Maariko 2:25 - ÎVUKU RÎA ÛVORO MWARO

²⁵ Nake Jesû nîwamacokerie atîrî, “Anga mûtianathoma ûrîa Daudi eekire rîrîa ke vamwe na arîa maarî nake maarî avûtu?

Maariko 2:25 ပူးပေါင်းရင်းမြစ်များ

Mathaayo 19:4

Nake Jesû nîwamûcokerie atîrî, “Anga mûtirî mwathoma Mandîko Matheru marîa maugaga atî, kuuma wa Kîammbîrîria Ngai aaûmbire mûndûmûrûme na mûndûmûka,

Mathaayo 21:16

Kwoguo nîmaaûririe Jesû atîrî, “We nîûregua ûrîa marauga?” Nake nîwamacokerie atîrî, “Nînîregua. Nîkwa mûtarî mwathoma mandîkorî atîrî, ‘Nî ûtûmîte tûnyuarî twa twana na tûkenge kuume ûkumio mûkinyanîru.’ ”

Mathaayo 21:42

Nake Jesû nîwamaûririe atîrî, “Anga mûtirî mwathoma ûrîa Mandîko Matheru maugaga atî, ‘Îthiga rîrîa rîaregirwe nî atumi a nyomba, nîrîo rîtuîkîte rîa vata mûno, gûkîra marîa mengî monthe. Nî Mwathani wekire ûguo; naguo tûrawona wî ûndû wa magegania!’

Mathaayo 22:31

Naguo ûvoro wîgiî kûriûka gwa akuû, anga mûtianathoma ûrîa Ngai augîte mandîkorî matheru? Aaugire atîrî,

Mathaayo 4:2

Nake Jesû nîwenyerekirie mîthenya mîrongo îna. Na kwoguo nîwavûtire mûno.

Maariko 12:20

Rîu-î, vîndî îmwe kwarî na anake mûgwanja a ng'ina ûmwe; ûrîa warî mûkûrû nîwavikanirie na vuvarî agîkua matagîte ciana na mûka.

Maariko 12:26

Naguo ûvoro wîgiî kûriûkua gwa akuû-î, anga mûtiathoma îvukuurî rîa Musa gîcunjî kîrîa kîgiî kîvînga kîrîa gîaakanaga mwaki? Gîcunjîrî kîu kwandîkîtwe ûrîa Ngai aarîrie Musa akîmwîra atîrî, ‘Nie nînie Ngai wa Iburahimu, Ngai wa Isaka, na Ngai wa Jakovu.’

Maariko 2:24

Kwoguo Afarisai nîmaaûririe Jesû atîrî, “Nîndûî kîratûma arutwa aku meke ûrîa Watho ûtetîkîrîtie gwîkwe mûthenya wa thavatû?”

Maariko 2:26

Aatonyire nyombarî ya Ngai vîndî îrîa Abiatha aarî Mûthînjîri-Ngai mûnene, na akîrîa mîgate îrîa yarutîrîtwe Ngai na îtaagîrîrwe kûrîwa nî mûndû wîngî tiga athînjîri-Ngai onga. Daudi nîwamîrîre na akîva arîa engî maarî nake.”

Luka 10:26

Nake Jesû akîmûcokeria nîwamûûririe atîrî, “Mandîko matheru maugaga atîa? We ûmataûraga atîa?”