Maariko 4:7 - ÎVUKU RÎA ÛVORO MWARO

⁷ Nacio mbeû ciîngî nîciagwîre mûtheturî ûrîa warî na mbîtîkîra ya mvîndî cia mîgua. Nayo mîgua îo yakûra, nîyaithararirie na ikîrega gûciara.

Maariko 4:7 ပူးပေါင်းရင်းမြစ်များ

Jeremia 4:3

Ngai-Mûnene arera andû a Juda na atûûri a Jerusalemu atîrî, “Rîmani ngamba cienyu na mûtikavande mbegû mîguarî.

Mathaayo 13:22

Nacio mbeû irîa ciagwîre mîguarî, ivananîtue na andû arîa megucaga ndûmîrîri îo, nwatî mîtangîko ya gûkû nthî, na kwenda ûtonga, nîîthararagia ndûmîrîri îo nginya magatura maciaro.

Mathaayo 13:7

Nacio ciîngî nîciagwîre mûtheturî ûrîa warî na ria rîa mîgua. Nayo mîgua îo yakûra nîyaithararirie ikîrega gûkûra.

Mathaayo 13:8

Nwatî mbeû ciîngî nîciagwîre mûtheturî ûrîa warî mûnoru na igîciara mûno; imwe nîciaciarire maita îgana, ciîngî igîciara maita mîrongo îtandatû, na ciîngî igîciara maita mîrongo îthatû.”

Maariko 4:6

Na rîrîa riûa rîarire, nîrîavîvirie mîmera îo, nayo îkîûma narua nîûndû îtiarî na mîri mîrikîru.

Maariko 4:8

Mbeû ciîngî nacio nîciagwîre mûtheturî ûrîa warî mûnoru, ikîmera ikîneneva na igîciara mûno; imwe nîciaciarire maita mîrongo îthatû, ciîngî maita mîrongo îtandatû na ciîngî maita îgana.”

Luka 12:15

Nake Jesû nîwacokire akîra andû onthe atîrî, “Îîmenyagîrîreni na mwîgitagîre kuumana na maûndû monthe ma ûkoroku, nîûndû mûtûûrîre wa ma wa mûndû ndwîthagîrwa ûthondeketwe nî ûtonga wana angîthîrwa mûndû ta ûcio atongete atîa.”

Luka 21:34

“Îîmenyerereni! Mûtigetîkîre gûtûmîra mavinda menyu monthe na kûrîa mûno na kûnyua na kûthînîka mûno mûgîîciria mûno ûvoro wîgiî maûndû ma gûkû nthî. Mweka ûguo mûkethîrîrua nî mûthenya ûcio mûtevarîrîtie,

Luka 8:14

Nacio mbeû irîa ciagwîre mbîtîkîrarî ya mvîndî cia mîgua, nî andû arîa mathikagîrîria ndûmîrîri ya Ngai, nwatî waganu, ûtonga, na ikeno cia gûkû nthî ikathararia ndûmîrîri îo, na maciaro mayo makarega gûkûra.

Luka 8:7

Nacio ciîngî nîciagwîre mûtheturî ûrîa warî na mbîtîkîra ya mvîndî cia mîgua. Nayo mîgua îo nîyameranîrie na mbeû icio na îkîithararia.