Maariko 9:2 - ÎVUKU RÎA ÛVORO MWARO

² Mîthenya îtandatû yavîtûka, Jesû nîwocire Petero, Jakuvu na Johana, akîmatongoria makîthiî vandû kîrîmarî îgûrû na magîkara kuo marî onga. Nake Jesû nîwagarûrûkire ûrîa oonekaga ekariî wa mamûroretie.

Maariko 9:2 ပူးပေါင်းရင်းမြစ်များ

1Atha 18:33

Nîwacokire akîvanga ngû waro îgûrû rîa metha ya kîgongoona, agîtinangia ndegwa icunjî, akîmigîrîra îgûrû rîa ngû na akîra andû atîrî, “Îcûriani manjî nyûngûrî inya na mûmetûrûre îgûrû rîa matega ma kûvîvua na îgûrû rîa ngû.” Nao nîmeekire guo.

1Atha 18:42

Kwoguo Ahabu nîwathiîre akarîe na anyue; nake Elija nîwaunûkirie îgûrû rîa kîrîma gîa Karimeli. Nîwenamîrîrie ûthiû wake nthî, na agîkîra kîongo gatagatî ka maru make.

Ntha 24:13

Kwoguo Musa na Joshua ûrîa wamûtethagîrîria nîmeevarîrie, na Musa akiunûkia kîrîmarî kîu kîtheru.

Isaia 33:17

Metho menyu nîmakoona mûthamaki arî na ûthaka wake; nîmûkoona vûrûri mwariî na mûraca, ûrîa ke athaga.

Isaia 53:2

Nîûndû ndungata îo yake yakûrire îrî mbere yake ta mûtî mwîthî, ta mûri ûrî nthî îno nyûmagaru. Ndîarî na mûmbîre kana ûndû ûngîatûmire tûmîende, na ndîarî na ûthaka ûrîa ûngîatûmire tûmîrirîrie.

Mathaayo 14:13

Rîrîa Jesû eegwire ûvoro wîgiî Johana, nîwatwîre gatarûrî akiuma kûu na akîthiî vandû vataarî na andû arî wenga. Nwatî rîrîa andû meegwire ûguo, nîmaaumire matûûrarî mao na makîmûrûmîrîra mathiîte na magûrû.

Maariko 14:33

Nake Jesû nîwetire Petero, Jakuvu na Johana na makîthiî marî vamwe. Na vîndî wa îo Jesû nîwanyitirwe nî kîeva, akîthînîka mûno ngororî yake,

Maariko 16:12

Vuva wa ûguo Jesû nîwaumîrîre arutwa aîrî arî na mwonekere wîngî vîndî îrîa maathiîte ya mîgûndarî.

Maariko 5:37

Jesû ndetîkîria mûndû wîngî amuume vuva tiga Petero, Jakuvu na Mûrwang'ina Johana.

Luka 6:12

Na mîthenyarî îo, Jesû nîwathiîre kîrîmarî îgûrû kûvoya na agîkara kuo ûtukû mûgima akîvoyaga Ngai.

Johana 1:14

Kiugo nîwatuîkire mûndû na agîtûûrania natue ecûrîtwe nî wega na ûma. Natue nîtwonire riiri wake, riiri ûrîa Ngai aaveere Mûriû wake wa mûmwe.

Aroma 12:2

Mûtikagarûrûke atî nîguo mwîkare ta andû a gûkû nthî, nwatî îtîkîrani Ngai agarûre meciria menyu viû nîguo matuîke macerû. Mweka ûguo mûkaavotaga kûmenya wendi wa Ngai. Mûkaavotaga kûmenya ûndû ûrîa mwaro na ûngîmûkenia na ûrîa mûkinyanîru.

2Akor 13:1

Rîrî nîrîo rita rîakwa rîa kathatû gûka gûcera kwenyu. “Ûndû wa wonthe ûkûthitangwa nwanginya wonanue nî ûira wa andû aîrî kana makîria,” ta ûrîa mandîko matheru maugîte.

Afil 3:21

Ke nîakaagarûra mîîrî îno yetû îkuucaga na îtarî vinya îtuîke ta mwîrî wake ûrîa ûrî na riiri. Ageeka ûguo na vinya wake ûrîa ûtûmaga athe indo cionthe.

Kûguû 20:11

Nînacokire ngîona gîtî kînene Kîam ûthamaki Kîam rangi njerû, na ûrîa ûgîkaragîra. Îgûrû na nthî nîciathengutire mbere yake, itianacoka kwoneka rîngî.