Maariko 2:27 - ÎVUKU RÎA ÛVORO MWARO

²⁷ Nake Jesû akîrîkîrîria nîwamerire atîrî, “Mûthenya wa thavatû watuirwe nîûndû wa wagîrîru wa mûndû, nwatî mûndû ndaaûmbwa nîûndû wa thavatû.

Maariko 2:27 ပူးပေါင်းရင်းမြစ်များ

Ntha 23:12

“Rutaga wîra waku mîthenya îtandatû, nwatî mûthenya wa mûgwanja vurûkaga, nîguo ngombo ciaku, na ageni arîa makûrutagîra wîra mavurûkage, wana ndegwa na mvunda ciaku ivurûkage.

Isaia 58:13

Ngai-Mûnene arauga atîrî, “Ûngîtiga kûruta wîra mûthenya wa thavatû, ûtige kûrûmîrîra maûndû ma gwîkenia we mwene mûthenya wakwa mwamûre, ûtucage thavatû mûthenya wa gûkena na mûthenya wa Ngai-Mûnene wa kûvewa gîtîîo, ûvecage mûthenya ûcio gîtîîo, na ûtige kûthiîcaga njîra ciaku, na ûtige gûcaragia maûndû ma gwîkenia kana kwaragia ndeto itarî na kîguni,

Ezek 20:12

Makîria ma ûguo, nînaamavere mîthenya yakwa ya thavatû îtuîke kîmenyithia gatagatî gakwa nao nîguo mamenye atî nie Ngai-Mûnene nînie nîmatheragia.

Ezek 20:20

na mûvecage thavatû ciakwa gîtîîo nîguo ituîkage kîmenyithia gatagatî gakwa namue, atî Nie Ngai-Mûnene nî Ngai wenyu.

Maariko 2:28

Na kwoguo Mûrû wa Mûndû nî Mwathani nginya wa mûthenya wa thavatû.”

Luka 6:9

Nake Jesû nîwamerire atîrî, “Nie nîrenda kûmûria watho wetû ûtwîtîkîrîtie twîkage atîa mûthenya wa thavatû? Ûtwîtîkîrîtie tûtethanagie kana tûnûvanage! Kûvonokia mwoyo wa mûndû kana gûûcûkangia?”

Johana 7:23

Ethîrwa mûruithagia kavîcî mûthenya wa thavatû nîguo mûtikaune watho wa Musa, mûrandakarîra nîkî navonia mûndû ûyû mwîrî wonthe mûthenya wa thavatû?

2Akor 4:15

Maûndû mama monthe meekirwe nîûndû wenyu. Wata ûrîa wega wa Ngai ûgûkinyîra andû eengî makîria, nwaguo andû acio magaacokagia ngatho kûrî Ngai makîmûgoocaga.

Gûco 5:12

Kûngûagîra mûthenya wa thavatû na ûwamûrage, wata ûrîa Ngai-Mûnene, Ngai waku aakwathire.

Gûco 5:14

Nwatî mûthenya wa mûgwanja nî thavatû ya Ngai-Mûnene, Ngai waku. Mûthenya ûcio, ndûkarutage wîra wana ûrîkû, we mwene, kana mûvîcîguo, kana mwarîguo, kana ndungata yaku ya mûndûmûrûme kana ya mûndûmûka kana ndegwa yaku, kana mvunda yaku kana nyamû yaku wa yonthe, kana mûgeni ûrîa wî gwaku mûciî. We na ndungata ciaku nwanginya mûvurûkage mûthenya ûcio.

Akol 2:16

Kwoguo mûtikaanetîkîrie mûndû wana ûrîkû amûtuîre kîrîa mûkûrîa, kana kîrîa mûkûnyua wana kana ûrîa mûkûrûmîrîra mîthenya mîthuure, kana irugo cia mweri mûcerû, wana kana thavatû.