Maariko 7:28 - ÎVUKU RÎA ÛVORO MWARO

²⁸ Mûndûmûka ûcio nîwamûcokerie atîrî, “Îî nîguo Mwathani, nwatî wana ngui irî rungu rwa metha, nîirîcaga rwîtîki rwa irio cia ciana.”

Maariko 7:28 ပူးပေါင်းရင်းမြစ်များ

Thaburi 145:16

Ûkumbatûragia njara yaku na ûtaana, na ûkavaithia kîrîa kîonthe kîrî mwoyo.

Isaia 45:22

“Njokererani nîguo mûvonokue, andû a nthî yonthe! Nîûndû nie nînie Ngai na gûtirî wîngî.

Isaia 49:6

Ke augîte atîrî, “Tî ûndû mûvûthû gûtuîka ndungata yakwa, ûrûngamie rîngî mîvîrîga ya Jakovu, na kûrûnga andû a Isiraeli arîa maatigarire. Nwatî nîngûgûtua ûtheri kûrî andû a Ndûrîrî, nîguo andû onthe a gûkû nthî mavonoke.”

Mathaayo 15:27

Nake mûndûmûka ûcio nîwamûcokerie atîrî, “Îî nîguo Mwathani, nwatî wana ngui nîirîcaga rwîtîki rûrîa rûgûcaga kuuma metharî ya mwene cio.”

Mathaayo 5:45

nîguo mwonanagie atî mwî ciana cia Îthe wenyu ûrîa ûrî îgûrû. Nîûndû ke nîke ûtûmaga riûa rîake rîarîre andû arîa aro na arîa acûku, na akauria mbura kûrî andû arîa mekaga waro, na arîa mekaga naaî.

Maariko 7:27

Jesû nîwamwîrire atîrî, “Mbere tiga ciana ciambe ivewe irio! Nîûndû gûtiagîrîrîte ciana icuunwe irio wa ikînaikîrua ngui.”

Maariko 7:29

Nake Jesû nîwamwîrire atîrî, “Nîûndû wa ûguo wacokia, înûka, na nîûkwîthîrîria kerîtu gaku karî gatige nî ngoma.”

Aroma 10:12

Nîûndû gûtirî ngûrani gatagatîrî ka Mûyahudi na mûndû wa Ndûrîrî. Ngai nî Mwathani wa andû onthe na nîavecanaga irathimo ciake nyîngî kûrî andû onthe arîa mamûkaagîra.

Aroma 3:29

Kana Ngai nî Ngai wa Ayahudi tu? Kinthî tî Ngai wa andû a Ndûrîrî wa nao? Nîma Ke nî Ngai wa andû a Ndûrîrî wa nao.

Aefeso 3:8

Nîrî mûnini gûkîra andû onthe a Ngai, nwatî Ngai nîwamûvere kîveo kîu Kîam mwanya. Nakîo kîveo kîu nî gîa kûvunjia kûrî andû a Ndûrîrî ûvoro mwaro wîgiî ûtonga ûrîa ûtarî kîthimi wa Kristû.