

Jeremia 38:9

“Mwathi wakwa mûthamaki andû aya nîmekîte ûndû mûcûku mûno. Nîmaikîtie mûrathi Jeremia kîrikorî Kîam manjî; na nîagûkuîra kuo nî yûra, nîûndû mîgate nî mîthiru îtûûrarî.”

Jeremia 52:6

Na mûthenya wa kenda wa mweri wa kana, yûra nîrîacacire mûno îtûûrarî rîu, atî gûtiarî kîndû andû akuo mangîarîre.

Maca 1:8

Jerusalemu nîyevirie mûno, kwoguo nîyagîre gîko, arîa onthe maarîtîîaga nîmaarînyararire, nîûndû nîmoonire njaga yarîo, Jerusalemu îcaaga na îkenamia ûthiû nîûndû wa nthoni.

Maca 1:9

Gîko gîake nîkîonekaga nguorî ciake, nwatî ndaamakaga. Kwoguo kûgwa gwake kwarî kûnene, gûtirî mûndû wa kûmûmîrîria. Ûi Ngai-Mûnene taroria mathîna makwa, nîûndû nthû yakwa nîîvootanîte.

Maca 2:11

Metho makwa mecûrîtwe nî methori, ngoro yakwa nî nthînîku mûno, mwoyo wakwa ûrî na kîeva kîngî mûno nîûndû wa andû akwa gûcûkangua, nîûndû ciana irîa nini iragirîkîra mîcemaniorî ya matûûra.

Maca 2:12

Marîragîra aang'ina makîmaûragia nîtûrîa ndûî na nîtûnyua ndûî. Magûcaga varavararî ta andû marî na ironda, na kavora kavora magakuîra njararî ciao.

Maca 2:20

We Ngai-Mûnene thikîrîria! Kûrî andû engî wanaverithia ûû? Aka mararîa ciana ciao irîa mendete, nao athînjîri-Ngai na arathi maûragagîrwa hekarûrî ya Ngai-Mûnene.

Maca 5:1

We Ngai-Mûnene, taririkana maûndû marîa twonete, taroria wone ûrîa tûnyararîtwe.