Maariko 9:25 - ÎVUKU RÎA ÛVORO MWARO

²⁵ Na rîrîa Jesû oonire kîrîndî gîkîgomana, nîwagûkîre ngoma îo na vinya na akîmîra atîrî, “We ngoma îno îtegucaga na îtaragia, nie nakwatha ume ndaarî ya kamwana gaka na ndûkaanagatonye rîngî!”

Maariko 9:25 ပူးပေါင်းရင်းမြစ်များ

Zakaria 3:2

Nake mûraika wa Ngai-Mûnene nîwamwîrire atîrî, “Ngai-Mûnene arogûkûûma we Caitani! Ngai-Mûnene ûrîa ûthuurîte îtûûra rîa Jerusalemu arogûkûûma! Anga mûndû ûyû ndekariî ta karûkû gagîakana karutîtwe mwakirî?”

Mathaayo 12:22

Na vuva wa ûguo, andû amwe nîmaavirîre Jesû mûndû warî mûtumumu na ûtangîavotire kwaria nîûndû aarî na ndaimono. Nake Jesû nîwavonirie mûndû ûcio, na akîvota kwaria na kwona.

Mathaayo 17:18

Nake Jesû nîwagûkîre ndaimono îo na îkiuma kûrî kamwana kau. Na kavinda wa kau kamwana kau nîkaavonire.

Maariko 9:15

Na rîrîa andû moonire Jesû, nîmaamakire mûno na makîvinyûra kûrî ke na makîmûkethia.

Maariko 9:24

Na wa rîmwe îthe wa kamwana kau nîwaugîrîrie atîrî, “Nîmbîtîkîtie, ndethia varîa ndetîkîtie!”

Maariko 9:26

Nayo ngoma îo nîyaugîrîrie, îkinainia kamwana kau na vinya, na îkiuma kûrî ko. Nako kamwana kau nîkaamamire vau ta kimba na andû eengî makaugaga atî nî gakuû.

Luka 11:14

Vîndî îmwe Jesû nîwarutûrûraga ngoma kuuma kûrî mûndû ûmwe ûtaavotaga kwaria. Rîrîa ngoma îo yaumire kûrî ke, mûndû ûcio nîwambîrîrie kwaria na andû onthe nîmaamakire mûno.

Luka 4:35

Nwatî Jesû nîwamûkaanirie akîmwîra atîrî, “Kira na ume kûrî ke!” Nayo ngoma îo yarîkia gûtungumania mûndû ûcio vau nthî mbere ya andû acio onthe, nîyaumire kûrî ke îtakûmûgera ngero wana îrîkû.

Luka 4:41

Nacio ngoma nîciaumire kûrî andû eengî arîa maarî vo ikîanagîrîra atîrî, “We nîwe Mûriû wa Ngai!” Nake Jesû nîwakaanirie ngoma icio na ndaciîtîkîria imwanîrîre wana ethîrwa cio nî ciamwîcî atî ke nîke Mesaya.

Luka 8:29

Mûndû ûcio aaugire ûguo nîûndû Jesû nîwathîte ngoma îo yume kûrî ke. Na maita meengî mûndû ûcio ethîrîtwe arî mûnyite nî ngoma îo. Rîrîa ngoma îo yamûnyita, nîwavingagîrwa na agacoka akovwa na mînyororo, nwatî ke nîwatucangaga mînyororo îo na ngoma îgacoka îkamwerekeria nginyagia werûrî.

Luka 9:42

Vîndî îrîa kamwana kau kaathiîte kûrî Jesû, ngoma îo nîyakagwîthirie nthî, nako gakîambîrîria gwikia nthari. Nwatî Jesû nîwakaanirie ngoma îo, agîcoka akîvonia kamwana kau na agîkanenganîra kûrî îthe.

Ciîko 16:18

Mwîrîtu ûcio nîwekire ûguo kwa îvinda rîa mîthenya mîîngî. Ûndû ûcio nîwatûmire Paûlo arakare mûno, nginya akîvûgûka na akîîra ngoma îo atîrî, “Nie nîrakwatha na rîîtwa rîa Jesû Kristû ume ndaarî yake!” Na kavinda wa kau ngoma îo nîyaumire ndaarî yake.

Juda 1:9

Wana nginya Mikaeli mûraika ûrîa mûnene ndeeka ûguo. Rîrîa Mikaeli aakararanagia na Ngoma ûvoro wîgiî ûrîa wagîrîrwe nî kûnengerwa mwîrî wa Musa, Mikaeli ndaaûmîrîria gûcokeria Ngoma na ciugo cia kûmûruma, nwatî aamwîrire atîrî, “Mwathani arogûkaania!”