Maariko 8:13 - ÎVUKU RÎA ÛVORO MWARO

¹³ Nake Jesû nîwamatigire, agîtwa îtarûrî, na akîringa mûringo ûcio wîngî wa îria.

Maariko 8:13 ပူးပေါင်းရင်းမြစ်များ

Thaburi 81:12

Kwoguo nînaamarekirie mathiî na mbere na ûremi wao, na ngîreka meke wa ûrîa meendaga.

Jeremia 23:33

Ngai-Mûnene aambîrire atîrî, “Mûrathi kana mûthînjîri-Ngai, kana mûndû ûmwe wa andû aya angîgakûûria atî, ‘Ndûmîrîri ndito ya Ngai-Mûnene nî ndûî?’ Nîûkaamûcokeria atî, ‘Mue nîmue mûrigo kûrî Ngai-Mûnene nake nîakûmûtecanîria.’

Hosea 4:17

Andû a Efiraimu nîmeovanîtie na mîvuano. Tigana nao!

Hosea 9:12

Wana marera ciana, ngaaciûraga cionthe viû. Kûgwatwa nî kîrumi nî o, rîrîa nie ngamatiganîria!”

Mathaayo 15:14

Tigani gûtangîka nîûndû wao! O nî atongoria atumumu. Mûtumumu agatongoria mûtumumu ûrîa wîngî, wa oîrî nîmagûcaga îrimarî.”

Mathaayo 7:6

“Tigagani kûva ngui kîndû kîrîa kîtheru nîûndû nwa imûgarûrûke na ikamûtharîkîra. Na mûtigaikagîrie ngûrwe indo cienyu cia goro, nîûndû mweka ûguo indo icio nwa ikinyangwe nî ngûrwe.

Maariko 8:12

Nwatî Jesû nîwavevûkire na vinya na akîmeera atîrî, “Nîndûî kîratûma andû a rûciaro rûrû mauge maringîrwe Kîamma? Nîramwîra na ma atî, gûtirî Kîamma makaaringîrwa.”

Maariko 8:14

Nao arutwa nîmaariganîrîtwe nî gûkuua mîgate, tiga mûgate ûmwe tu ûrîa maarî naguo îtarûrî.

Luka 8:37

Nao andû onthe a vûrûri ûcio wa Agadarenesi nîmaathaithire Jesû aume kûu kwao nîûndû o nî meegwire guoya nyîngî. Kwoguo Jesû nîwatwîre gatarûrî na agîcoka kûrîa aaumîte.

Johana 12:36

Îtîkiani ûtheri vîndî îrîa mûrî naguo, nîguo mûtuîke andû a ûtheri.” Nake Jesû aarîkia kuga ûguo, nîwamatigire na akîmethitha.

Johana 8:21

Wana rîngî Jesû nîwamerire atîrî, “Nie nîngûthiî namue mûkaanjaria, nwatî nîmûgaakua nî mevia menyu. Mue mûtingîvota kûthiî kûrîa ngûthiî.”

Ciîko 18:6

Nao nîmaamûkararirie na makîmûruma. Kwoguo nîwarivarivire rûkûngû kuuma nguorî ciake na akîmeera atîrî, “Mwona mwarega kûvonoka, nî venyu! Nie ndirî vo! Kuuma rîu nie nîngûthiî kûrî andû a ndûrîrî.”

Ciîko 27:2

Natue nîtwatwîre merirî îrîa yaumîte Adiramîtu na yagerie kûthiî matûûrarî mwanya mwanya ma marîa maarî na irûngamo cia meri gîcunjîrî Kîam Asia. Nake Arisitariko ûrîa warî wa kuuma îtûûrarî rîa Thesalonike vûrûrirî wa Makedonia, nîwathiîcanirie natue.