Maariko 8:34 - ÎVUKU RÎA ÛVORO MWARO

³⁴ Nake Jesû nîwacokire agîîta kîrîndî na arutwa ake varîa aarî, na akîmeera atîrî, “Mûndû wa wonthe ûngîenda kûnûmîrîra, nwa nginya erege, akuue mûtharava wake na acoke anûmîrîre.

Maariko 8:34 ပူးပေါင်းရင်းမြစ်များ

1Atha 14:8

Nagaûrire ûthamaki kuuma kûrî njiarwa cia Daudi, na ngîkûnengera guo. Nwatî we ndûrethagîrwa wîkariî ta Daudi, ndungata yakwa ûrîa warûmagîrîra Watho wakwa na agekaga maûndû marîa nie noonaga magîrîrîte.

Ndari 14:24

Nwatî nîûndû ndungata yakwa Kalebu aarî na roho ngûrani na arîa engî ûrîa wamûgucagia na eethîrîtwe akîmbathîkîra, nîngaatûma akinye vûrûrirî ûrîa aathiganire, na njiarwa ciake nîikegwatîra vûrûri ûcio ûtuîke wao.

Mathaayo 10:38

Na mûndû wa wonthe ûtakuuaga mûtharava wake na akanûmîrîra, tî mwagîrîru wa gûtuîka mûrutwa wakwa.

Mathaayo 16:24

Nake Jesû nîwacokire akîîra arutwa ake atîrî, “Mûndû wa wonthe ûngîenda kûnûmîrîra nwa nginya erege, akuue mûtharava wake na anûmîrîre.

Mathaayo 27:32

Marî njîrarî, nîmaatûnganire na mûndû waumîte Kurene wetagwa Simoni na makîmûringîrîria akuuîre Jesû Mûtharava.

Maariko 10:21

Nake Jesû aroria mûndû ûcio nîwegwire amwenda na akîmwîra atîrî, “Kûrî na ûndû ûmwe ûtigarîtie gwîka. Thiî wendie indo ciaku cionthe, ûve athîni mbeca icio na ûcoke ûnûmîrîre, nawe nî ûkwîigîra ûtonga mwîngî îgûrû.”

Maariko 7:14

Jesû nîwacokire agîîta andû mathiî varî ke rîngî na akîmeera atîrî, “Tanthikîrîriani muonthe na mûtaûkîrwe.

Luka 13:24

“Geragiani mûno gûtonyerera mûromorî ûrîa mûceke. Nîûndû nîramwîra na ma atî, andû eengî nîmakaageria gûtonya na matikaavota.

Luka 14:33

Kwoguo gûtirî mûndû wana ûmwe gatagatîrî kenyu ûngîtuîka mûrutwa wakwa atambîte gûtiga indo cionthe irîa arî nacio.

Luka 18:22

Rîrîa Jesû eegwire ûguo nîwerire mûndû ûcio atîrî, “Varî na ûndû ûmwe tu ûtigarîtie. Thiî ûkendie indo cionthe ciaku na ûve athîni mbeca icio, nawe nîûkwîigîra mûthithû îgûrû kwa Ngai, na ûcoke ûnûmîrîre.”

Luka 20:45

Rîrîa andû onthe maamûthikîrîrîtie, Jesû nîwerire arutwa ake atîrî,

Luka 9:23

Jesû nîwacokire akîîra andû onthe atîrî, “Mûndû wa wonthe ûngîenda kûnûmîrîra, mbere nî ambe erege ke mwene na akuuage mûtharava wake wa mûthenya na acoke anûmîrîre.

Johana 10:27

Ng'ondu ciakwa nîithikagîrîria mûgambo wakwa; nie nînîciîcî na nîinûmagîrîra.

Johana 19:17

Nake nîwathiîre ekuuîrîte mûtharava nginya magîkinya nja ya îtûûra rîu vandû vetagwa “Vandû va Îvîndî rîa Kîongo.” (Na Kîhibirania vetagwa “Gologotha”.)

Ciîko 14:22

Nao nîmeekîrire etîkia vinya, makîmaûmîrîria mekarage mekindîrîtie wîtîkiorî na makîmeera atîrî, “Nwa nginya twone mathîna meengî mûno mbere ya tûtonye Ûthamakirî wa Ngai.”

Aroma 6:6

Nîtwîcî atî ûmûndû wetû wa tene nîwambirwe mûtharavarî vamwe na Kristû nîguo vinya wa mwîrî ûrîa wîvagia ûthirue na tûtigacoke gûtuîka ngombo cia mevia.

Aroma 8:17

Ethîrwa tûrî ciana cia Ngai, tûrî agai a irathimo irîa aigîrîte andû ake. Wana nîtûkagaa vamwe na Kristû kîrîa Ngai amwigîrîte. Nwatî nwanginya tûthînue ta Kristû nîguo tûkaagîa na riiri ta ke.

1Akor 15:31

Ariû na aarî a îthe wetû nîngucaga wa mûthenya wa mûthenya. Nîrauga ûguo nîûndû wenyu nîûndû tue tûtûûraga tûrî ûrûmwe na Mwathani wetû Jesû Kristû.

1Akor 8:13

Kwoguo ethîrwa irio irîa ndîcaga nîitûmaga ariû na aarî a îthe wetû mevie, nie ndikaarîa nyama rîngî nîguo ndigatûme wana ûmwe wa ciao evie.

1Akor 9:19

Nie ndirî ngombo ya mûndû wana ûmwe; nwatî nînîtuîte ngombo ya andû onthe nîguo ngucîrîrie andû eengî wa ûrîa nîngîvota.

Agal 2:20

Kwoguo rîu tî nie ndûûraga mwoyo, nwatî nî Kristû ûtûûraga ndaarî yakwa. Ûtûûro ûrîa ndûûraga rîu, ndûûraga na njîra ya gwîtîkia Mûriû wa Ngai ûrîa wamendire na akîîvecana akue nîûndû wakwa.

Agal 5:24

Nao arîa metanîtue na Kristû Jesû nîmaûragîte ûmûndû wao wa vamwe na ngumba na merirîria maguo macûku.

Agal 6:14

Nie vakwa ngetîîaga nîûndû wa mûtharava wa Mwathani wetû Jesû Kristû. Nîûndû na njîra ya gîkuû Kîam Jesû Kristû mûtharavarî, kûrî nie maûndû ma nthî îno nî ta makuîte na nie mvana ta mûndû mûkuû maûndûrî ma nthî.

Afil 3:10

Ûndû ûrîa mendaga nî kûmenya Kristû wa vamwe na vinya wa kûriûka gwake, ngwatanagîre nake mathînarî make na mbîkare take ûvororî wîgiî gîkuû gîake,

Afil 3:7

Nwatî maûndû monthe marîa nîngîatuire atî nîma vata, rîu monaga marî ma mana nîûndû wa Kristû.

Akol 1:24

Rîu nîngenaga nîûndû wa ûrîa nthînagua nîûndû wenyu. Nîûndû nî na njîra ya kûthînîka kîîmwîrî mvotaga gûtethereria kûrîkia matigari ma mathîna marîa Kristû aathînirue namo nîûndû wa mwîrî wake, ûrîa arî guo kanitha.

Akol 3:5

Kwoguo ûragani merirîria marîa mûrî namo ma maûndû ma gûkû nthî. Namo nî: ûmaraa, ûûra nthoni, ûtûrîka, kûgîa na merirîria macûku na gûkoroka (nîûndû gûkoroka nî ta kûvoya ngai cia mîvuanano).

2Ath 3:11

Tue tûrauga ûguo nîûndû tûregua atî andû amwe gatagatîrî kenyu matirutaga wîra. Matindaga makîûrûra na magîtangaga andû arîa engî mawîrarî mao.

Tito 2:12

Wega ûcio wa Ngai nîûtûtaaraga tûreganage na maûndû marîa matarî ma ûngai na tûtigane na merirîria ma maûndû ma gûkû nthî. Wega ûcio nîûtûtaaraga twîkarage twînyitîtie maûndûrî, tûrî andû arûngîrîru na twîtîkîtie Ngai rîrîa tûrî nthî îno.

Ahib 13:13

Kwoguo nîtûthiîni kûrî ke vau nja ya îtûûra tûconorithue na njîra wata îrîa aaconorithirue nayo.

1Pet 4:1

Nîûndû Kristû nîwathînîkire kîîmwîrî, wa namue nwanginya mûgîcage na meciria ta marîa Kristû aarî namo, nîûndû mûndû ûrîa ûthînîkîte kîîmwîrî nîatiganîte na mevia.

1Pet 4:13

Nwatî kenani nîûndû mûrathînua wata ûrîa Kristû aathînirue, nîguo mûkeethîrwa mwîcûrîtwe nî gîkeno rîrîa riiri wake ûkaaguûrua.

2Pet 1:14

Nîmbîcî atî îvindarî îkuvî nîngûkua wa ta ûrîa monetue nî Mwathani wetû Jesû Kristû.

1Joh 3:16

Ûndû ûrîa ûtûmenyithagia ûrîa wendo wîkariî, nî ûyû: atî Kristû nîwarutire mwoyo wake nîûndû wetû. Tue natue nîtwagîrîrwe nî kûruta mîoyo yetû nîûndû wa ariû na aarî a îthe wetû.

Kûguû 2:10

Mue mûtigetigîre nîûndû wa ûndû wa wonthe ûrîa mûgeerie kûthînua naguo. Tathikîrîriani! Ngoma nî agaatûma amwe enyu maikue njeera nîguo mûgerue. Na îvinda rîa mîthenya îkûmi nîmûkaathînua nîguo mûgerue. Tuîkani evokeku kûrî nie wana ethîrwa nîkwa mûkûûragwa, na nie nîngaamûva mwoyo ûrî ta nthûmbî ya ûvootani.