Maariko 8:22 - ÎVUKU RÎA ÛVORO MWARO

²² Rîrîa Jesû na arutwa ake maakinyire îtûûrarî rîa Bethisaida, andû amwe nîmaamûvirîre mûndû warî mûtumumu na makîmûthaitha amûvutie.

Maariko 8:22 ပူးပေါင်းရင်းမြစ်များ

Mathaayo 11:21

“Na kaî mue andû a Korazini mûrî na thîna-î, wanamue andû a Bethisaida kaî mûrî na thîna-î! Nîûndû ciama irîa ciaringîîrwe kwenyu ingîaringirwe Turo na Sidoni, andû a kuo nîmangîeririre mevia mao tene. Nao nîmangîekîrire nguo ciao cia macakaya na makeminjîria mûu nîguo moonanie atî nîmerira mevia mao.

Mathaayo 14:36

Nao nîmaathaithire Jesû etîkîre arwaru mavûrûrie wana ethîrwa nî mîthiia ya nguo yake. Nao arîa onthe maamîvûrûririe nîmaavonirue.

Mathaayo 8:15

Nake Jesû nîwanyitire mûndûmûka ûcio njara. Mûndûmûka ûcio nîwavonire, agîûkîra na akîambîrîria gûtungatîra Jesû.

Mathaayo 8:3

Nake Jesû nîwatambûrûkirie njara yake akîmûvutia, na akîmûcokeria atîrî, “Nie nîngwenda, ûrothera!” Na wa rîmwe mûndû ûcio nîwavonirue mûrimû ûcio aarî naguo.

Mathaayo 9:29

Nake Jesû nîwacokire akîvutia metho mao na akiuga atîrî, “Kûrotuîkîka wa ûguo mwîtîkîtie.”

Maariko 2:3

andû ana nîmaakinyire makuuanîrîte mûndû warî mûkuû ciîga cia mwîrî.

Maariko 3:10

Nake nîwavonetie andû eengî, na nîkîo arwaru onthe maavatîkanaga makîenda kûmûvutia.

Maariko 6:45

Na wa rîmwe Jesû nîwerire arutwa ake matwe îtarûrî maringe mûringo ûcio wîngî wa îria, nîguo mathiî Bethisaida marî mbere yake kamwerua ka arekererie kîrîndî.

Luka 10:13

“Mue andû a îtûûra rîa Korazini! Na kaî mûrî na thîna-î! Wa namue andû a îtûûra rîa Bethisaida! Na kaî mûrî na thîna-î! Nîûndû angîthîrwa ciama îrîa ciaringirwe matûûrarî menyu ciaringirwe matûûrarî ma Turo na Sidoni, andû akuo mangîekarire nthî tene, mageekîra nguo cia macakaya, na makeminjîria mûu nîguo monanie atî nîmeerirîte mevia mao!

Luka 9:10

Vîndî îrîa atûmwa maacokire nîmeerire Jesû maûndû monthe marîa meekîte. Nake Jesû nîwocire arutwa ake na akîmavira îtûûrarî rîa Bethisaida marî onga.

Johana 1:44

(Filipu aarî wa kuuma îtûûrarî rîa Bethisaida, kûrîa Enderea na Simoni maatûûraga).

Johana 12:21

Nao nîmaathiîre kûrî Filipu (ûrîa warî wa kuuma Bethisaida gîcunjîrî Kîam Galili) na makîmwîra atîrî, “Mûthuuri ûyû, nîtûrenda kwona Jesû.”