Maariko 3:21 - ÎVUKU RÎA ÛVORO MWARO

²¹ Rîrîa andû a mûciî wao meeguire ûguo, nîmaathiîre kûmûnyita, nîûndû andû maugaga atî, “Nîagûrûkîte.”

Maariko 3:21 ပူးပေါင်းရင်းမြစ်များ

2Atha 9:11

Rîrîa Jehu aacokire kûrî anene acio engî, anene acio nîmaamûririe atîrî, “Maûndû monthe nî maro? Mûndû ûcio wa ngoma araûkîte kûrî we nîkî?” Nake Jehu nîwamacokerie atîrî, “Mue nîmwîcî mûndû ûcio na nîmwîcî ûrîa aragia.”

Jeremia 29:26

‘Ngai-Mûnene nîwagûtwire mûthînjîri-Ngai vandûrî va mûthînjîri-Ngai Jehoiada, na rîu nîwe mûtongoria hekarûrî. Nî wîra waku kwona atî mûndû wa wonthe wa ngoma, wîtucaga atî nî mûrathi hekarûrî ya Ngai-Mûnene nîwanyitwa na ovwa na mvîngû na aikua njeera.

Hosea 9:7

Mîthenya ya kûverithania nî mîkinyu, mîthenya ya kwîrîvîrîria nîmîkinyu; andû a Isiraeli nwa nginya mamenye mûthenya ûcio. Mue mugaga atî, “Mûrathi nî kîrimû na mûndû ûrîa ûrî na Roho arî na ngoma.” Mugaga ûguo nîûndû wa mevia menyu meengî, na nîûndû wa rûmena rwenyu rûnene îgûrû rîake.

Maariko 3:31

Nake ng'ina wa Jesû na arîa maaciaranîrîtue na Jesû nîmaakinyire, makîrûngama vau nja na makîmûtûmanîra etwe.

Johana 10:20

Eengî gatagatîrî kao nîmaambîrîrie kuga atîrî, “Ke arî na ndaimono, na arî na ngoma! Mûramûthikîrîria nîkî?”

Ciîko 26:24

Rîrîa Paûlo eetetagîra na njîra îo, Fesito nîwamûgûkirie akîmwîra atîrî, “We Paûlo wî na ngoma. Kîthomo kîu gîaku kînene nîkîo kîratûma ume ngoma!”

2Akor 5:13

Nîûndû ethîrwa tûrî na meciria matarî maro, tûrî namo nîûndû wa Ngai; na ethîrwa tûrî na meciria maro, tûrî namo nîûndû wenyu.