Maariko 6:34 - ÎVUKU RÎA ÛVORO MWARO

³⁴ Rîrîa Jesû aaumire îtarûrî, nîwonire kîrîndî kîîngî na akîringwa nî ntha nîûndû gîekarîte ta ng'ondu itarî na mûrîthi. Kwoguo nîwambîrîrie kûmathomithia maûndû meengî.

Maariko 6:34 ပူးပေါင်းရင်းမြစ်များ

1Atha 22:17

Mikaia nîwacokirie atîrî, “Nînoonire andû onthe a Isiraeli manyaganîte irîma ta ng'ondu itarî na mûrîthi. Nake Ngai-Mûnene nîwaugire atîrî, ‘Andû aya matirî na mûtongoria; nîmacoke wa mûndû gwake mûciî na thayû.’ ”

2Maû 18:16

Nake Mikaia nîwaugîre atîrî, “Nînoonire andû onthe Isiraeli manyaganîtie irîmarî ta ng'ondu itarî na mûrîthi. Nake Ngai-Mûnene nîwaugire atîrî, ‘Andû aya matirî na mûtongoria, nîmacoke wa mûndû gwake mûciî marî na thayû.’ ”

Isaia 13:14

“Wa mûndû akaavinyûraga ta nthwariga îkîvîtwa, ta ng'ondu itarî na mûrîthi, wa mûndû nîagaacoka kûrî andû ake, na wa mûndû nîakaaûra athiî vûrûrirî wake.

Jeremia 50:6

“Andû akwa mekariî ta ng'ondu ciûrîte, ivîtithîtue njîra nî arîthi ikerekera irîmarî. Maraûrûra kuuma kîrîma kîmwe nginya kîrîa kîngî, nginya makariganîrwa nî kûrîa maumîte.

Ezek 34:5

Kwoguo ng'ondu nîcianyaganirie nîûndû itiarî na mûrîthi. Nacio nyamû cia kîthaka nîciaûragire ng'ondu icio na ikîirîa.

Zakaria 10:2

Andû matuîragia maûndû kûrî ngai cia mana, na aragûri makoona cioneki cia maveeni; iroto ciao ciîthagîrwa irî cia maveeni, na kûmanîrîria kwao nîkwa mana. Kwoguo andû maûrûraga ta ng'ondu; mavinyagîrîrua nîûndû matirî na mûrîthi.

Ndari 27:17

na ûrîa ûkaamathaga marî mbaararî nîguo matigekare ta ng'ondu itarî na mûrîthi.”

Mathaayo 14:14

Rîrîa Jesû aakinyire rûtererî rwa îria, nîwonire kîrîndî kînene na akîringwa nî ntha nîûndû wakîo na akîvonia arîa maarî arwaru.

Mathaayo 15:32

Jesû nîwetire arutwa ake na akîmeera atîrî, “Nie nîreguîra andû aya ntha nîûndû mbîthîrîtwe nao mîthenya îthatû na rîu matirî na kîndû gîa kûrîa. Ndirenda kûmera menûke mavûtiî nîûndû mavota kûgirîkîra njîrarî.”

Mathaayo 9:36

Na rîrîa Jesû oonire kîrîndî nîwakîguîrîre ntha, nîûndû kîonekaga gîtangîkîte na kîthînîkîte ta ng'ondu itarî na mûrîthi.

Maariko 6:33

Nao andû eengî nîmaamonire makîthiî na makîmamenya. Kwoguo nîmaavinyûrire maumîte matûûrarî monthe na magîkinya kuo mbere yao.

Maariko 6:35

Rîrîa kwambîrîrie gûtuka, arutwa ake nîmaathiîre varî ke na makîmwîra atîrî, “Mwarimû, gûkû tûrî nî werûrî na nîkwambîrîria gûtuka,

Maariko 8:1

Vuva wa kavinda kanini andû eengî mûno nîmaagomanire. Nao matiarî na kîndû gîa kûrîa. Nake Jesû nîwetire arutwa ake kûrî ke na akîmeera atîrî,

Maariko 8:2

“Nie nînîreguîra andû aya ntha, nîûndû mbîthîrîtwe nao mîthenya îthatû, na rîu matirî na kîndû gîa kûrîa.

Luka 9:11

Rîrîa andû maamenyire kûrîa Jesû aarî, nîmaamûrûmîrîrie. Nao andû acio makinya varîa Jesû aarî nîwamagwatire ûgeni na akîambîrîria kûmathomithia ûvoro wîgiî ûthamaki wa Ngai na agîcoka akîvonia arwaru eengî.

Ahib 2:17

Ûguo nî kuga atî nwanginya angîatuîkire ta aa mûrwang'ina na aa mwarwang'ina na njîra wa yonthe nîguo atuîke Mûthînjîri-Ngai ûrîa mûnene, mwîvokeku na ûrî ntha wîrarî wa Ngai nîguo atûme andû moverwe mevia mao.

Ahib 4:15

Mûthînjîri-Ngai mûnene ûcio wetû ndangîrega gûtwîguîra ntha nîûndû tûtirî vinya. Rîrîa atûûraga gûkû nthî nîwageragua na njîra wa cionthe irîa tûgeragua nacio, nwatî ke ndevia.