Maariko 9:19 - ÎVUKU RÎA ÛVORO MWARO

¹⁹ Nake Jesû nîwamerire atîrî, “Na kaî mue andû a rûciaro rûrû mûtiîtîkîtie-î! Nîmbîkarania namue nginya rî? Nînîmûkirîrîria nginya-rî? Ndetereni kamwana kau!”

Maariko 9:19 ပူးပေါင်းရင်းမြစ်များ

Thaburi 78:22

nîûndû matiarî evokeku kûrî ke, na matietîkîtie atî ke aarî na vinya wa kûmavonokia.

Ndari 14:11

Ngai-Mûnene nîwaûririe Musa atîrî, “Andû aya nîmatûûra mareganîte nanie nginya rî? Nîmatûûra maregete kûnîîvoka nginya-rî, na nîguo nanaringa ciama nyîngî makîonaga?

Ndari 14:22

gûtirî wanarî ûmwe wa andû aya ûgaatonya vûrûri ûcio wa kîîranîro. O nîmonete riiri wakwa na ciama irîa naaringire marî Misiri na marî gûkû werûrî, nwatî nîmaregete kûmbathîkîra na makangeria maita îkûmi.

Ndari 14:27

“Nî nginya rî andû aya aganu magûtûûra matetaga nîûndû wakwa? Nîmbîguîte ûrîa andû a Isiraeli methîrîtwe magîteta nîûndû wakwa!”

Mathaayo 17:17

Nake Jesû nîwacokirie atîrî, “Na kaî mue andû a rûciaro rûrû mûtiîtîkîtie na mûrî acûku-î! Nîmbîkarania namue nginya rî? Nî mûkirîrîria nginya rî? Ndetereni kamwana kau ava!”

Maariko 16:14

Na mûthiiarî, Jesû nîwaumîrîre arutwa arîa îkûmi na ûmwe vîndî îrîa meekarîte metharî makîrîa irio. Nake nîwamatetirie mûno nîûndû wa gûtura wîtîkio, kûmia ngoro ciao na kûrega gwîtîkia arîa maamwonete ariûka.

Maariko 9:18

Na rîrîa rîonthe ngoma îo yakanyita, nî îgatungumanagia nthî, nako gakambîrîria kûruta mûvûû, gakarîa magego, na gagaacoka gakaûmagara mwîrî wonthe. Nie mbûririe arutwa aku marutûrûre ngoma îo nwatî maremwa.”

Maariko 9:20

Nao nîmaavirire kamwana kau kûrî Jesû. Na rîrîa ngoma îo yonire Jesû, nîyakainainirie na vinya mûno nako gakîgwa nthî, gakîgaragara na gakîambîrîria kûruta mûvûû kanyuarî ga ko.

Luka 24:25

Nake Jesû nîwacokirie atîrî, “Mue irimû ino mûtaviûvaga gwîtîkia na ngoro cienyu maûndû monthe marîa maarirue nî arathi!

Luka 9:41

Jesû nîwacokirie atîrî, “Mue rûciaro rûrû rûtetîkîtie na rwîvia! Nîmbîkarania namue nginya rî? Na nîmûkirîrîria nginya rî?” Nake Jesû nîwacokire akîîra mûndû ûcio atîrî, “Rete mûvîcîguo ava!”

Johana 12:27

“Rîu nînîrathînîka mûno ngororî yakwa, nwatî nîmbuga atîa? Nîkwa nguuga, ‘Vava ndûgetîkîre nginyîrwe nî îvinda rîîrî?’ Nwatî kîu nîkîo gîtûmi kîrîa gîatûmire mbûke gûkû nthî nîguo nginyîre îvinda rîîrî.

Johana 20:27

Nake nîwacokire akîra Toma atîrî, “Vutia irema ino na Kîamra gîaku, na ûrorie njara ciakwa. Ta vutia mbaru ciakwa. Thirwa nî nganja na wîtîkie!”

Gûco 32:20

Nîwaugire atî, ‘Nîngaamathitha ûthiû wakwa,’ nîngaaroria mone ûrîa makaarîkîrîria, nîûndû nî rûciaro rûremi na andû matarî evokeku.