Maariko 9:47 - ÎVUKU RÎA ÛVORO MWARO

⁴⁷ Narîo riitho rîaku rîngîtûma wîvie, rîkûûre. Nîkava ûtonye ûthamakirî wa Ngai wîna riitho rîmwe gûkîra wîthîrwe na metho moîrî na wikue îcuarî,

Maariko 9:47 ပူးပေါင်းရင်းမြစ်များ

Kîam 3:6

Nake mûndûmûka nîwonire ûrîa mûtî ûcio warî mûthaka na ûrîa matunda maguo maarî maro ma kûrîwa, na atî warî wa kwîrirîrua nîûndû wa kûva mûndû ûgî. Kwoguo nîwatuire matunda ma mûtî ûcio akîrîa. Nîwacokire akîva mûthuuriwe mamwe, wa nake akîrîa.

Ayubu 31:1

Nie mwene nînîvîtîte atî, ndikaroria mwîrîtu nîmwîrirîria.

Thaburi 119:37

Mvotithia, ndikarûmîrîre maûndû matarî vata; na ûmve mwoyo ngîthiîcaga na njîra ciaku.

Mathaayo 18:9

Na ethîrwa riitho rîaku nwa rîtûme wîvie, rîkûûre na ûrîte, nî kava ûtonye mwoyorî wa tene na tene na riitho rîmwe, gûkîra wîthîrwe na metho moîrî na wikue îcuarî rîa mwaki.

Mathaayo 5:22

Nwatî rîu nîramwîra atî, mûndû wa wonthe ûrakaraga nî ûndû wa mûrwang'ina nîagaatuîrwa, na mûndû wa wonthe ûrumaga mûrwang'ina nîagaacirithua nî Kîamma, na mûndû wa wonthe wîtaga ûrîa wîngî, ‘Kîrimû gîkî!’ nîagaaikua mwakirî wa îcua.

Maariko 9:43

Na angîthîrwa njara yaku nwa îtûme wîvie, mîtinie. Nîkava ûtonye mwoyorî wa tene na tene ûtarî na njara îmwe gûkîra wîthîrwe na njara cioîrî na wikue îcuarî [

Maariko 9:46

kûrîa kûrî igunyû irîa irîcaga mîîrî ya andû arîa makararagia Ngai, na kûrî mwaki ûtavorekaga].

Luka 14:26

“Mûndû wa wonthe ûkaga kûrî nie na nwa ende gûtuîka mûrutwa wakwa nwa nginya amende makîria ya ûrîa endete îthe na ng'ina, mûka na ciana, aa mûrwang'ina na aa mwarwang'ina, na amende makîria ya ûrîa eyendete ke mwene.

Johana 3:3

Jesû nîwamûcokerie atîrî, “Nîramwîra na ma atî: gûtirî mûndû ûngîona Ûthamaki wa Ngai atambîte gûciarwa rîngî.”

Johana 3:5

Nake Jesû nîwamûcokerie atîrî, “Nîrakwîra na ma atî gûtirî mûndû ûngîtonya Ûthamakirî wa Ngai atambîte gûciarwa rîngî na manjî na Roho Mûtheru.

Agal 4:15

Mwarî akenu mûno! Nî atîa gwekarire? Nîrî mûira atî kûngîavotekire nîmûngîakûûrire metho menyu mûkînamva.