Maariko 7:22 - ÎVUKU RÎA ÛVORO MWARO

²² ûtharia, ûkoroku na mawaganu ma mîthemba wa yonthe; ta kûveenania, gwîka maûndû ma ûûra nthoni, kwîgua wîru, kûrumana, gwîtîîa na ûrimû.

Maariko 7:22 ပူးပေါင်းရင်းမြစ်များ

2Maû 32:31

Rîrîa anjaama a mûnene wa Babuloni maathiîre kûria ûvoro wîgiî maûndû ma magegania marîa moonekete vûrûrirî, Ngai nîwarekire Hezekia eke ûrîa akwenda nîguo amûgerie amenye ûrîa warî ngororî yake.

Thaburi 10:4

Andû arîa aganu matiîciragia ûvoro wa Ngai-Mûnene, nîûndû wa mwîtîîo wao maugaga atî, “Gûtirî Ngai.”

Thaburi 119:36

Mva wendo wa kûrûmîrîra kîrîra gîaku, ndige kûrûmîrîra ûtonga.

Nthi 12:23

Andû arîa aûgî matiendaga kwonania atî nî aûgî, nwatî irimû nîcianagîrîra ûrimû wa cio.

Nthi 22:15

Ciana irî mîtugo ya ûrimû, nwatî kûmariva na kîthanju nîkûthiragia mîtugo ya ûrimû kûrî ciana.

Nthi 23:6

Ndûkarîe irio cia mûndû mûthunu, kana wîrirîrie irio ciake mbaro,

Nthi 24:9

Mîvango ya mûndû mûritu nî ya mevia, mûndû mwîtîi nîathûrîtwe nî andû arîa engî.

Nthi 27:22

Wana ûgakima kîrimû na ndîrî ta mbembe, ndûngîruta ûrimû ndaarî yakîo.

Nthi 28:22

Mûndû mûkoroku endaga gûtonga na îvenya, na ndamenyaga atî akaarîkîrîria na ûthîni.

Mûvunjia 7:25

Nînendire kûmenya na gûtuîria na gûcaria ûûgî na gîtûmi Kîam maûndû, wa vamwe na kûmenya waganu nî ûrimû na ûritu nî ûgûrûki.

Isaia 59:13

Nîtûreganîte nawe na tûgagûkaana we Ngai-Mûnene, tûgagûtiganîria na tûkarega gûkûrûmîrîra we Ngai wetû. Twaragia ûvoro wa gûkinyanîrîria na gûkanîrîra, ngoro cietû ciîciragia na ikaria ciugo cia maveeni.

Isaia 59:7

Mûvinyûragîra gwîka waganu, na mûkevîka kûûraga arîa matarî na mavîtia. Mwîciragia maûndû ma waganu, kûrîa kuonthe mwavîtûkîrîra mûtigaga mwacûkangia na mwomomora.

Jeremia 17:9

Ngoro ya mûndû nîîvenanagia gûkîra indo cionthe, nîkuo kuumaga waganu wonthe, gûtirî mûndû ûtaûkagîrwa nîyo.

Mathaayo 20:15

Nie nîrî na rûtha rwa gwîka wa ûrîa nî ngîenda gwîka na mbeca ciakwa. Ndwagîrîrwe nî kwîgua wîru nîûndû nî mûtaana.’ ”

Mathaayo 6:23

nwatî ethîrwa metho maku tî maro, mwîrî waku wonthe ûkethagîrwa wîcûrîte nduma. Kwoguo ethîrwa ûtheri ûrîa ûrî ndaarî yaku nî nduma na kaî nduma îo nî nene-î!

Maariko 7:21

Nîûndû ngororî ya mûndû nîkuo kuumaga meciria macûku marîa matûmaga mûndû ende gwîka maûndû macûku ta; ûmaraa, wîi, ûûragani,

Maariko 7:23

Maûndû mama monthe macûku maumaga kûu ndaarî ya mûndû, nîmo matûmaga mûndû agîe na mûgiro.”

2Akor 10:5

Tue nîtûcûkangagia ûndû wa wonthe wa mwîgatho ûrîa ûgiragia mûndû amenya Ngai. Nîtûgarûraga meciria monthe na tûgatûma mathîkîre Kristû.

Gûco 15:9

Mûtikarege kûmûkovithia atî nîûndû mwaka wa kûrekanîra mathiirî ûrî vakuvî. Mûtikareke ûndû mûcûku ta ûcio ûtonye meciriarî menyu. Mûngîrega gûkovithia mûndû ûcio, nwa arîrîre Ngai-Mûnene nîûndû wenyu, na mûtuîrwe atî nî mwîvîtie.

Gûco 28:54

Wana mûndûmûrûme ûrîa mûvoreri na ûrî ntha mûno gatagatîrî kenyu, ndakaarûmia mûrwang'ina irio kana mûka ûrîa endete mûno, wana kana twana twake tûrîa tûtigarîte.

Gûco 28:56

Nake mûndûmûka ûrîa mûvoreri na ûrî ntha mûno gatagatîrî kenyu, na mûtongu mûno na ndaanakinyithia kûgûrû gwake nthî, ndakeeguîra mûthuuriwe ûrîa endete ntha, mûvîcî kana mwarî.

1Pet 2:15

Nîûndû wendi wa Ngai nî atî, na njîra ya maûndû maro marîa mwîkaga mûkaavotaga gûtûma andû arîa aritu matigane na mîario yao ya ûrimû.

1Pet 5:5

Na njîra wata îo, wa namue andû ethî athîkagîrani andû arîa akûrû. Muonthe arîa mwîtîkîtie înyivanagîrieni nîguo mûtungatanagîre, nîûndû mandîko matheru maugaga atîrî, “Ngai nîareganaga na andû arîa etîi, nwatî nîendete arîa menyivagia.”