Maariko 4:32 - ÎVUKU RÎA ÛVORO MWARO

³² Na kavinda kanini kathira mûmera ûcio nîûkûraga, ûkaneneva, na ûkaruta mvûa nene, na ûkaneneva gûkîra îrîa îngî yonthe îrî mûgûndarî ûcio. Nacio iconi nîciûkaga na igatuma ciomba rungu rwa mvûa ciaguo.”

Maariko 4:32 ပူးပေါင်းရင်းမြစ်များ

Thaburi 104:12

Iconi itumaga ciomba ciacio mîtîrî îrîa îrî vakuvî na nyûnjî icio, ciûmbaga mvûarî cia mîtî îo na ikaina.

Thaburi 91:1

Mûndû ûrîa wîthithaga kûrî Ngai-Mûnene, ûrîa ûtûûraga rungu rwa kîruru Kîam Ngai mwene vinya wonthe,

Nthi 4:18

Nwatî njîra ya andû arîa athingu îkariî ta riûa rîkîratha, rîrîa rîaraga na rîkathiî na mbere kwongerera ûtheri nginya mûthenya gatagatî.

Rwîmbo rwa Nyîmbo 2:3

Ta mûtî wa matunda gatagatî ka mîtî ya mûtitû, nîguo mwendwa wakwa ekariî gatagatî ka anake. Nîmendaga gwîkara kîrururî Kîamguo, na îtunda rîaguo rîrî mûrîo.

Isaia 11:9

Kîrîmarî kîrîa kîtheru Kîam Ngai, gûtigativanua kana gwîkwa maûndû macûku. Nîûndû nthî îkethîrwa îcûrîte ûmenyo wa Ngai-Mûnene, ta ûrîa manjî methagîrwa mecûrîte îriarî.

Isaia 32:2

Wa mûndû agaatuîka ta kûndû gwa kwîthitha rûkûngi, kana ta vandû va kwîthitha rûkûngi rûnene, kana ta tûrûnjî tûrî kûndû kûnyaru, kana ta mwîgunyî wa îthiga înene werûrî.

Maca 4:20

Nîmaanyitire mûnene, ûrîa wathuurîtwe nî Ngai-Mûnene, ûrîa twevokete atî nîke ûgatûgitîra kuuma kûrî nthû cietû.

Ezek 17:23

Ngaakavanda vandû îgûrû kîrîmarî kîrîa kîraca mûno gîa Isiraeli. Nîgagaakûra kagîe na mvûa, kagîe na maciaro na gatuîke mûtarakwe mwaro. Nyamû cia mîthemba yonthe nîigaatûûraga rungu rwa mwîgunyî wa guo, na iconi cionthe nîigaatuma ciomba ciacio mvûarî cia mûtarakwe ûcio.

Mathaayo 13:32

Mvîndî îo nîyo nini mûno gûkîra mvîndî irîa ciîngî cionthe. Nwatî vîndî îrîa yakûra, nîcokaga gûtuîka mûtî ûrîa mûnene mûno gûkîra mîtî îrîa îngî yonthe îî mûgûndarî. Kwoguo iconi nîciûkaga na igatuma ciomba mvûarî ciaguo.”

Maariko 4:31

Ûthamaki wa Ngai wîkariî ta mvîndî ya mûtî wa karatarî, îrîa îthagîrwa îrî yo nini mûno gûkû nthî. Mûrîmi amîocaga na akamîvanda mûgûndarî.

Maariko 4:33

Jesû nîwavunjîrie kîrîndî na ngerekano ciîngî nyîngî ta ino kûringana na ûrîa mangîavotire kwîgua.