Maariko 8:17 - ÎVUKU RÎA ÛVORO MWARO

¹⁷ Jesû nîwecî ûrîa maaugaga na kwoguo nîwamaûririe atîrî, “Nîndûî kîratûma mwarîrîrie ûvoro wa ûrîa mûtarî na mîgate? Anga nginya rîu mûtirî mûramenya kana mûtaûkîrwa? Nîkwa mûmîtie ngoro cienyu atîa?

Maariko 8:17 ပူးပေါင်းရင်းမြစ်များ

Isaia 63:17

We Ngai-Mûnene, ûrekete tuume njîrarî ciaku nîkî? Ûtûmîte tûûmie ngoro cietû tûkarega gûgûtîîa nîkî? Tûcokerere we Ngai nîûndû wa ndungata ciaku, mîvîrîga îrîa arî yo îgai rîaku.

Mathaayo 12:15

Rîrîa Jesû aamenyire mîvango îrîa Afarisai maarî nayo, nîwaumire kûu na akîthiî. Andû eengî nîmaamûrûmîrîre, na akîvonia arîa maarî arûaru onthe.

Mathaayo 15:17

Anga mue mûtirî ataûkîre atî kîndû wa kîonthe kîrîa gîtonyaga kanyuarî ka mûndû, kîthiîcaga îvurî na gîgacoka gîkauma?

Mathaayo 16:7

Nao arutwa nîmaarîrîrie ûvoro ûcio makiugaga atîrî, “Arauga ûguo nîûndû tûtinakua mîgate.”

Maariko 16:14

Na mûthiiarî, Jesû nîwaumîrîre arutwa arîa îkûmi na ûmwe vîndî îrîa meekarîte metharî makîrîa irio. Nake nîwamatetirie mûno nîûndû wa gûtura wîtîkio, kûmia ngoro ciao na kûrega gwîtîkia arîa maamwonete ariûka.

Maariko 2:8

Nake Jesû nîwamenyire wa rîmwe ûrîa meciragia, na kwoguo akîmaûria atîrî, “Nîndûî kîratûma mwîcirie maûndû ta mama?

Maariko 3:5

Jesû nîwamaroririe arakarîte na arî na kîeva kîîngî mûno ngororî yake nîûndû wa ûrîa maaûmîtie ngoro ciao. Nîwacokire akîra mûndû ûcio wonjete njara atîrî, “Tambarûkia njara yaku.” Nake nîwamîtambarûkirie na îkîvua.

Maariko 6:52

nîûndû o matiarî ataûkîre nî gîtûmi gîa Kîamma kîu gîa kûvaithia arûme ngiri ithano, nîûndû ngoro ciao ciarî nyûmû.

Maariko 8:16

Nao arutwa nîmaarîrîrie ûvoro ûcio makiugaga atîrî. “Arauga ûguo nîûndû tûtirî na mîgate.”

Luka 24:25

Nake Jesû nîwacokirie atîrî, “Mue irimû ino mûtaviûvaga gwîtîkia na ngoro cienyu maûndû monthe marîa maarirue nî arathi!

Johana 16:30

Rîu nîtwamenya atî we nîwîcî maûndû monthe. We nîûvotaga gûcokeria mûndû kîûria wana mbere ya akûrie. Ûndû ûyû nîguo ûratûma twîtîkie atî we waumire kûrî Ngai.”

Johana 21:17

Jesû nîwacokire akîmûria riita rîa kathatû atîrî, “Simoni mûrû wa Johana, nîûmendete?” Nake Petero nîwatuurirwe nîûndû Jesû nîwamûririe riita rîa kathatû, “Nîûmendete?” Kwoguo nîwamwîrire atîrî, “Mwathani, we nîwîcî maûndû monthe; we nîwîcî atî nîngwendete!” Nake Jesû nîwamwîrire atîrî, “Rîthagia ng'ondu ciakwa.

Kûguû 2:23

Wana nîngaaûraga arûmîrîri ake. Namo makanitha monthe nîmakaamenya atî nie nînie nduîragia meciria ma andû na ngamenya merirîria mao. Nie nîngaaverithia wa ûmwe wa cienyu kûringana na mevia marîa ekîte.