Maariko 4:39 - ÎVUKU RÎA ÛVORO MWARO

³⁹ Nake Jesû aramûka, nîwakanirie rûkûngi na vinya, na akîra îria atîrî, “Vorera!” Naruo rûkûngi nîrwatigire kûvurutana, narîo îria rîkîvoorera.

Maariko 4:39 ပူးပေါင်းရင်းမြစ်များ

Ayubu 38:11

na ngîrîîra atîrî, ‘Ûyû nîguo mûthiia waku, ndûkavîtûke ava, makûmbî maku manene magakinyaga ava.’

Thaburi 107:29

Nîwatûmire rûkûngi rûrîa rwavurutanaga rûvorera, na makûmbî ma manjî îriarî magîkira.

Thaburi 148:8

Mveni, mbura ya mbembe, mbaravu na mbaa, rûkûngi rûnene rûrîa rûvingagia watho wake!

Thaburi 29:10

Ngai-Mûnene nîke wathaga îria, ke atûûraga arî mûthamaki tene na tene.

Thaburi 65:7

We nîûvoragîria marurumî ma îria, na înegene rîa makûmbî ma rîo; nîûvoragîria înegene rîa andû.

Thaburi 89:9

We nîwathaga ndivû cia îria, nîûvoragîria makûmbî ma rîo rîrîa mambarara.

Ntha 14:16

Ûkîrîria mûragi waku îgûrû na wambararie njara yaku îgûrû rîa îria. Manjî ma îria nîmakûgaûkana, na andû a Isiraeli nîmakûvota kûvîtûkîra nthî nyûmû.

Ntha 14:22

Nao andû a Isiraeli nîmaavîtûkîrîre nthî nyûmû îriarî, na manjî mavana ta nthingo igîrî, rûmwe mwena wao wa ûrîo na rûu rwîngî mwena wao wa ûmotho.

Nthi 8:29

Naarî vo vîndî îrîa aarûthire mîvaka ya îria nîguo îria rîtikavîtûke varîa aarîathire rîkinye. Naarî vo rîrîa aarûthire mîcingi ya nthî.

Jeremia 5:22

Ngai-Mûnene araûria atîrî, Nîndûî kîgiragia mûnîîtigîra? Nîndûî kîgiragia mwinaine mûrî mbere yakwa? Nînaigîre mûthanga ûtuîke mûvaka wa îria, mûvaka wa gûtûûra ûrîa rîtangîkîra. Wana ethîrwa makûmbî nîmaikanagia ava na vaarîa mwatî matingîûvîtûka, wana ethîrwa nîmarurumaga, matingîûkîra.

Maca 3:31

Ngai-Mûnene ndagaatûtiganîria tene na tene,

Nahumu 1:4

Nîathaga îria na rîkanyaara, ke nîanyarithagia nyûnjî. Mîgûnda ya Bashani na kîrîma gîa Karimeli nîciûmagaraga, maûa ma Lebanoni makavova.

Mathaayo 8:26

Nake Jesû nîwamaûririe atîrî, “Mue mûretigîra nîkî? Na kaî mue mûrî na wîtîkio mûnini-î!” Nake Jesû nîwacokire akîrûngama na akîatha rûkûngi na îria ivoorere. Nacio nîciavorere mûno.

Maariko 4:38

Na vîndî wa îo Jesû aamamîte gatarûrî vuva etirîte kîongo na kamuuto. Nao arutwa ake nîmaamûramûkirie na makîmwîra atîrî, “Uui! Mwarimû! Ndûramaka na nîkwa tûraûrîra îriarî?”

Maariko 9:25

Na rîrîa Jesû oonire kîrîndî gîkîgomana, nîwagûkîre ngoma îo na vinya na akîmîra atîrî, “We ngoma îno îtegucaga na îtaragia, nie nakwatha ume ndaarî ya kamwana gaka na ndûkaanagatonye rîngî!”

Luka 4:35

Nwatî Jesû nîwamûkaanirie akîmwîra atîrî, “Kira na ume kûrî ke!” Nayo ngoma îo yarîkia gûtungumania mûndû ûcio vau nthî mbere ya andû acio onthe, nîyaumire kûrî ke îtakûmûgera ngero wana îrîkû.

Luka 4:39

Jesû nîwakuvîvîrie mûndûmûka ûcio, na aamûroria, akîatha mûrimû ûcio ume kûrî ke, na ûkiuma. Nake mûndûmûka ûcio nîwaûkîrire wa rîmwe na akîambîrîria kûmatungatîra.

Luka 8:24

Nao arutwa a Jesû nî maathiîre varîa aarî, makîmûramûkia na makîmwîra atîrî, “Mwarimû! Tûrî vakuvî gûkua!” Nake Jesû nî waramûkire na agîkaania rûkûngi na ndivû cia manjî, naruo rûkûngi rûgîtiga kûvurutana na îria rîkîvoorera.