Maariko 6:51 - ÎVUKU RÎA ÛVORO MWARO

⁵¹ Nake Jesû nîwacokire agîtwa îtarûrî rîrîa maarî, naruo rûkûngi rûgîtiga kûvurutana. Nao arutwa nîmaamakire mûno,

Maariko 6:51 ပူးပေါင်းရင်းမြစ်များ

Mathaayo 8:10

Na rîrîa Jesû eegwire ûguo, nîwamakire na akîra andû arîa maamûrûmîrîrîte atîrî, “Nîramwîra na ma atî, nie ndianona mûndû wîna wîtîkio ta ûyû gûkû Isiraeli.

Maariko 1:27

Nao andû onthe nîmaamakire na makîambîrîria kûrania atîrî, “Ûguo naguo-î nî atîa? Gîkî nakîo nîkwa gî kîthomo kîgeni? Mûndû ûyû aratha ngoma nacio ikamwathîkîra!”

Maariko 2:12

Nake mûndû ûcio nîwaûkîrire, agîoca kîvarî gîake na akiuma narua aroretue nî andû onthe. Nao andû onthe nîmaamakire na magîkumia Ngai makiugaga atîrî, “Kaî rûrû tûtirî twaruona-î!”

Maariko 4:39

Nake Jesû aramûka, nîwakanirie rûkûngi na vinya, na akîra îria atîrî, “Vorera!” Naruo rûkûngi nîrwatigire kûvurutana, narîo îria rîkîvoorera.

Maariko 4:41

Nao nîmeetigîrire mûno na makîambîrîria kûrania atîrî, “Nîkwa arî ûrîkû ûyû ûrathîkîrwa nî rûkûngi, wana îria?”

Maariko 5:42

Nako kerîtu kau nîkaarûngamire wa rîmwe na gakîîthiîra. (Kerîtu kau kaarî na ûkûrû wa mîaka îkûmi na îîrî.) Na rîrîa andû moonire ûguo nîmaamakire mûno.

Maariko 6:32

Nao nîmaatwîre îtarûrî marî onga, na makîthiî vandû vataarî na andû.

Maariko 7:37

Nao andû onthe arîa meeguire ûvoro ûcio, nîmaamakire mûno, makiugaga atîrî, “Na kaî mûndû ûyû nîwîkaga maûndû monthe waro-î! Ke wana nîatûmaga andû arîa mategucaga megue, na arîa mataragia marie.”

Johana 6:21

Nao nîmaakenire Jesû atwa îtarûrî. Na wa rîo îtarûrî nîrîakinyire kûrîa maathiîte.