Maariko 4:24 - ÎVUKU RÎA ÛVORO MWARO

²⁴ Nake Jesû nîwacokire akîmeera atîrî, “Menyererani maûndû marîa mûregua, nîûndû kîthimi kîrîa mûthimanagîra nakîo nwakîo Ngai akaamûthimîra nakîo na amwongerere.

Maariko 4:24 ပူးပေါင်းရင်းမြစ်များ

Nthi 19:27

Mwana wakwa ûngîrega kûrûmîrîra mataaro, nîrîo ûkaaûrîra maûndû ma ûûgî.

Isaia 55:3

“Tegani matû menyu, na mûke kûrî nie; nthikîrîriani na nî mûgûtûûra mwoyo! Nîngûrûtha namue kîrîkanîro gîa gûtûûra tene na tene, na nîngaamûva wendo wakwa ûtathiraga ûrîa nerîîre Daudi.

Jeremia 17:21

Meere Ngai-Mûnene arauga atî, mamenyerere mûtûûrîre wao na matigakuue mûrigo mûthenya wa thavatû, kana makuue kîndû magîtonyerie mîvîrîgarî ya îtûûra rîa Jerusalemu.

Mathaayo 7:2

Nîûndû Ngai akaamûtuîra wata ûrîa mûtucagîra andû arîa engî, na kîthimi kîrîa mûthimagîra arîa engî nakîo nwa kîo mûkaathimîrwa nakîo.

Maariko 9:7

Narîo îtu nîrîacokire rîkîmakunîkîra na kîruru Kîam rîo, na mûgambo ûkiuma îtuurî rîu ûkiugaga atîrî, “Ûyû nîke Mûrû wakwa ûrîa mendete, mûthikîrîrieni!”

Luka 8:18

“Kwoguo menyererani maûndû marîa mûregua, nîûndû mûndû ûrîa ûrî na indo nyîngî nîke ûkoongererwa. Nwatî mûndû ûrîa ûtarî, nîagaacunwa wa na kîrîa kînini arecirîria atî arî nakîo.”

Johana 10:16

Na nîrî na ng'ondu ciîngî ciakwa itarî rwagarî rûrû, na nwa nginya wa nacio nîirete. Nacio nîikûthikîrîria mûgambo wakwa, na cionthe vamwe ituîke cia ndîthia îmwe na igîe na mûrîthi ûmwe.

Johana 10:27

Ng'ondu ciakwa nîithikagîrîria mûgambo wakwa; nie nînîciîcî na nîinûmagîrîra.

Johana 5:25

Nie nîramwîra na ma atî îvinda nîrîkuvîvîriu na nîrîrîkîtie gûkinya. Îvinda rîîrî nîrîo akuû makeegua mûgambo wa Mûriû wa Ngai, na arîa makaawîgua nîmakaagîa na mwoyo.

Ciîko 17:11

Ayahudi arîa maarî Berea nîmeendaga kûmenya maûndû gûkîra arîa maarî Thesalonike. Nao nîmaathikîrîrie ndûmîrîri îo marî na wendi mwîngî, na wa mûthenya wa mûthenya nîmaatuîragia Mandîkorî Matheru nîguo mone kana maûndû marîa Paûlo aaragia maarî ma ma.

2Akor 9:6

Ririkanani atî mûndû ûrîa ûvandaga tûnini agaaketha tûnini. Nake ûrîa ûvandaga nyîngî agaaketha nyîngî.

Ahib 2:1

Nîûndû wa ûguo, nwanginya tûnyitie waro ûvoro wa ma ûrîa twîguîte nîguo tûtikaume kûrî guo.

1Pet 2:2

Tuîkagani ta tûkenge. Vîndî cionthe nyondagîrani îriia rîrîa rîtheru rîa Kîîroho nîguo mwarînyua mûkûre na mûvonokue.

1Joh 4:1

Arata akwa, mûtigetîkagie andû onthe arîa maugaga atî marî na Roho. Nwatî ambagani mûkamaroria waro nîguo mûmenye kana roho ûrîa marî naguo umîte kûrî Ngai nîûndû kûrî na arathi eengî a maveeni meyumîrîtie gûkû nthî.