Maariko 7:15 - ÎVUKU RÎA ÛVORO MWARO

¹⁵ Gûtirî kîndû wana kîmwe gîtonyaga ndaarî ya mûndû kiumîte nja, kîngîtûma agîe na mûgiro. Nwatî nî kîndû kîrîa kiumaga ndaarî ya mûndû gîtûmaga mûndû agîe na mûgiro. [

Maariko 7:15 ပူးပေါင်းရင်းမြစ်များ

Nthi 4:23

Menyerera ngoro yaku waro mûno, nîûndû ngororî nîkuo kuumaga maûndû marîa matongoragia ûtûûro wa mûndû.

Mathaayo 12:34

Mue rûciaro rwa njoka, mûngîvota atîa kwaria maûndû maro na mûrî andû acûku? Kanyua karagia maûndû marîa mecûrîte ngororî.

Mathaayo 15:16

Nake Jesû nîwamerire atîrî, “Anga wa namue mûtirî aûgî?

Maariko 7:14

Jesû nîwacokire agîîta andû mathiî varî ke rîngî na akîmeera atîrî, “Tanthikîrîriani muonthe na mûtaûkîrwe.

Maariko 7:16

Ûrîa wî na matû ma kwîgua, nî egue].”

Ciîko 10:28

Nîwamerire atîrî, “Mue andû aya nîmwîcî waro atî Ayahudi tî etîkîrie nî ndini yao matukane kana maceranîre na Andû a Ndûrîrî. Nwatî Ngai nîamonetie atî nie ndiagîrîrwe nî kuga mûndû wana ûrîkû atî arî na mûgiro kana atî tî mûtheru.

Aroma 14:17

Nîûndû ûthamaki wa Ngai tî wa kûrîa na kûnyua, nwatî nî ûthingu, thayû na gîkeno kuuma kûrî Roho Mûtheru.

1Akor 10:25

Mue nîmwîtîkîrîtue kûrîcaga nyama wa yonthe îrîa îthagîrwa îkîendua thokorî na mûtikaûrie kîûria wanarî kîmwe kiumanîte na thamiri cienyu.

Tito 1:15

Indo cionthe nî ntheru kûrî andû arîa atheru. Nwatî kûrî andû arîa aganu na matetîkîtie gûtirî kîndû kîtheru nîûndû meciria mao na thamiri ciao nî ino nthûkangie.

Ahib 13:9

Mûtigetîkîre kûvîtithua nî mîthomithanîrie mîgeni îrîa îrî kuo ya mîthemba mîîngî. Nî waro ngoro igîcage na vinya kuuma kûrî wega wa Ngai, nwatî tî kuumana na kwathîkîra mawatho megiî irio. Nîûndû arîa mathîkagîra mawatho mama matîtethekaga nîmo.

Ahib 9:10

Nîûndû iveo na mambura mau monanagia ûvoro wa kûrîa, kûnyua, na mambura mwanya mwanya ma kwîtheria. Mawatho mau monthe megiî ûvoro wa mwîrî, na mathiraga vinya rîrîa Ngai akathondeka ûndû mûcerû.