Maariko 7:21 - ÎVUKU RÎA ÛVORO MWARO

²¹ Nîûndû ngororî ya mûndû nîkuo kuumaga meciria macûku marîa matûmaga mûndû ende gwîka maûndû macûku ta; ûmaraa, wîi, ûûragani,

Maariko 7:21 ပူးပေါင်းရင်းမြစ်များ

Kîam 6:5

Ngai-Mûnene nîwonire atî waganu wa andû warî mwîngî mûno gûkû nthî, na atî meciragia maûndû macûku vîndî cionthe.

Kîam 8:21

Ngai-Mûnene nîwegwire mûcingû mwaro ûkiuma îgongoonarî rîu, na akiuga atîrî ngororî yake, “Nie ndikaaruma nthî rîngî nîûndû wa ciîko cia mûndû, nîûndû meciria ma mûndû methagîrwa marî macûku kuuma ûninirî wake. Ndigaacoka kûthiria ciûmbe cionthe irîa itûûraga mwoyo ta ûrîa mbîkîte.

Ayubu 14:4

Nû ûngîvota kûruta kîndû kîtheru kuuma kûrî kîndû gîtarî kîtheru! Gûtirî mûndû ûngîvota?

Ayubu 25:4

Mûndû angîvota atîa gûtuîka mûthingu mbere ya Ngai? Mûndû ûciarîtwe nî mûndûmûka nwa atuîke mûtheru?

Thaburi 119:36

Mva wendo wa kûrûmîrîra kîrîra gîaku, ndige kûrûmîrîra ûtonga.

Thaburi 14:1

Irimû ciîîraga na ngoro atîrî, “Gûtirî Ngai!” Onthe marî mîtugo mîcûku, na nîmekîte maûndû macûku mûno, gûtirî wanarî ûmwe wîkaga ûndû mwagîrîru.

Thaburi 14:3

Nwatî onthe nî eviu, mevîtie ûndû ûmwe onthe. Gûtirî wanarî ûmwe wao wîkaga waro, gûtirî wanarî ûmwe.

Thaburi 53:1

1 Irimû ciîîraga na ngoro atîrî, “Ngai ndarî vata.” Onthe marî mîtugo ya waganu, na nîmekîte maûndû macûku mûno; gûtirî wanarî ûmwe wîkaga waro.

Thaburi 53:3

Nwatî onthe nîmavîtîtie, nîmekîte naaî onthe, gûtirî wanarî ûmwe wao wîkaga waro, gûtirî wanarî ûmwe.

Nthi 15:25

Ngai-Mûnene nîomomoraga mîciî ya andû arîa etîi, nwatî nîagitagîra indo cia aka a ndigwa.

Nthi 4:23

Menyerera ngoro yaku waro mûno, nîûndû ngororî nîkuo kuumaga maûndû marîa matongoragia ûtûûro wa mûndû.

Isaia 59:13

Nîtûreganîte nawe na tûgagûkaana we Ngai-Mûnene, tûgagûtiganîria na tûkarega gûkûrûmîrîra we Ngai wetû. Twaragia ûvoro wa gûkinyanîrîria na gûkanîrîra, ngoro cietû ciîciragia na ikaria ciugo cia maveeni.

Isaia 59:7

Mûvinyûragîra gwîka waganu, na mûkevîka kûûraga arîa matarî na mavîtia. Mwîciragia maûndû ma waganu, kûrîa kuonthe mwavîtûkîrîra mûtigaga mwacûkangia na mwomomora.

Jeremia 16:12

Mue nîmwîkîte naaî wana gûkîra methe menyu. Muonthe mûrûmagîrîra merirîria macûku, na ngoro cienyu nî nyûmû na mûtimbathîkagîra.

Jeremia 17:9

Ngoro ya mûndû nîîvenanagia gûkîra indo cionthe, nîkuo kuumaga waganu wonthe, gûtirî mûndû ûtaûkagîrwa nîyo.

Jeremia 4:14

We Jerusalemu, theria ngoro yaku îthirwe nî waganu, nîguo ûvonokue. Nî nginya rî ûgûtûûra wîciragia maûndû macûku ngororî?

Ezek 38:10

Mwathani Ngai-Mûnene arera Gogu atîrî, “Rîrîa kavinda kau gagaakinya, nîûkaambîrîria gwîciiria maûndû macûku na kûvanga mîvango mîcûku ngororî yaku,

Mathaayo 15:19

Nîûndû ngororî nîkuo kuumaga meciria macûku, ma ûragani, ûmaraa, ûtharia, wîi, ûthaani na kûruma arîa engî.

Mathaayo 9:4

Nwatî Jesû nîwamenyire maûndû marîa meciragia, nake nîwamaûririe atîrî, “Nîndûî gîtûmaga mwîcirie maûndû macûku ngororî cienyu?

Maariko 7:20

Nake Jesû nîwathiîre na mbere na kûmeera atîrî, “Nî kîndû kîrîa kiumaga ndaarî ya mûndû gîtûmaga agîe na mûgiro.

Maariko 7:22

ûtharia, ûkoroku na mawaganu ma mîthemba wa yonthe; ta kûveenania, gwîka maûndû ma ûûra nthoni, kwîgua wîru, kûrumana, gwîtîîa na ûrimû.

Luka 16:15

Nake Jesû nîwamerire atîrî, “Mue mwendaga gwîtua ûrîa mûrî aro methorî ma andû, nwatî Ngai nîwîcî ngoro cienyu. Nîûndû maûndû marîa monekanaga marî na vata methorî ma andû matirî vata methorî ma Ngai.

Ciîko 5:4

Mbere ya kwendia mûgûnda, ûrarî wa waku. Na wana warîkia kûwendia, nîûngîravûthîre mbeca icio na njîra wa yonthe îrîa ûngîrendire. Ûravangire gwîka ûndû ta ûcio nîkî? Tî andû ûraveenirie, we ûraveenirie Ngai!”

Ciîko 8:22

Kwoguo îrire nîûndû wa waganu ûcio waku na ûvoe Mwathani akwovere nîûndû wa kûgîa na rîciria ta rîu.

Aroma 7:5

Vîndî îrîa twatûûraga tûrûmagîrîra maûndû ma mwîrî, watho wekagîra vinya merirîria marîa macûku ma mwîrî. Kwoguo maûndû marîa twekaga maatûretagîra gîkuû.

Aroma 7:8

Nîûndû wa rîathani rîu, mevia nîmaagîre na magîtûma nîrirîrie maûndû marîa monthe macûku. Nîûndû vatarî watho, mevia matirî vinya.

Akol 3:5

Kwoguo ûragani merirîria marîa mûrî namo ma maûndû ma gûkû nthî. Namo nî: ûmaraa, ûûra nthoni, ûtûrîka, kûgîa na merirîria macûku na gûkoroka (nîûndû gûkoroka nî ta kûvoya ngai cia mîvuanano).

Tito 3:3

Nîûndû vîndî îmwe tue ene twarî ariitu, aremi, na nîtwekaga naaî. Tue twarî ngombo cia merirîria marîa macûku, na mîago ya mîthemba yonthe. Twatûûraga tûrî aganu na tûkîgucanagîra wîru. Andû nîmaatûmenete na wanatue nîtwamamenete.

Jakuvu 2:4

Mue mûrî na mavîtia ma kwonania kîmenyano gatagatîrî kenyu na ma gûtucanîra cira mûrî na meciria macûku.