Maariko 3:3 - ÎVUKU RÎA ÛVORO MWARO

³ Nake Jesû nîwerire mûndû ûcio wonjete njara atîrî, “Umîra ava mbere.”

Maariko 3:3 ပူးပေါင်းရင်းမြစ်များ

Isaia 42:4

Ndagaakua ngoro kana athirwe nî vinya, nginya rîrîa agaatûma kîvooto kîîvande gûkû nthî, andû arîa matûûraga icîgîrîrarî na ndeere cia îria metagîrîra watho wake.”

Danieli 6:10

Rîrîa Danieli amenyire atî watho nîwekîrwa kîrore nî mûthamaki, nîwathiîre nyomba gwake na agîtwa ngorovarî akîthiî kanyombarî karîa kaarî na ndirica cierekerete Jerusalemu. Wata ûrîa aamenyerete, nîwaturirie maru na akîambîrîria kûvoya na gûcokia ngatho kûrî Ngai maita mathatû wa mûthenya.

Mathaayo 12:10

kûrîa kwarî na mûndû wonjete njara. Kûu îvoerorî kwarî na andû amwe maatuîragia ûndû ûrîa mangîmûthitanga naguo. Kwoguo nîmaamûririe atîrî, “Watho wetû nîwîtîkîrîtie kûvonania mûthenya wa thavatû?”

Maariko 3:2

Nao andû amwe arîa maarî kuo nîmaatuîragia ûndû ûrîa mangîmûthitanga naguo. Nao nîmekarire mamûroretie mûno nîguo moone kana nîakûvonia mûndû ûcio mûthenya wa thavatû.

Maariko 3:4

Nîwacokire akîûria andû acio atîrî, “Watho wetû ûtwîtîkîrîtie twîkage atîa mûthenya wa thavatû? Ûtwîtîkîrîtie gûtethia kana kûnûva? Gûtethûra mûndû kuuma gîkuûrî kana kûûraga?” Nao nîmakirire.

Luka 6:8

Nwatî Jesû nîwamenyaga meciria mao, na kwoguo nîwerire mûndû ûcio wonjete njara yake atîrî, “Ûka na ûrûngame ava.” Mûndû ûcio nîwarûngamire na akiumîra vau mbere.

Johana 9:4

Rîrîa kûrî mûthenya nwa nginya twîkare tûkîrutaga wîra wa ûrîa wandûmire. Ûtukû nîûgûkinya rîrîa gûtarî mûndû ûngîvota kûruta wîra.

1Akor 15:58

Kwoguo, ariû na aarî a îthe wetû mue mendete mûno, îkaragani mûmîrîrîtie na mûtakwenyenya. Vîndî cionthe rutagani wîra wa Mwathani na vinya nîûndû nîmwicî atî wîra wa Mwathani tî wa mana.

Agal 6:9

Kwoguo tûtikanoge nî gwîka waro, nîûndû îvinda rîrîa rîagîrîru rîakinya nîtûgaaketha twarega kûrwa nî vinya.

Afil 1:14

Nîûndû wa kwîthîrwa nîrî njeera, nîgûtûmîte etîkia eengî mevoke Mwathani mûno. Kwoguo nîmavunjagia ndûmîrîri ya Mwathani matarî na guoya.

1Pet 4:1

Nîûndû Kristû nîwathînîkire kîîmwîrî, wa namue nwanginya mûgîcage na meciria ta marîa Kristû aarî namo, nîûndû mûndû ûrîa ûthînîkîte kîîmwîrî nîatiganîte na mevia.