Maariko 9:23 - ÎVUKU RÎA ÛVORO MWARO

²³ Nake Jesû nîwerire îthe wa kamwana kau atîrî, “Atî angîthîrwa nwa mvote! Mûndû ûrîa wîtîkîtie nwa avote gwîka ûndû wa wonthe.”

Maariko 9:23 ပူးပေါင်းရင်းမြစ်များ

2Maû 20:20

Kîraûko tene, andû onthe a Juda na a Jerusalemu nîmaathiîre werûrî wa Tekoa. Mbere ya mambîrîria rûgendo Jehoshafati nîwamerire atîrî, “Tanthikîrîriani mue andû a Juda na a Jerusalemu! Îîvokeni Ngai-Mûnene, Ngai wenyu na nîmûkwîvanda. Îtîkiani ûrîa arathi ake makûmwîra na nîmûkûvootana.”

Mathaayo 14:29

Nake Jesû nîwamwîrire atîrî, “Ûka.” Kwoguo Petero nîwaumire îtarûrî, na akîambîrîria kûthiîra manjîrî îgûrû erekerete kûrî Jesû.

Mathaayo 17:20

Nake Jesû nîwamacokerie atîrî, “Nîûndû mûrî na wîtîkio mûnini. Nîramwîra na ma atî mwethîrwa mûrî na wîtîkio wîgana ta vîndî ya mûtî wa karatarî, nwa mwîre kîrîma gîkî atîrî, ‘Uma ava na ûthiî vaarîa,’ na nwa kîthiî; na gûtirî ûndû ûkaamûrema. [

Maariko 11:23

Nîramwîra na ma atî, mûndû wa wonthe nwa eere kîrîma gîkî, ‘Îkûûre na wîikie îriarî.’ Ke nwa avingîrue ûndû ûyû angîthîrwa ndarî na nganja ngororî yake, nwatî nîetîkîtie atî ûndû ûcio auga nîûgûtuîkîka.

Maariko 9:22

Mavinda meengî ngoma îo nîyageragia gûkaûraga na njîra ya gûgaikia mwakirî, na manjîrî. Nwatî angîthîrwa nwa ûvote, twîguîre ntha na ûtûtethie.”

Maariko 9:24

Na wa rîmwe îthe wa kamwana kau nîwaugîrîrie atîrî, “Nîmbîtîkîtie, ndethia varîa ndetîkîtie!”

Luka 17:6

Nake Mwathani nîwamacokerie atîrî, “Angîthîrwa mûrî na wîtîkio wîgana ta mvîndî ya mûtî wa karatarî, nwa mwîre mûkûyû ûyû atîrî, ‘Îîkûûre na wîvande îriarî!’ Naguo nwa ûmwathîkîre.

Johana 11:40

Jesû nîwamwîrire atîrî, “Na kinthî ndikwîrire wetîkia nîûkwona riiri wa Ngai?”

Ciîko 14:9

Nake mûndû ûcio nîwathikîrîrîtie Paûlo akîaria. Paûlo nîwamûroririe na vinya na akîona atî nîwetîkîtie Ngai arî na ûvoti wa kûmûvonia.

Ahib 11:6

Gûtirî mûndû ûngîvota gûkenia Ngai atarî na wîtîkio. Nîûndû mûndû wa wonthe ûthiîcaga kûrî Ngai nwanginya etîkie atî Ngai arî kuo na nîarathimaga arîa mamûcaragia.