Maariko 8:25 - ÎVUKU RÎA ÛVORO MWARO

²⁵ Jesû nîwaigîrîre mûndû ûcio njara metho rîngî. Nake mûndû ûcio nîwaroririe mûno na akîvota kwona indo cionthe waro.

Maariko 8:25 ပူးပေါင်းရင်းမြစ်များ

Nthi 4:18

Nwatî njîra ya andû arîa athingu îkariî ta riûa rîkîratha, rîrîa rîaraga na rîkathiî na mbere kwongerera ûtheri nginya mûthenya gatagatî.

Mathaayo 13:12

Nîûndû mûndû ûrîa wîna kîndû nîakoongererwa na ciîngîve mûno makîria; nwatî mûndû ûrîa ûtarî na kîndû, nîagaacunwa wana kîndû kîrîa kînini arî nakîo.

Maariko 8:24

Mûndû ûcio nîwambîrîrie kwona na akiuga atîrî, “Nînîrona andû makîthiî, nwatî nîrona mekariî ta mîtî.”

Maariko 8:26

Nake Jesû nîwacokire akîîra mûndû ûcio enûke, na ndagacoke wa rîo gîcagirî kîu.

Ciîko 1:10

Rîrîa maaroretie îgûrû akiunûkia arûme aîrî nîmaarûngamire rwarurî rwao mekîrîte nguo cia rangi njerû.

Ciîko 14:9

Nake mûndû ûcio nîwathikîrîrîtie Paûlo akîaria. Paûlo nîwamûroririe na vinya na akîona atî nîwetîkîtie Ngai arî na ûvoti wa kûmûvonia.

Afil 1:6

Kwoguo nîrî na ma atî Ngai ûrîa wambîrîrie wîra mwaro kûrî mue nî akûûruta nginya akaaûrîkia mûthenya wa gûcoka kwa Jesû Kristû.

1Pet 2:9

Nwatî mue mûrî rûrîrî rûthuure, athînjîri-Ngai a mûciî wa mûthamaki, rûrîrî rûtheru na rwa andû a Ngai. Mwathuurirwe mwanagîrîre ûvoro wîgiî ciîko cia magegania cia Ngai. Ke nîke wamwîtire muume ndumarî na mûkinye ûtherirî wake wa magegania.

2Pet 3:18

Nwatî thiîni na mbere gûkûra mûrî na wega na ûûgî wa Mwathani na Mûvonokia wetû Jesû Kristû. Ke arokumua rîu nginya tene na tene! Ameni.