Maariko 4:15 - ÎVUKU RÎA ÛVORO MWARO

¹⁵ Andû amwe arîa megucaga ndûmîrîri ya Ngai mekariî ta mbeû irîa ciagwîre gacîrarî, nîûndû mararîkia kwîgua ndûmîrîri îo, Caitani nîaûkaga, na akamîthengutia.

Maariko 4:15 ပူးပေါင်းရင်းမြစ်များ

Kîam 19:14

Loti nîwacokire akîthiî kûrî arûme arîa maarî mavikie erîtu ake na akîmeera atîrî, “Îîvarîrieni narua muume îtûûrarî rîîrî, nîûndû Ngai-Mûnene nîwîvarîrîtie kûrîcûkangia.” Nwatî meeciragia nî îtherû aarî narîo.

Isaia 53:1

“Nû wetîkirie ûvoro ûrîa twegwire? Nû ûguûrîrîtue atî nî Ngai-Mûnene warutaga wîra ûcio?

Zakaria 3:1

Ngai-Mûnene nîwacokire akîmonia kîoneki kîngî. Kîonekirî kîu nînonire Joshua Mûthînjîri-Ngai mûnene arûngamîte mbere ya mûraika wa Ngai-Mûnene. Nake Caitani aarûngamîte mwena wa ûrîo wa Joshua evarîrîtie kûmûthitanga.

Mathaayo 13:19

Andû arîa megucaga ndûmîrîri îgiî Ûthamaki nwatî makarega gûtaûkîrwa, mekariî ta mbeû irîa ciagwîre gacîrarî. Ûrîa Mûcûku nîaûkaga na akamacuna kîrîa kîravandîtwe ngororî ciao.

Mathaayo 22:5

Nwatî andû acio meetîrîtwe îruga nîmaarîvûthirie na makîthiî wa mûndû maûndûrî make. Ûmwe athiîre mûgûndarî wake, na ûcio wîngî akîthiî wîrarî wake wa kwendia.

Mathaayo 4:10

Nake Jesû nîwamîrire atîrî: “Uma varî nie Caitani! Mandîko matheru maugîte atîrî, ‘Goocaga Mwathani Ngai waku na ûmûtungatagîre wa ke wenga.’ ”

Maariko 4:14

Mûminji aminjaga ndûmîrîri ya Ngai.

Maariko 4:16

Engî nao mekariî ta mbeû irîa ciagwîre rûciararî. Aya nao nî arîa maregua ndûmîrîri ya Ngai, mamîamûkagîra wa rîmwe makenete

Maariko 4:4

Na rîrîa aaiminjaga, imwe nîciagwîre gacîrarî, nacio iconi igîûka ikîirîa.

Luka 8:12

Mbeû irîa ciagwîre gacîrarî nî andû arîa megucaga ndûmîrîri ya Ngai, nwatî Ngoma akathiî kûrî o na akathengutia ndûmîrîri îo kuuma ngororî ciao nîguo matigetîkie na matikavonokue.

Ciîko 17:32

Na rîrîa andû meegwire Paûlo akîaria ûvoro wîgiî kûriûka, amwe gatagatîrî kao nîmaamûnyûrûririe, nwatî arîa engî makîmwîra atîrî, “Tue nîtûrenda gûkeegua ûkîaria ûvoro wîgiî ûndû ûcio rîngî.”

Ciîko 5:3

Nake Petero nîwamûûririe atîrî, “Anania, ûretîkîrie Caitani atonye ngororî yaku nîkî, agîtûma ûveenie Roho Mûtheru na wîtigarîrie mbeca imwe kuuma kûrî irîa ûronire wendia mûgûnda?

2Akor 2:11

Nie nekire ûguo nîguo Caitani ndagatûvoote nîûndû nîtwîcî mîvango yake nî îrîkû.

2Ath 2:9

Mûndû ûcio Mwaganu nîagaaûka arî na vinya kuuma kûrî Caitani, ûrîa ûkonanua na njîra ya ciama nyîngî cia maveeni na maûndû mengî ma magegania.

Ahib 12:16

Mûndû wana ûrîkû ndakanatuîke mûmaraa kana mûndû ûtarî na Ûngai ta Esaû. Esaû nîwendirie ûrikithathi wake irio cia îrîa rîmwe.

Ahib 2:1

Nîûndû wa ûguo, nwanginya tûnyitie waro ûvoro wa ma ûrîa twîguîte nîguo tûtikaume kûrî guo.

1Pet 5:8

Îkaragani mwîîguîte na mwîvarîrîtie! Nthû yenyu, na nîke Ngoma, araûrûra akîraramaga ta mûnyambû agîcaragia mûndû wa gûcûkangia.

Kûguû 12:9

Nayo njûnamatu îo nene na araika a yo nîmaaikirue nthî kuuma îgûrû - îo nîyo njoka ya tene, îrîa îtagwa Ngoma, kana Caitani ûrîa ûveenagia andû onthe a nthî.

Kûguû 20:10

Nake Ngoma ûrîa wamavîtithîtie, nîwaikirue îriarî rîa mwaki na ûviriti, kûrîa nyamû na mûrathi wa maveeni maaikîtue. Nao nîmagatûûra maverithagua ûtukû na mûthenya tene na tene.

Kûguû 20:7

Mîaka ngiri îmwe yathira, Caitani nîakaarekererua kuuma njeera yake.