Maariko 6:20 - ÎVUKU RÎA ÛVORO MWARO

²⁰ nîûndû Herode arîkia kûmenya atî Johana aarî mûndû mûthingu na mûtheru, nîwamwîtigîre, na kwoguo akîmûgitîra. Nake Herode nîwendaga kûthikîrîria Johana wana ethîrwa nîwathînîkaga mûno ngororî yake amwîgua.

Maariko 6:20 ပူးပေါင်းရင်းမြစ်များ

1Atha 21:20

Ahabu nîwaûririe Elija atîrî, “Anga we nthû yakwa nîwamona?” Nake Elija nîwacokirie atîrî, “Nînakwona nîûndû nîwîrutîrîte viû gwîka maûndû macûku mbere ya Ngai-Mûnene.

2Atha 13:14

Rîrîa mûrathi Elisha aarwarire mûrimû ûrîa watûmire akue, Joashi, mûthamaki wa Isiraeli nîwathiîre kûmûcerera. Nîwamûrîrîre akiugaga atîrî, “Vava, vava! Njamba îrîa îrarûagîrîra andû a Isiraeli!”

2Atha 6:21

Rîrîa mûthamaki wa Isiraeli oonire andû a Sîria nîwaûririe Elisha atîrî, “Vava, nîmaûrage? Nîmaûrage?”

2Maû 24:2

Joashi nîwekire maûndû marîa maakenagia Ngai-Mûnene îvinda rîonthe rîrîa Jehoiada, mûthînjîri-Ngai aarî mwoyo.

2Maû 26:5

Uzia nîwathîkagîra Ngai mavinda marîa Zekaria aarî mwoyo, nîûndû nîwarûmagîrîra maûndû marîa aataaragwa nî Zekaria megiî kwathîkîra Ngai. Nake Ngai-Mûnene nîwatûmire athatûkwe maûndûrî make.

Ntha 11:3

Nake Ngai-Mûnene agîtûma andû a Misiri mave andû a Isiraeli gîtîîo. Anene na andû onthe a Misiri nîmoonaga Musa arî mûndû mûnene.

Ezek 33:32

Kûrî o wîkariî ta mûndû ûrî na mûgambo mwaro wa kwina nyîmbo cia gûkenia andû na akîvûraga kînanda waro mûno, nîûndû andû nîmegucaga ûrîa ûkuga, nwatî matiîkaga ûrîa wamera.

Danieli 4:18

Gîkî nîkîo kîroto gîakwa, nie Mûthamaki Nebukadinezarû. Rîu, we Beliteshazaru, ndaûrîra kîroto gîkî, nîûndû arûme onthe arîa marî na ûûgî ûthamakirî wakwa nîmaaremirwe nî kûndaûrîra kîo, nwatî we nîûkûvota nîûndû roho wa ngai irîa ntheru arî vamwe nawe.

Danieli 4:27

Kwoguo Mûthamaki wetû, nakûthaitha wîtîkîre mataaro makwa. Tiga kwîvia na gwîka maûndû ma waganu, na wambîrîrie gwîka maûndû ma ûthingu na kwîguîra andû arîa athîni ntha. Weka ûguo, wavota kwongererwa mavinda ma gûtûûra wîganîrîte.”

Danieli 5:17

Danieli nîwacokerie mûthamaki Belishazaru atîrî, “Nwa wîkare na iveo ciaku mûthamaki kana ûve mûndû wîngî. Kûnarî ûguo Mûthamaki, nîngûkûthomera mandîko mama na ngûtaûrîre mo.

Mathaayo 14:5

Herode nîwendaga kûûragithia Johana, nwatî nîwetigagîra Ayahudi nîûndû o meetîkîtie atî Johana aarî mûrathi.

Mathaayo 21:26

Nwatî wona twauga, ‘Waumîte kûrî andû,’ nîtûretigîra ûrîa andû mangîka nîûndû andû onthe metîkîtie atî Johana aarî Mûrathi.”

Maariko 11:18

Rîrîa anene a athînjîri-Ngai na arimû a watho meeguire ûvoro ûcio, nîmaambîrîrie gûcaria ûrîa mangîmûûraga. Nao nîmaamwîtigagîra nîûndû kîrîndî nîkîamakagua mûno nî mûthomithanîrie wake.

Maariko 4:16

Engî nao mekariî ta mbeû irîa ciagwîre rûciararî. Aya nao nî arîa maregua ndûmîrîri ya Ngai, mamîamûkagîra wa rîmwe makenete

Johana 5:35

Johana aakengaga ta taa yakanîte, namue nîmwendire gûkenerera ûtheri ûcio wake kavinda kanini.

Ciîko 2:12

Nîûndû wa ûrîa maamakîte na magatanganîrua nîmekarire makîûranagia atîrî, “Ûndû ûyû nî atîa?”

Ciîko 5:24

Na rîrîa anene a athînjîri-Ngai na mûnene wa arangîri a hekarû meegwire ûvoro ûcio, nîmaamakire na makîrigwa nî ûrîa gwekîkîte kûrî atûmwa.