Maariko 8:26 - ÎVUKU RÎA ÛVORO MWARO

²⁶ Nake Jesû nîwacokire akîîra mûndû ûcio enûke, na ndagacoke wa rîo gîcagirî kîu.

Maariko 8:26 ပူးပေါင်းရင်းမြစ်များ

Mathaayo 12:16

Ke nîwacokire akîmakaania matikeere andû ûvoro ûmwîgiî.

Mathaayo 8:4

Nake Jesû nîwamwîrire atîrî, “Tathikîrîria, ndûkeere mûndû wana ûrîkû ûrîa gwekîka, nwatî thiî ûkeyonanie kûrî mûthînjîri-Ngai nîguo one atî nîwavonua na ûrute îgongoona rîrîa Musa aathanire rîrutagwe, nîguo rîtuîke ûira kûrî o atî we nîwavonua.”

Mathaayo 9:30

Nao atumumu acio nîmaavotire kwona. Nake Jesû nîwamakanirie na vinya akîmeera atîrî, “Mûtikere mûndû wana ûrîkû ûvoro ûyû!”

Maariko 5:43

Nake Jesû nîwamerire makave kîndû gîa kûrîa, na agîcoka akîmakaania na vinya matikeere mûndû wana ûrîkû ûvoro ûcio.

Maariko 7:36

Nake Jesû nîwacokire agîkaania andû matikere mûndû wana ûrîkû ûvoro ûcio, nwatî wa ûrîa aathiîcaga na mbere na kûmakaania, nwaguo maakîragîrîria gûûtambia.

Maariko 8:23

Nake Jesû nîwanyitire mûndû ûcio njara na akîmûruta gîcagirî kîu. Na aarîkia kûmûtuîra mata metho, nîwamwigîrîre njara na akîmûria atîrî, “Kûrî na kîndû ûrona?”

Maariko 8:25

Jesû nîwaigîrîre mûndû ûcio njara metho rîngî. Nake mûndû ûcio nîwaroririe mûno na akîvota kwona indo cionthe waro.