Maariko 4:1 - ÎVUKU RÎA ÛVORO MWARO

¹ Wa rîngî Jesû nîwambîrîrie kûthomithia andû arî rûtererî rwa îria rîa Galili. Na kîrîndî kîîngî mûno nîkîamûrigicîrîtie. Kwoguo nîwatwîre gatarûrî karîa kerereete manjîrî na agîkara nthî kuo. Nakîo kîrîndî nîgîatigirwe gîkarîte rûtererî rwa îria.

Maariko 4:1 ပူးပေါင်းရင်းမြစ်များ

Maariko 2:13

Jesû acoka rûtererî rwa îria rîa Galili, andû eengî nîmaathiîre kûrî ke na akîambîrîria kûmathomithia.

Maariko 3:7

Jesû na arutwa ake nîmaaumire kûu na makîthiî îriarî rîa Galili.

Maariko 3:9

Na nîûndû wa ûrîa andû maarî eengî, Jesû nîwerire arutwa ake mamûvarîrîrie gatarû nîguo ndagatugutanue nîo.

Maariko 4:36

Kwoguo nîmaatiganîrie kîrîndî makîthiî magîtwa gatarû karîa Jesû eekarîrîte na makîringa îria marî vamwe. Navo varî na tûtarû twîngî tûrîa maaringanîrie natuo.

Maariko 5:2

Rîrîa aaumire îtarûrî, nîwatûngirwe nî mûndû waumîte mbîrîrarî. Mûndû ûcio aarî na ngoma,

Maariko 5:21

Rîrîa Jesû aaringire rîngî mûringo ûcio wîngî wa îria rîa Galili arî îtarûrî, kîrîndî kîîngî nîkîathiîre vau rûtererî rwa îria na gîkîmûrigicîria.