Maariko 6:14 - ÎVUKU RÎA ÛVORO MWARO

¹⁴ Mûthamaki Herode nîwegwire maûndû mau monthe nîûndû ngumo ya Jesû nîyatambîte kûndû kuonthe. Andû amwe maaugaga atîrî, “Nî Johana Mûvatithania ûriûkîte na nîkîo arî na ûvoti mwîngî ûguo wa kûringa ciama.”

Maariko 6:14 ပူးပေါင်းရင်းမြစ်များ

2Maû 26:15

Kûu Jerusalemu mavundi make nîmaathondekire indo cia gwikia mîguî na cia gwikia mathiga marîa manene. Indo icio ciarî nyombarî ndaca na mîenarî ya rûthingo rwa îtûûra. Ngai nîwamûtethirie kûgîa vinya mûno, na ngumo yake îgîtamba kûndû kuonthe.

2Maû 26:8

Aamoni nîmaarîvire gooti kûrî Uzia na ngumo yake îgîtamba nginya mûvakarî wa Misiri nîûndû nîwagîte na vinya mûno.

Mathaayo 9:31

Nwatî atumumu acio nîmaathiîre na magîtambia ûvoro wîgiî Jesû kûndû kuonthe gîcunjîrî kîmwe Kîam vûrûrirî ûcio.

Maariko 1:28

Na wa rîmwe ngumo ya Jesû nîyatambire kûndû kuonthe vûrûrirî wa Galili.

Maariko 1:45

Nake mûndû ûcio aathiî, nîwaririe atagwîtigîra na agîtambia ûvoro ûcio mûno ûndû Jesû atangîatonyire îtûûrarî wanarî rîrîkû akîonagwa. Kwoguo Jesû nîwathiîre kûndû kwîthithu, nwatî wana arî kuo andû nwa maathiîcaga kûrî ke maumîte kûndû kuonthe.

Maariko 8:28

Nao nîmaamûcokerie atîrî, “Kûrî andû amwe maugaga atî we wî Johana Mûvatithania, engî makauga atî we wî Elija, na engî makauga atî we wî ûmwe wa arathi.”

Luka 13:31

Vîndî wa îo, Afarisai amwe nîmaathiîre varîa Jesû aarî na makîmwîra atîrî, “Nî kava ume gûkû nîûndû Herode nîarenda gûkûûragithia.”

Luka 3:1

Mwakarî wa îkûmi na gatano wa wathani wa Tiberio, mûthamaki wa Roma, Pontio Pilato nîke warî mûnene wa Judea. Nake Herode aathanaga vûrûrirî wa Galili, nake mûrwang'ina Filipu aathanaga icunjî cia Iturea na Turakoniti. Nake Lisania aathanaga vûrûrirî wa Abilene.

Luka 7:17

Naguo ûvoro ûyû wîgiî Jesû nîwatambire Judea kuonthe na matûûrarî marîa maakûthiûrûrûkîrîtie.

Luka 9:19

Nao arutwa nîmaamûcokerie atîrî, “Andû amwe maugaga atî we nîwe Johana Mûvatithania, arîa engî makauga atî we nîwe Elija, nao engî makauga atî we ûrî mûrathi ûmwe wa arîa a tene ûriûkîte.”

1Ath 1:8

Ndûmîrîri ya Mwathani îrîa yumîte kûrî mue ndîtambîte Makedonia na Akaia kuonga, nwatî ûvoro wîgiî ûrîa mwîtîkîtie Ngai nîûtambîte kûndû kuonthe. Kwoguo gûtirî vata wa kuga wa naarî ûndû.

Ahib 2:4

Ngai wanake nîwongerere ûira wake îgûrû rîao na njîra ya kûringa ciama na morirû ma mîthemba yonthe, na iveo cia Roho Mûtheru irîa aaveere andû kûringana na wendi wake.