Maariko 9:29 - ÎVUKU RÎA ÛVORO MWARO

²⁹ Nake Jesû nîwamacokerie atîrî, “Ngoma ya mûthemba ûcio ndîngîrutûrûrîka na njîra îngî tiga ya mavoya.”

Maariko 9:29 ပူးပေါင်းရင်းမြစ်များ

Danieli 9:3

Nînathiîre kûrî Mwathani Ngai na ngîmûvoya ngîmûthaithaga na nîînyereketie, mbîkîrîte nguo cia macakaya, na ngevaka mûu.

Mathaayo 12:45

Ngoma îo nîîthiîcaga îkagîra ngoma ciîngî mûgwanja njûku kûmîkîra, nacio igaûka igatûûra kûu. Nake mûndû ûcio nîacûkagîrwa mûno makîria ya ûrîa eekariî mbere. Ûguo nîguo mue andû a rûciaro rûrû rûcûku mûkeethîrwa mwîkariî.”

Mathaayo 17:20

Nake Jesû nîwamacokerie atîrî, “Nîûndû mûrî na wîtîkio mûnini. Nîramwîra na ma atî mwethîrwa mûrî na wîtîkio wîgana ta vîndî ya mûtî wa karatarî, nwa mwîre kîrîma gîkî atîrî, ‘Uma ava na ûthiî vaarîa,’ na nwa kîthiî; na gûtirî ûndû ûkaamûrema. [

Mathaayo 17:21

Ndaimono ya mûthemba ûyû ndîngîrutûrûrîka na njîra îngî tiga na njîra ya mavoya na kwînyerekia.]”

Maariko 9:28

Na rîrîa Jesû aatonyire nyomba, arutwa ake marî onga nîmaamûririe atîrî, “Tûremirwe nî kûrutûrûra ngoma îo nîkî?”

Maariko 9:30

Jesû na arutwa ake nîmaaumire kûu, na makîthiî mavîtûkîrîte vûrûrirî wa Galili. Jesû ndeendaga mûndû wana ûmwe amenye kûrîa aarî,

Luka 11:26

Ngoma îo nîîcokaga îkagîîra ngoma ciîngî mûgwanja na nthûku kûmîkîra, na ciaûka igekara kûrî mûndû ûcio. Nake mûndû ûcio nîacûkagîrwa mûno makîria ya ûrîa ke arekariî vau mbererî.”

Ciîko 14:23

Na wa kanitha wa kanitha nîmaamîthuurîre athuuri na njîra ya kûvoya na kwînyerekia. Athuuri acio nîmeevokete Mwathani, na kwoguo Paûlo na Baranaba nîmaamaigire njararî cia Mwathani.

1Akor 9:27

Ndukaga mwîrî wakwa ngaûtua ngombo yakwa nîguo nie mwene ndigatuîke wa kûregwa vuva wa kwîthîrwa mvunjîrîtie andû arîa engî.

2Akor 11:27

Nînarutire wîra mûrito wa mînoga na maita meengî ngatura toro. Nînavûtaga na nganyonda, nînethagîrwa ndarî na irio cia kwîgana, nyomba kana nguo.

2Akor 12:8

Nînavoire Mwathani maita mathatû ûvororî wîgiî ûndû ûyû na nînaamûririe aûrute ume kûrî nie.

2Akor 6:5

Tue twanarivwa, kwovwa njeera, twanaûkîrîrwa nî kîrîndî, twanarutithua wîra wîna mînoga na nîtwekaraga ûtukû tûtakûmama na tûtarî na irio cia kûrîa.

Aefeso 6:18

Voyagani Ngai amûtethagie vîndî îrîa mûreka maûndû mama monthe. Voyagani vîndî cionthe mûtongoretue nî Roho. Nîûndû wa gîtûmi kîu, îkaragani mwîvarîrîtie na mûtikanakue ngoro. Voyagîrani andû onthe a Ngai vîndî cionthe.

Jakuvu 5:15

Namo mavoya mau mangîvowa na wîtîkio nîmakûvonia mûndû ûcio ûrwarîte na Mwathani acokerie mûndû ûcio ûgima wake wa mwîrî. Na ethîrwa mûndû ûcio nîwîtîkîtie nîakwoverwa mevia make.