Maariko 9:18 - ÎVUKU RÎA ÛVORO MWARO

¹⁸ Na rîrîa rîonthe ngoma îo yakanyita, nî îgatungumanagia nthî, nako gakambîrîria kûruta mûvûû, gakarîa magego, na gagaacoka gakaûmagara mwîrî wonthe. Nie mbûririe arutwa aku marutûrûre ngoma îo nwatî maremwa.”

Maariko 9:18 ပူးပေါင်းရင်းမြစ်များ

Ayubu 16:9

Anducangîte icunjî icunjî nî kûrakara na akanthûûra, nthû yakwa îngûûrîrîte metho nî marakara.

Thaburi 112:10

Mûndû ûrîa mwaganu onaga ûguo akarakara; arîcithanagia magego nîûndû wa ûthû akînathiî; mwîrîgîrîro wake ûtuîkaga wa mana.

Mathaayo 15:22

Na mûndûmûka Mûkanaani ûrîa watûûraga kûu gîcunjîrî kîu nîwathiîre kûrî ke na akiugîrîria atîrî, “Mwathani, Mûrû wa Daudi, mbîguîra ntha! Mwîrîtu wakwa nî mûnyite nî ngoma na nîmûcûkîre mûno.”

Mathaayo 17:16

Nie nîmûretire kûrî arutwa aku nao matinavota kûmûvonia.”

Mathaayo 8:12

Nwatî andû arîa magîrîrwe nî kwîthîrwa marî Ûthamakirî, nîmagaaikua nja ndumarî kûrîa makaarîra na marîe magego.”

Maariko 11:23

Nîramwîra na ma atî, mûndû wa wonthe nwa eere kîrîma gîkî, ‘Îkûûre na wîikie îriarî.’ Ke nwa avingîrue ûndû ûyû angîthîrwa ndarî na nganja ngororî yake, nwatî nîetîkîtie atî ûndû ûcio auga nîûgûtuîkîka.

Maariko 9:17

Nake mûndû ûmwe warî vau kîrîndîrî nîwamûcokerie atîrî, “Mwarimû, ngûretere kamwana gakwa nîûndû nîkethagîrwa na ngoma îgiragia karie.

Maariko 9:19

Nake Jesû nîwamerire atîrî, “Na kaî mue andû a rûciaro rûrû mûtiîtîkîtie-î! Nîmbîkarania namue nginya rî? Nînîmûkirîrîria nginya-rî? Ndetereni kamwana kau!”

Maariko 9:20

Nao nîmaavirire kamwana kau kûrî Jesû. Na rîrîa ngoma îo yonire Jesû, nîyakainainirie na vinya mûno nako gakîgwa nthî, gakîgaragara na gakîambîrîria kûruta mûvûû kanyuarî ga ko.

Maariko 9:26

Nayo ngoma îo nîyaugîrîrie, îkinainia kamwana kau na vinya, na îkiuma kûrî ko. Nako kamwana kau nîkaamamire vau ta kimba na andû eengî makaugaga atî nî gakuû.

Ciîko 7:54

Rîrîa athuuri a Kîama meegwire Stefano akîaria maûndû mau, nîmaarûmithanirie magego nî kûrakara.

Juda 1:13

Mekariî ta makûmbî ma manjî îriarî, na ciîko ciao cia ûûra nthoni ciîyumagîria ta mûvûû. Mekariî ta njata irîa ciûrûraga kûndû na kûndû. Nake Ngai nîamaigîrîte kûndû kûrî na nduma nene mûno tene na tene.