Maariko 2:24 - ÎVUKU RÎA ÛVORO MWARO

²⁴ Kwoguo Afarisai nîmaaûririe Jesû atîrî, “Nîndûî kîratûma arutwa aku meke ûrîa Watho ûtetîkîrîtie gwîkwe mûthenya wa thavatû?”

Maariko 2:24 ပူးပေါင်းရင်းမြစ်များ

Ntha 20:10

Nwatî mûthenya wa mûgwanja nî thavatû yakwa nie, Ngai-Mûnene, Ngai waku. Mûthenya ûcio we ndûkarute wîra wanarî ûrîkû, we mwene, kana mûvîcîguo, kana mwarîguo. Wana ndungata ya mûndû mûrûme kana ya mûndûmûka itikarute wîra, kana ndîthia yaku, kana mûgeni ûrîa ûrî gwaku mûciî.

Ntha 31:15

Mûkaarutaga wîra mîthenya îtandatû, nwatî mûthenya wa mûgwanja nî thavatû ya kûvurûka na wamûrîrîtwe Ngai-Mûnene. Mûndû wa wonthe ûkaaruta wîra wana ûrîkû mûthenya wa thavatû nî akaaûragwa.

Isaia 56:2

Gûkena nî mûndû ûrîa ûrûmagîrîra na kinyi maûndû marîa mbugaga, ûrîa wîkaraga amenyererete mûthenya wa thavatû atakûûthûkia, na atagwîka wanarî ûndû mûcûku.”

Isaia 56:4

Nîûndû nie Ngai-Mûnene nîrauga atîrî, “Andû arîa ngaramba na mamenyagîrîra thavatû ciakwa, arîa mekaga maûndû marîa mangenagia na marûmagia kîrîkanîro gîakwa marî na wîvokeku,

Isaia 56:6

“Nao andû ageni arîa megiritanîtie na andû akwa nie Ngai-Mûnene, arîa mamendete, mandungatagîra, arîa mamenyagîrîra thavatû matakûmîcûkia na marûmagîrîra kîrîkanîro gîakwa na kinyi marî na wîvokeku,

Isaia 58:13

Ngai-Mûnene arauga atîrî, “Ûngîtiga kûruta wîra mûthenya wa thavatû, ûtige kûrûmîrîra maûndû ma gwîkenia we mwene mûthenya wakwa mwamûre, ûtucage thavatû mûthenya wa gûkena na mûthenya wa Ngai-Mûnene wa kûvewa gîtîîo, ûvecage mûthenya ûcio gîtîîo, na ûtige kûthiîcaga njîra ciaku, na ûtige gûcaragia maûndû ma gwîkenia kana kwaragia ndeto itarî na kîguni,

Mathaayo 12:2

Nwatî rîrîa Afarisai moonire ûguo, nîmeerire Jesû atîrî, “Taroria! Arutwa aku mareka ûndû ûrîa watho wetû ûtetîkîrîtie gwîkwe mûthenya wa thavatû.”

Maariko 2:16

Na rîrîa arimû amwe a watho, a gîkundi Kîam Afarisai moonire Jesû akîrîcanîra na evia na etia a mbeca cia gooti, nîmaaûririe arutwa ake atîrî, “Nîndûî gîtûmaga arîcanîrena andû ta aya?”

Maariko 2:25

Nake Jesû nîwamacokerie atîrî, “Anga mûtianathoma ûrîa Daudi eekire rîrîa ke vamwe na arîa maarî nake maarî avûtu?

Maariko 2:7

“Mûndû ûyû angîvota kuga ûguo atîa? Kûu nî kûruma Ngai. Nû ûngîvota kwovanîra mevia tiga Ngai?”

Ahib 12:3

Ta îcirieni ûvoro wake ûcio waûmîrîrie rûmena rûnene kuuma kûrî andû evia. Kwoguo mûtikaûrwe nî vinya kana mûkua ngoro.