Maariko 6:12 - ÎVUKU RÎA ÛVORO MWARO

¹² Kwoguo arutwa nîmaathiîre na makîvunjîria andû merire mevia mao.

Maariko 6:12 ပူးပေါင်းရင်းမြစ်များ

Ezek 18:30

“Kwoguo mue nyomba ya Isiraeli nie nîngaamûtuîra ciira, wa mûndû kûringana na njîra ciake, ûguo nîguo Mwathani Ngai augîte. Îrireni na mûgarûrûke mûtigane na maûndû mau menyu macûku mûreka na mûtikareke mevia menyu mamûcûkangia.

Mathaayo 11:1

Na rîrîa Jesû aarîkirie kûthomithia arutwa ake arîa îkûmi na aîrî, nîwaumire kûu na akîthiî kûthomithia na kûvunjia matûûrarî marîa maarî gûkuvî na kûu.

Mathaayo 11:20

Andû arîa maarî matûûrarî kûrîa Jesû aaringîte ciama ciake nyîngî nîmaaregire kwîrira mevia mao. Kwoguo nîwamatetirie akîmeera atîrî,

Mathaayo 3:2

akiugaga atîrî, “Îîrireni mevia menyu nîûndû ûthamaki wa Îgûrû ûrî vakuvî!”

Mathaayo 3:8

Îkani maûndû ma kwonania atî nîmwîrirîte mevia menyu.

Mathaayo 4:17

Kuuma vîndî îo Jesû nîwambîrîrie kûvunjia, akaugaga atîrî, “Îîrireeni mevia menyu, nîûndû ûthamaki wa îgûrû ûrî vakuvî!”

Mathaayo 9:13

Thiîni mûkamenye gîtûmi Kîam mandîko matheru marîa maugîte atîrî, ‘Nie mendaga ciîko cia ntha na tî magongoona ma nyamû.’ Nie ndiûkîte gwîta andû arîa athingu, nwatî mbûkîte gwîta evia.”

Maariko 1:15

akiugaga atîrî, “Kavinda nîgakinyu, naguo ûthamaki wa Ngai nîûkuvîvîrîtie! Îrireni mevia menyu na mwîtîkie Ûvoro Mwaro!”

Maariko 1:3

Kûrî na mûndû ûranîrîra arî werûrî akiugaga atîrî, ‘Thondekani njîra ya Mwathani, na mûrûngarie tûcîra twake!’ ”

Luka 11:32

Mûthenya wa îtuîro wakinya, andû a îtûûra rîa Nineve nîmakaarûngama na mathitange andû a rûciaro rûrû nîûndû nîmeeririre vîndî îrîa Jona aamavunjîrie. Nwatî rîu nîramwîra nama atî, ava varî na mûndû mûnene gûkîra Jona.

Luka 13:3

Naarî, ûguo tîguo kwarî! Nîramwîra na ma atî mwarega kwîrira mevia menyu, nîmûkua muonthe wata ûrîa andû acio maakwire.

Luka 13:5

Naarî, ûguo tîguo kwarî! Nîramwîra na ma atî mwarega kwîrira mevia menyu, nîmûkua muonthe wata o.”

Luka 15:10

Nîramwîra atî, ûguo nwa guo araika a Ngai makenagîra mwîvia ûmwe ûrîa wîrirîte mevia make.”

Luka 15:7

Nîramwîra na ma atî, ûguo nwaguo îgûrû kwîthagîrwa na gîkeno makîria, nîûndû wa mwîvia ûmwe ûrîa wîrirîte, gûkîra gîkeno kîrîa kîthagîrwa kuo nîûndû wa andû athingu mîrongo kenda na kenda, arîa matarî na ûvatari wa kwîrira.

Luka 24:47

Na atî rîîtwarî rîake andû a ndûrîrî cionthe cia nthî, kwambîrîria îtûûrarî rîa Jerusalemu nwa nginya mavunjîrue ndûmîrîri ya Ngai, îgiî kwîrira nîguo moverwe mevia mao.

Luka 9:6

Nao arutwa acio nîmaaumire vau na makîthiî icagirî cionthe makîvunjagia Ûvoro Mwaro na makîvonagia arwaru a kûndû kuonthe.

Ciîko 11:18

Nao etîkia acio megua ûguo nîmaathiririe ngarari na makîgooca Ngai makiugaga atîrî, “Kwoguo Ngai nîavete wana andû a ndûrîrî kanya ga kwîrira nîguo matûûre mwoyo!”

Ciîko 2:38

Nake Petero nîwamerire atîrî, “Mûndû wa wonthe gatagatîrî kenyu nwanginya erire mevia make na avatithue na rîîtwa rîa Jesû Kristû, nîguo overwe mevia make. Namue nîmûkwamûkîra Roho Mûtheru arî kîveo kuuma kûrî Ngai.

Ciîko 20:21

Nie nînarutire ûira kûrî Ayahudi na andû a Ndûrîrî ngîmeera merire mevia mao, macokerere Ngai na metîkie Mwathani wetû Jesû Kristû.

Ciîko 26:20

Nînaambîrîrie kûvunjîria andû ngîmeeraga atî nwanginya merire mevia mao, macokerere Ngai na meke ciîko cia kwonania atî na ma nîmerirîte. Nie naambire kûvunjia ûvoro ûyû Damesiki, ngîcoka ngîûvunjia Jerusalemu na vûrûrirî wonthe wa Judea na nginya kûrî andû a ndûrîrî.

Ciîko 3:19

Kwoguo îîrireni na mûcokerere Ngai nîguo ke amwovere mevia menyu. Na mwona mweka ûguo,