Maariko 5:34 - ÎVUKU RÎA ÛVORO MWARO

³⁴ Nake Jesû nîwerire mûndûmûka ûcio atîrî, “Mwarîwa, gwîtîkia gwaku nîkuo gwatûma ûvone. Thiî na thayû na mûrimû ûcio ndûgagûcokerere rîngî.”

Maariko 5:34 ပူးပေါင်းရင်းမြစ်များ

2Atha 5:19

Nake Elisha nîwerire Naamani atîrî, “Thiî na thayû.” Nwatî rîrîa Naamani aaumire varî Elisha na akîthiî gatîna gatarî karaca,

Mûvunjia 9:7

Thiî ûkarîe irio ciaku ûkenete na ûnyue ndivei yaku ûcanjamûkîte, nîûndû Ngai nîetîkîrîte wîra waku.

Alawi 14:48

Nwatî rîrîa mûthînjîri-Ngai angîthiî kûroria na one atî nyomba tî nyite nî gîko kîu rîngî vuva wa kûthingwa, nî akaauga atî nyomba îo nî ntheru, nîûndû gîko nî kîthiru.

Mathaayo 9:2

Nao andû amwe nîmaamûvirîre mûndû warî mûkuû ciîga ciake cia mwîrî, amamîrîte ûrîrî. Na rîrîa Jesû oonire ûrîa andû acio maarî na wîtîkio mûnene, nîwerire mûndû ûcio wakuîte ciîga cia mwîrî atîrî, “Mûvîcîwa, ûmîrîria! We nîwoverwa mevia maku.”

Mathaayo 9:22

Nake Jesû nîwevûgûrire, akîona mûndûmûka ûcio, na akîmwîra atîrî, “Mwarîwa, îyûmîrîrie! Gwîtîkia gwaku nîkuo gwatûma ûvone.” Na kavinda wa kau mûndûmûka ûcio nîwavonire.

Maariko 10:52

Nake Jesû nîwamwîrire atîrî, “Îîthiîre! Gwîtîkia gwaku nîkuo gwatûma ûvone.” Na kavinda wa kau mûtumumu ûcio nîwavotire kwona na akîrûmîrîra Jesû.

Maariko 3:10

Nake nîwavonetie andû eengî, na nîkîo arwaru onthe maavatîkanaga makîenda kûmûvutia.

Maariko 5:29

Mûndûmûka ûcio nîwavutirie nguo ya Jesû, nayo nthakame îgîtiga kuura wa rîmwe na akîvona.

Maariko 5:33

Na nîûndû mûndûmûka ûcio nîwamenyaga ûndû ûrîa wekîkîte kûrî ke, nîwaumire akinainaga nîûndû wa guoya agîîtungumania nthî mbere ya Jesû na akîmwîra ûma wonthe.

Luka 17:19

Nake Jesû nîwacokire akîra mûndû ûcio atîrî, “Rûngama na wîthiîre, gwîtîkia gwaku nîkuo gwatûma ûvone.”

Luka 18:42

Nake Jesû nîwamwîrire atîrî, “Coka kwona! Gwîtîkia gwaku nîkuo gwatûma ûvone.”

Luka 7:50

Nwatî Jesû nîwerire mûndûmûka ûcio atîrî, “Gwîtîkia gwaku nîkuo gwatûma ûvonoke; Thiî na thayû.”

Luka 8:48

Nake Jesû nîwamwîrire atîrî, “Mwarîwa, gwîtîkia gwaku nîkuo gwatûma ûvone. Thiî na thayû.”

Ciîko 14:9

Nake mûndû ûcio nîwathikîrîrîtie Paûlo akîaria. Paûlo nîwamûroririe na vinya na akîona atî nîwetîkîtie Ngai arî na ûvoti wa kûmûvonia.

Ciîko 15:33

Na vuva wa gwîkara kuo kwa îvinda, Judasi na Sailasi nîmaaugîrwe ûvoro nî etîkia magîcoka kûrî arîa maamatûmîte. [

Ciîko 16:36

Kwoguo mûrangîri wa njeera nîwerire Paûlo atîrî, “Acirithania maathana mauga nîmûrekererie. Umani rîu na mûthiî mûrî na thayû.”

Jakuvu 2:16

Kûrî na vata ûrîkû wa kûmeera atîrî, “Thiîni na thayû, mwote mwaki na mûrîe mûvae” ethîrwa mûtiramava kîrîa mavatarîte ûtûûrorî wao?

1Sam 1:17

Nake Eli nîwacokirie na akiuga atîrî, “Thiî na thayû, nake Ngai wa Isiraeli arokûva kîrîa wamûvoya.”

1Sam 20:42

Jonathani nîwacokire akîra Daudi atîrî, “Thiî na waro Ngai-Mûnene arotûtethia nie nawe, na njiarwa cietû tûtûûre tûmenyererete kîîranîro kîrîa tûrîkanîrîte nawe.” Nake Daudi nîwacokire akîthiî nake Jonathani agîcoka îtûûrarî.