Maariko 7:3 - ÎVUKU RÎA ÛVORO MWARO

³ Afarisai na Ayahudi arîa engî onthe nîmaarûmagîrîra kîrîra kîrîa maanyitîte kuuma kûrî methe mao ma tene. Kwoguo matingîarîre irio matambîte kwîthambia njara. Wana nginya matingîarîre kîndû wana kîrîkû kuuma thokorî matambîte gûkîthambia.

Maariko 7:3 ပူးပေါင်းရင်းမြစ်များ

Maariko 7:13

Na njîra ta îno kîrîra kîrîa mûkinyanagîria, nîgîtûmaga ûvoro ûrîa Ngai augîte wonekane takwa ûtarî vata. Na kûrî maûndû mengî meengî ta mama mue mwîkaga.”

Maariko 7:5

Kwoguo Afarisai na arimû a watho nîmaaûririe Jesû atîrî, “Nîndûî kîgiragia arutwa aku marûmîrîre kîrîra kîrîa methe metû ma tene maatûtigîre, nwatî îthenya rîa ûguo maarîcaga irio na njara itarî nthambie?”

Luka 11:38

Nake Mûfarisai ûcio nîwamakire mûno rîrîa oonire Jesû ambîrîria kûrîa irio atambîte kwîthambia njara.

Johana 2:6

Ayahudi nîmaathîkagîra mawatho meengî megiî ûrîa mûndû avatarîte kwîtheria. Navo vaarî na nyûngû ithathatû cia manjî irîa ciatûmagîrwa nî Ayahudi mîtugorî ya kwîtheria, na wa nyûngû nîîngîagîre manjî mîtûngi îtano.

Agal 1:14

Naarî na kîîo mûno gûkîra Ayahudi a riika rîakwa ûvororî wîgiî kûrûmîrîra ndini ya Ayahudi, na nînerutanagîria mûno kûrûmîrîra mîtugo ya kîndûîre ya methe metû ma tene.

Akol 2:8

Geragiani kwona atî mûtiratuwa ngombo nî mûndû wana ûrîkû na njîra ya ûûgî ûrîa andû maveenanagîrîria naguo, ûrîa ûtiganagîrwa nî andû na umîte kûrî maaroho marîa mathanaga gûkû nthî, nwatî ndumîte kûrî Kristû.

1Pet 1:18

Mue nîmwîcî atî nîmwakûrirwe kuuma mîtûûrîrerî îtarî vata îrîa mwatigîrwe nî methe menyu ma tene. Mûtiakûûrwa na na kîndû ta sîlûva kana thaavu irîa ingîcûka.