Maariko 4:26 - ÎVUKU RÎA ÛVORO MWARO

²⁶ Jesû nîwathiîre na mbere na kûmeera atîrî, “Ûthamaki wa Ngai wîkariî ta mûndû ûrîa ûvandaga mbeû mûgûndarî.

Maariko 4:26 ပူးပေါင်းရင်းမြစ်များ

Nthi 11:18

Mûndû ûrîa mwaganu anyitaga mûcara wa maveeni, nwatî mûndû ûrîa wîkaga maûndû ma ûthingu anyitaga mûcara wa ma.

Mûvunjia 11:4

Mûndû ûrîa wetagîrîra rûkûngi ndavandaga, na mûndû ûrîa wetagîrîra matu mathire ndakethaga.

Mûvunjia 11:6

Vanda mbegû mûgûndarî waku kîraûko na kîvwaî, nîûndû ndwîcî irîa igaakûthatûka nî cia kîraûko kana nî cia kîvwaî.

Isaia 32:20

Gûkena nî mue arîa mûvandaga mbegû cienyu ndeererî cia manjî, ng'ombe na mvunda cienyu ikerîthagia kûndû kuonthe itagwîtigîra.

Mathaayo 13:11

Nake Jesû nîwamacokerie atîrî, “Mue nîmûvetwe ûmenyo wa nthitho cia ûthamaki wa îgûrû nwatî acio engî tî ave.

Mathaayo 13:24

Nake Jesû nîwamavere ngerekano îngî na akîmeera atîrî, “Ûthamaki wa îgûrû wîkariî ta mûndû ûrîa wavandire mbeû mbaro mûgûndarî wake.

Mathaayo 13:3

Nake nîwamerire maûndû mengî agîtûmagîra ngerekano. Nîwamerire atîrî, “Vîndî îmwe kwarî na mûrîmi wathiîre kûminja mbeû.

Mathaayo 13:31

Jesû nîwamavere ngerekano îngî na akîmeera atîrî, “Ûthamaki wa îgûrû wîkariî ta mvîndî ya mûtî wa karatarî îrîa mûndû oocire na akîmîvanda mûgûndarî wake.

Mathaayo 13:33

Jesû nîwamavere ngerekano îngî na akîmeera atîrî, “Ûthamaki wa îgûrû wîkariî ta ndawa ya kwimbia mîgate îrîa mûndûmûka oocire na akîmîtukania na mûtu wa ngano wa ndeve igîrî, nginya rîrîa waimbire wonthe.”

Mathaayo 3:2

akiugaga atîrî, “Îîrireni mevia menyu nîûndû ûthamaki wa Îgûrû ûrî vakuvî!”

Mathaayo 4:17

Kuuma vîndî îo Jesû nîwambîrîrie kûvunjia, akaugaga atîrî, “Îîrireeni mevia menyu, nîûndû ûthamaki wa îgûrû ûrî vakuvî!”

Maariko 4:25

Nake mûndû ûrîa wîna kîndû nîakoongererwa, nwatî ûrîa ûtarî nîagaacunwa wana kîrîa kînini arî nakîo.”

Maariko 4:27

Avandaga, agacoka akamama gwatuka, na agaûkîra gwakîa. Na kavinda wa kau mbeû nîimeraga na igakûra atakûmenya ûrîa irakûra.

Luka 13:18

Jesû nîwacokire akiuga atîrî, “Ûthamaki wa Ngai nîngîûgerekania na ndûî? Nîndûî nîngîûringithania nakîo?

Luka 8:11

“Ngerekano îo yendaga kwonania atî: mbeû icio nî ndûmîrîri ya Ngai.

Luka 8:5

“Vîndî îmwe kwarî na mûrîmi wathiîre kûvanda mbeû. Na rîrîa aaminjaga mbeû icio mûgûndarî, imwe nîciagwîre gacîrarî, igîkinyangwa nî andû, na iconi igîcoka ikîirîa.

Johana 12:24

Nie nîramwîra na ma atî, mvîndî ya ngano îkaraga îrî wa yonga îngîrega kûvandwa mûtheturî na îkue. Nwatî îngîkua, nîîciaraga maciaro meengî.

Jakuvu 3:18

Ûthingu nî maciaro ma mbegû ya thayû îrîa îvandagwa nî andû arîa macaragia thayû.