Maariko 8:4 - ÎVUKU RÎA ÛVORO MWARO

⁴ Nao arutwa ake nîmaamûririe atîrî, “Nîva werûrî ûyû mûndû angîruta irio mbîganu cia kûvaithia andû aya onthe?”

Maariko 8:4 ပူးပေါင်းရင်းမြစ်များ

2Atha 7:2

Mûnene ûrîa ûtethagîrîria mûthamaki nîwerire Elisha atîrî, “Ûguo gûtingîvoteka, wana kethîrwa Ngai-Mûnene ke mwene nwa aurithie mbura kuuma îgûrû!” Nake Elisha nîwacokirie atîrî, “Nîûkeyonera na metho maku ûndû ûcio ûgîkîka, nwatî ndûkaarûma irio icio.”

Mathaayo 15:33

Nao arutwa nîmaaûririe Jesû atîrî, “Nîva tûngîruta irio mbîganu gûkû werûrî ûyû, cia kûvaithia andû aya onthe?”

Maariko 6:52

nîûndû o matiarî ataûkîre nî gîtûmi gîa Kîamma kîu gîa kûvaithia arûme ngiri ithano, nîûndû ngoro ciao ciarî nyûmû.

Maariko 8:3

Na nîngîmarekereria menûke mavûtiî nwa magirîkîre njîrarî, nîûndû amwe ao maumîte kûndû kûraca.”

Maariko 8:5

Nake Jesû nîwamaûririe atîrî, “Mûrî na mîgate îîgana?” Nao nîmaamûcokerie atîrî, “Tûrî na mîgate mûgwanja.”