Maariko 9:31 - ÎVUKU RÎA ÛVORO MWARO

³¹ nîûndû nîwathomithagia arutwa ake akîmeeraga atîrî, “Mûrû wa Mûndû nîakaanenganîrwa kûrî andû, nao mamûûrage, na vuva wa mîthenya îthatû, ariûke.”

Maariko 9:31 ပူးပေါင်းရင်းမြစ်များ

Mathaayo 16:21

Kuuma vîndî îo Jesû nîwambîrîrie kwîra arutwa ake atîrî, “Nwa nginya nthiî Jerusalemu na nyamarue nî athuuri, anene a athînjîri-Ngai na arimû a Watho. Nîmakaambûraga, nwatî mûthenya wa kathatû nîngaariûkua.”

Mathaayo 20:28

Nîûndû wana nginya Mûrû wa Mûndû ndaaûka gûtungatîrwa nwatî aûkire gûtungata na kûvecana mwoyo ûtuîke îrîvi rîa gûkûûra andû eengî maume meviarî.”

Mathaayo 26:2

“Mue nîmwîcî atî kîrugo Kîam pasaka nîgîgûkinya vuva wa mîthenya îrî, na Mûrû wa Mûndû nîakûnenganîrwa akambwe.”

Mathaayo 27:63

“Mûnene, tue nîtûraririkana atî vîndî îrîa mûndû ûcio mûthani aatûûraga mwoyo nîwaugire atîrî, ‘Nîngaariûkua mûthenya wa kathatû.’

Maariko 10:34

arîa makaamûnyûrûria, mamûtuîre mata mamûrive na ivoko na mamûûrage, na vuva wa mîthenya îthatû ariûke.”

Maariko 8:31

Jesû nîwacokire akîambîrîria kûthomithia arutwa ake atî, “Nwa nginya Mûrû wa Mûndû one mathîna meengî, aregwe nî athuuri, anene a athînjîri-Ngai, na arimû a Watho, na acoke aûragwe, na vuva wa mîthenya îthatû ariûke.”

Maariko 9:12

Nake Jesû nîwamacokerie atîrî, “Nî ma, nwa nginya Elija ambe aûke mbere, nîguo avarîrie maûndû monthe. Nwatî nîndûî gîtûmaga mandîko Matheru mauge atî Mûrû wa Mûndû nîakaathînua mûno na aregwe nî andû?

Luka 24:26

Na kinthî gûtiagîrîrîte Mesaya athînue nîguo acoke kwoneka arî na riiri wake?”

Luka 9:44

“Mûtikariganîrwe nî ûvoro ûyû ngeerie kûmwîra! Mûrû wa Mûndû nîakûnenganîrwa nîguo anyitwe nî andû.”

Johana 10:18

Gûtirî mûndû ûkûnjuna mwoyo wakwa. Nie nînie ngûûvecana na kwenda gwakwa. Nîrî na ûvoti wa kûûvecana na nîrî na ûvoti wa kûwîcukia rîngî. Na ûguo nîguo Vava ambathîte mbîke.”

Johana 2:19

Nake Jesû nîwamacokerie atîrî, “Thariani hekarû îno na nîngûcoka nîmîtume na mîthenya îthatû.”

Johana 3:14

“Wata ûrîa Musa aaûkîrîrie njoka ya gîcango arî werûrî ûguo nwa ta guo Mûrû wa Mûndû wa nake agaaûkîrîrua

2Tim 2:12

Ethîrwa nîtûkûthiî na mbere kûmîrîria, nîtûkaathana nake. Ethîrwa nwa tûmûkaane, wanake nîagaatûkaana.