Maariko 3:29 - ÎVUKU RÎA ÛVORO MWARO

²⁹ Nwatî mûndû wa wonthe, ûkaaruma Roho Mûtheru ndarî vingo akooverwa nîûndû nîwîkîte wîvia ûrîa ûtakoovanîrwa tene na tene.”

Maariko 3:29 ပူးပေါင်းရင်းမြစ်များ

Mathaayo 25:46

Nao andû acio nîmakaathiî kûrîa makaaverithua tene na tene. Nao andû arîa athingu nîmakaathiî mwoyorî wa tene na tene.”

Mathaayo 9:3

Na arimû amwe a watho nîmeîrire na ngoro atîrî, “Mûndû ûyû nîwaruma Ngai!”

Maariko 12:40

Aya nwao mathithûkagîra aka a ndigwa mîciîrî yao, makamacuna indo ciao cionthe, na makeyonania ûrîa marî aro na njîra ya kûracavia mavoya. Nao nîmagaatuîrwa îvera rînene.”

Maariko 3:30

(Jesû aaugire ûguo nîûndû andû amwe maaugaga atîrî, “Mûndû ûyû arî na ngoma.”)

Luka 12:10

“Mûndû wa wonthe ûcambagia Mûrû wa Mûndû nîakooverwa, nwatî mûndû wa wonthe ûrumaga Roho Mûtheru ndarî vingo akooverwa.

2Ath 1:9

Nao nîmakaathînîka nîûndû Ngai nîakaamaverithia tene na tene. Nîmakaaigwa varaca na Mwathani na varaca na riiri wa ûnene wake.

Juda 1:13

Mekariî ta makûmbî ma manjî îriarî, na ciîko ciao cia ûûra nthoni ciîyumagîria ta mûvûû. Mekariî ta njata irîa ciûrûraga kûndû na kûndû. Nake Ngai nîamaigîrîte kûndû kûrî na nduma nene mûno tene na tene.

Juda 1:7

Taririkanani andû a matûûra ma Sodomu na Gomora na a matûûra marîa maariganîtie namo. Andû a kuo meekire wa ta araika acio. O meekire maûndû ma ûmaraa na makîrirîria kûmenyana kîîmwîrî na njîra irîa ireganîte na watho. Nao nîmaverithagua na mwaki wa tene na tene nîguo matuîke kîonereria kûrî andû onthe.