Maariko 6:41 - ÎVUKU RÎA ÛVORO MWARO

⁴¹ Nake Jesû nîwacokire agîoca mîgate îo îtano na nthamaki icio igîrî, agîtiira metho make na îgûrû, na agîcokeria Ngai ngatho. Nîwenyûrangire mîgate îo na akînengera arutwa ake nîguo magaîre andû. Nîwacokire akîmagaîra nthamaki icio igîrî.

Maariko 6:41 ပူးပေါင်းရင်းမြစ်များ

Mathaayo 14:19

Jesû nîwacokire akîra andû mekare nthî nyakirî. Ke nîwacokire agîoca mîgate îo îtano na nthamaki icio igîrî, akîroria na îgûrû, agîcokia ngatho kûrî Ngai na akîmîrathima. Nîwamîenyûrangire na akîmînenganîra kûrî arutwa magaîre andû.

Mathaayo 15:36

Nîwacokire agîoca mîgate îo mûgwanja na nthamaki, agîcokia ngatho kûrî Ngai, agîcienyûranga na akînengera arutwa. Nao makîgaîra andû.

Mathaayo 26:26

Rîrîa maarîcaga, Jesû nîwocire mûgate, akîûrathima, akîwenyûranga, akîûnengera arutwa ake na akîmeera atîrî, “Kani mûrîe, ûyû nî mwîrî wakwa.”

Maariko 14:22

Rîrîa maarîcaga, Jesû nîwocire mûgate akîûrathima, akîwenyûranga na akîûnengera arutwa ake akiugaga atîrî, “Keni; ûyû nî mwîrî wakwa.”

Maariko 6:40

Kwoguo nîmegaanirie na magîkara nthî marî ikundi, imwe cia andû îgana na ciîngî cia andû mîrongo îtano.

Maariko 6:42

Nao andû onthe nîmaarîre na makîvaa.

Maariko 7:34

Jesû nîwacokire akîroria na îgûrû, akîvevûka na akîîra mûndû ûcio atîrî, “Efatha.” Ûguo nî ta kuga, “Vingûka!”

Maariko 8:19

Nîmûraririkana rîrîa nenyûrangîre andû ngiri ithano mîgate îrîa îtano? Mwaûnganirie ciondo ciîgana ciîcûrîte cienywa cia mîgate?” Nao arutwa nîmaamûcokerie atîrî, “Twaûnganirie ciondo îkûmi na igîrî.”

Luka 24:30

Jesû nîwekarire metharî vamwe nao, agîoca mûgate na akîûrathima, agîcoka akîwenyûranga na akîmava.

Luka 9:16

Vîndî wa îo, Jesû nîwocire mîgate îo îtano na nthamaki icio igîrî na atira metho na îgûrû, akîirathima, agîcoka akîenyûranga mîgate wana nthamaki icio na akînengera arutwa ake magaîre andû acio.

Johana 11:41

Nao nîmaathengutirie îthiga vo. Jesû nîwacokire akîroria îgûrû na akiuga atîrî, “Vava nînagûcokeria ngatho nîûndû nîûnthikagîrîria.

Johana 17:1

Jesû arîkia kwaria maûndû mama, nîwaroririe îgûrû na akîvoya atîrî, “Vava îvinda nîrîkinyu. Goocithia Mûrûguo, nîguo nake Mûrûguo akûgoocithie.

Johana 6:11

Jesû nîwocire mîgate îo, agîcokeria Ngai ngatho na akîmînenganîra îgaîrwe andû arîa meekarîte nthî. Nîwacokire agîoca nthamaki icio, agîcokeria Ngai ngatho na akîinenganîra igaîrwe andû kûringana na kîthimi kîrîa wa mûndû endire.

Johana 6:23

Namo matarû mengî marîa maaumîte îtûûrarî rîa Tiberia maakinyire rûtere rwa îria vakuvî na varîa andû maarîrîrîte mîgate, Mwathani aarîkia gûcokia ngatho.

Ciîko 27:35

Rîrîa Paûlo aarîkirie kuga ûguo, nîwocire mûgate, agîcokia ngatho kûrî Ngai nîûndû waguo arî vau mbere ya andû onthe, akîwenyûra na akîambîrîria kûrîa.

Aroma 14:6

Mûndû ûrîa ûtucaga mûthenya mûna wa mwanya, ekaga ûguo nîûndû wa gûtîîa Mwathani. Nake ûrîa ûrîcaga irio cia mîthemba yonthe ekaga guo nîûndû wa gûtîîa Mwathani, nîûndû ke nîacokagia ngatho kûrî Ngai nîûndû wa irio. Mûndû ûrîa ûregaga kûrîa irio cia mîthemba mîna ekaga ûguo nîguo Mwathani atîwe, nake nîacokagia ngatho kûrî Ngai.

1Akor 10:31

Kwoguo ûndû wa wonthe mwîkaga ethîrwa nî kûrîa kana nî kûnyua, îkagani nîguo mûgoocithie Ngai.

Gûco 8:10

Mûrî vûrûrirî ûcio, gûtirî kîndû mûkenda kûrîa gîture, na nîmûgaacokia ngatho kûrî Ngai-Mûnene, Ngai wenyu nîûndû wa vûrûri mwaro ûcio amûveete.

Akol 3:17

Maûndû monthe marîa mûgekaga kana mûkaugaga, mekageni mûgîcokagîria Ngai Îthe wetû ngatho rîîtwa rîa Mwathani Jesû.

1Sam 9:13

Mwatonya îtûûrarî wa rîo, nîmûkûmwona mbere ya athiî kûndû kûrîa gûtûgîru kûrîa, nîûndû andû matingîrîa irio atarî mûkinyu, nîûndû nwa nginya arathime îgongona. Nao acio engî metîtwe macoke marîe. Unûkiani wa rîu na nî mûkûmwona.”